¹ Dahwe ɖehwlɛn ɖe mɔ nyi Ananiyasi, e si mɔ nyi Safira eyɛlɛ fe ɖogbekpwɛ mɔ sa e awlango , ² elɔ gɔ esi, emɔ ɖe ixwa éxé elo sa awlango ɔ kpo. E mɔ yi éxé kpo ɔ lɛ yi na emɛɖoloxlan lɛ. ³ Piyɛɛ mɔ kɛn se ƒan: Ananiyasi amɔtu lɛgba lo jwɔ ji mɛ étɔnɛ omɔ ɖe ixwa éxé olo sa xwanglo lɔ kpo, mɔ nɔ ɖu xoxu na gbigbɔ kikɔn? ⁴ Gan e e mɛ egosa xwanglo lɔ gba ele ɔ, itɔn go nɛ? e e owe sɛ ɔ, ixwa lɔ ɔ, itɔn go nɛ? xɛ omɔ ayi huhlu enɛ ɖe? Gbɛtɔ lɛ go nɛ oɖu xosu na é, Mawu eyɔ oɖu xosu na. ⁵ E e Hnanaiyasi se ixo e nɛ lɛ ɔ, ejawan mɔ ku cluɖu, cijwɔ gbekpan mɔ jɛ emɛ éxé se inu ejɛ ene lɛ tɛtɛ bi ji. ⁶ Ɖekajɛ e e ɖe xinɛ lɛ jite mɔ bu ovɔn do e cwɔ, mɔ ze la ɖi. ⁷ É bayi gan hixo otɔn etɔ nɛ esi ƒe nɔ wa, gbe ego se inu éxé jɛ lɛ ti e. ⁸ Piyɛɛ mɔ ylɔ ɛ, mɔ kanse wi ƒan: ixwa etɔ eyɔ mi lo sa mi xwanglo? Lɔ na " É mɔ yi gbe ƒan ɛɛn ixwa e nɛ jan mi lo sa a. ⁹ É e elɔ etɔ nɛ ɔ, piyɛɛ mɔ lɔ ni ƒan: A mɔ ejɔ eyɔ ko do isu lo bla mɔ jlo la din do na iyɛ Mawu etɔn. Etɔnɛ ɖoto; emɛ éxé ɖi isu lɛɛ wenɛ nɔ byɛ asin mɛ we nɛ e la se oyɔ ƒe lɛ ɖi. ¹⁰ É tɛn xwe ùɛ tlolo ɔ, nyɔsi lɔ je awan ɖe piyɛɛ e e asa mɛ mɔ ku. Éxé ɖe kajɛ lɛɛ byɔ osin mɛ ɔ emɔ ecwɔ e mɔ ze eyɔ ƒe lɛ ɖi do esu e e oda mɛ. ¹¹ Cijwɔ gbegban mɔ jɛ gun nu ɖitɔ lɛ etɔn lɛɛ tɛtɛ ji, mo jɛ e mɛ ese inu ejɔ e nɛ le tɛtɛ bi ji.́́ ¹² Mawu jlɛ nususu, mɔ ɖe na dabaɖa susu xlɛ zɔn emɛsɛn tɔ lɛ ji ɖe togun lɔ mɛ. Nuɖitɔ lɛɛ tɛtɛ nɔ kpɔ ɖe Salomɔɔ e e agbaji. ¹³ Mɛti gɔ kpego lo gla lo bɔ do ego é. Vɔ ogun lɔ mɔ nyi wan nɛ tawun. ¹⁴ E mɛ éxé nɔ ɖinu na Mawu lɛ ɔ, nɔ su deji, ɖe islun mɛ ɖe nyɔsi mɛ. ¹⁵ Mɛ lɛ mɔ ze e e ozɔntɔ lɛɛ we ɖo imɔ lɛ ji, etɛ e do batin lɛ ji, mɔ gɔ tɛ e do ozanji, nɛ piyɛɛ we nɔ nya ɔ, eyɛ na egbɛ mɛ le hwlɛn lɛɛ vɔvɔ ɖe emɛ . ¹⁶ Mɛ susu ɖe ito éxé yado Jeluzalɛmu mɛ mɔ kplan ozɔntɔ lɛɛ ƒe gɔdo e mɛ éxé iyɛ nyinyla nɔ do tagba lɛɛ lo wa, e ozɔn mɔ gbɔ nɛ tɛtɛ bi. ¹⁷ Ovɔsanu xwlémawutɔ gbo lɔ ƒe gɔ do emɛ éxé ɖe kpɔ gɔ di lɛɛ tɛtɛ be hwanlɔwiwa mɔ jite do e mɛ ɖo lo xwlan lɛ ji e mɛ éxé ɖe kpɔ di lɛ eye nyi sadusyɛn. ¹⁸ È wli do gankpa mɛ, xi e exe ewli emɛ kpa lɛɛ su do ɔ. ¹⁹ Vɔ ɔ e e ozan do ɔ, wenzangun Mawu etɔn lɛɛ lokpo hun gankpa lɔ ehɔn lɛɛ, mɔ kplɛn jɛ gbinto, mɔ lɔ nɛ ƒan. ²⁰ Mi la ci sinsɛnxɔmɛ mɔ jla ewɛn ɖagbɛ Mawu etɔn exé na egbɛ e mɛ ɔ togun lɔ tɛtɛ. ²¹ Éxé è se etɔ nɛ ɔ, è ƒɔn zan mɔ sɔn sinsɛn xɔmɛ mɛ bɛ inu kpinkplɔn mɛ lɛ, vɔsanu-xwlémawutɔ gbo lɔ́ ƒe gɔ do emɛ éxé ɖe kpɔ gɔ di lɛɛ, ylɔ Izlayɛli tomɛxó lɛ́ɛ nɛ lo bayi toxo lɔ gbɛ ebibɔ. É e bɔ ɔ e ɖo emɛ lo xwlan ƒan nɛ la kplan mɛ ɖo lo xlan lɛɛ ɖe gankpa mɛ. ²² Exe sɔja lɛɛ sɔn ɔ, e ɔ m ɔ ɛ ɖe gankpa lɔ mɛ é. E mɔ lɛkɔ mɔ we ɖo gbe ƒan. ²³ Mimɔ ihɔn lɛ tɛtɛ ɖe susu ganji, mɔ́ mɔ̀ sɔja ɖe ihɔn lɛɛ ji. e e mi hun ihɔn lɛɛ ɔ, mi go mɔ mɛ ti ɖe xɔ lo mɛ é. ²⁴ Éxé sinsɛnxɔcɔtɔ lɛɛ e ga ƒe gɔ do ovɔsanu xwle Mawutɔ ga lɛɛ se etɔ nɛ ɔ, è bɛ ayi kinkan do e mɛɖo lo xlan enɛ le exo ƒe gɔ do inu éxé wa jɛ egodo lɛɛ go. ²⁵ É me lé wlɛ́n mɔ we tɔn mɔ lɔ nɛ ƒan: Emɛ éxé ùi wli sudo gankpamɛ lɛɛ wenɛ ɖe sinsɛnxɔ mɛ mɔ nɔ kplɔnnu togun we nɛ. ²⁶ Keun sinsɛnxɔcɔtɔ lɛɛ e ga, ƒe gɔ do emɛ lɛɛ sɔn mɔ la kplan emɛ ɖo lo xlan lɛɛ lo wa gba ego kplɛn gɔdo zigidi é, ɖo e nɔ cwɔ ƒan: togun lɔ la we dun ekpɛn lo hu eyè. ²⁷ Ée ekplan emɛ ɖo lo xlan lee lo wa ɔ, è kplɛn lo sɔn itoxo gbɛ lo e o un kɔn keun avɔsanuxlématɔ gbo lɔ mɔ bɛ ehwɛ dida nɛ ƒan. ²⁸ Mi ɖo mɔ do esɛn na mi sinsyɛn ƒan ami ma ga kplɔn nu e mɛ do dahwe enɛ go elé ɔ?. Ewe nɛ inu ee mi nɔ kplɔn e mɛ lɛɛ ɔ, egba mɔ kpe Jeluzalɛmu tɔ lɔ tɛtɛ mɛ we nɛ ke un mi mɔ din wa yi dahwe ee nɛ eku ikpla na mi. ²⁹ Piyɛɛ gɔ do emɛ ɖo lo xlan lɛɛ mɔ yi gbé ni ƒan: é ɖo la se otonu na Mawu hugan e la se tonu na gbɛtɔ. ³⁰ Mawu mitɔgbo lɛɛ etɔn mɔ ƒɔn Yesu enɛ ee mi hu gan ee mɛ mi kɛ do atisoga ji ɔ. ³¹ Mawu yi do e aɖu si mɛ, mɔ ze su mɔ yi lo yi iga emɛwlɛngantɔ nɛ lo xlɛ imɔ Izlayɛli to lɔ nɛ Izalɛyi to lɔ ni lo lɛ kɔ ɖe e hwɛ lɛ gun, nɛ Mawu ni lo yi ee hwɛ lɛ mɔ yi kɛɛ. ³² Mi nyi klun ɖe tɔ inu enɛ lɛ ee tɔn; mi ɛlɛɛ ƒegɔ do gbigbɔ e Mawu na emɛ mɔ se tonu ni lɛɛ ƒe. ³³ Ee itoxolɔtɔ lɛ se ixo ee nɛ lɛ ɔ, xomɛ sin tawun emɔ din la nu emɛ ɖo lo xlan lɛ. ³⁴ Vɔ Ƒalizawien lokpo mɔ ɖe emɛ gan enɛ mɛ ; émɔ ylɔ ƒan Gamayɛli esɛnkplɔn emɛ tɔ gbo lokpo eye nyi. Keun ito lɔ tɛtɛ bibi mɔ si i dahwe ee nɛ mɔ cité itoxolɔ gbɛ ta lɔmɛ, mɔ ɖe gbe ƒannɛ ɖe emɛɖo loxlan lɛ tɛn gba. ³⁵ Enɛ egodo ɔ, é mɔ lɔ na ito xo lɔ tɔ lɛɛ ƒan: Izlalɛvi lɛɛ mi, mi ayi do inu éxé mi nɔ dee wa gɔdo e mɛ exé lɛ go. ³⁶ Ego dɛn tɛn gba é Tedasi lo cité ɖe xi e ƒan eyɛ jɛn eɖe, na islun mɛxo lasɔn aƒɔle( 400) etɔnɛ loxwedi i È mɔ gbedo ixo mɔ gɔn . ³⁷ Eyɔ egodo ɔ, Judasi Galilenu ɔ, ejité ɖe emɛ xixlɛ ganlɛ mɔ dɔn ahwan do eɖee ji eyɔ ƒe ku emɛ éxé xwe ɖi eyɔ ƒe ku emɛ éxé xwe ɖi lɛ ƒe mɔ gbedo. ³⁸ Tɛn ɔ, na lɔ na mi, mi ma gɔ kpɔn inu enɛ lɛ ti ejɛ ji é mi jo é do nɛ sɔn, ɖo nɛ tito alo nuwiwa etɔn lɛɛ nɛ gbɛtɔ kɛ elɛ ɖe ɔ, è mɔ su ee kundo. ³⁹ Vɔ ɔ exé nyi ƒan Mawu e nu wiwa lɛ nɛ ɔ, mi go kpego la su do é mi cɔ mi ɖiɖee bo ma tɔn ahwan Mawu é. ⁴⁰ Ee élɔ etɔn ɔ, eyɛmɛ tɛtɛ yigbe na exo, mɔ ylɔ emɛ ɖo lo xlan lɛɛ, è mɔ zɔn èmɔ xo é, mɔ do esɛn nɛ ƒan nɛ ma gɔ lɔ xo ɖe Yesu enyi kɔ mɛ ti é, mɔ joe do. ⁴¹ Emɛɖoloxlan lɛɛ mɔ lɛ ɖe itoxolɔ gbɛ lɔ e unkɔn, iji mɔ jwɛ tawun, ɖo è mɔ ƒan Mawu mɔ ɛ lo mɔ e mɛ éxé jɛ gɔ do oyaɖuɖu do Yesu enyikɔ mɛ ɔ. ⁴² Okunkɛngbe Okunkɛngbe ɔ, ego gɔn inykplɔn e mɛ lɛ gble è gbɛ è go gɔn ewɛn mɛmɛyi exé lɔxo do yesu ɔ, jijlo do e gble e.