¹ Piyɛɛ gɔdo jaan nɔ lɔ xo na togun lɔ, vɔsanamawutɔ lɛɛ gɔdo sinsɛnxɔcɔtɔ lɛ ega, sinsɛn ha exe e ylɔ fan saduseɛn lɛ ɔ mɔ we tɔn. ² enu exe emɛ ɖo lo hlan owe enɛ lɛ nɔ kplɔn mɛ lɛ ɔ, mɔ lɔ fan jesu fɔn ɖe ku mɔ nɔ yi lo xlɛ ɖe xin nɛ fan mɛkuku lɛ la fɔn ɖe ku ɔ. e vɛ ɖe ye go. ye mɔ wli emɛ ɖolohlan owe enɛ lɛ do gan mɛ. ³ ye mɔ nɔ xinnɛ kaka oku nɔ kɛn. ⁴ inu ɖe etɔnɛ co mɛ lɛ mɔ ɖi nu na xo lɔ. e mɛ exe ɖinu lɛ la sɔn 500.000 ⁵ OKUNKɛN GBE ɔ? juifuga lɛ, tomɛxo lɛ, sɛnkplɔn emɛtɔlɛ ewe bɔ ɖe ⁶ jeluzalɛmu. vɔsa na mawutɔ gbo hanna ɖe tɛnxwe enɛ mɛ gɔdo kayifu gɔ jaan gɔ alɛsandru gɔ vɔsanamawutɔ gbo ɔ e osindo tɛtɛ. ye lɔ ye mɔ kplan piyɛɛ gɔ jaan lo wa ye unkɔn. ⁷ ye mɔ kanse wi fan: emɛ acɛ mɛ alo emɛ enyikɔ mɛ mi bayi nu enɛ lɛ do ⁸ Gan enɛ mɛ ɔ, gbigbɔ kinkɔn wa ayi mɛ na piyɛɛ e mɔ lɔ nɛɛ fan, ⁹ mi nɔ lɔ hwɛ gɔ mi egbe ɖo mi gbɔ ozɔn na sekunɔ nɛhwlɛn mi mɔ nɔ jlo a nyɔ kɛn mi bayi ɖo ɔ go nɛ ¹⁰ mi ɛmɛ tɛtɛ gɔ izraeli toɔ ni nyɔ fan, jesu kliso nazalɛtitɔ exe mi ka do atinsoga ji ɔ mɔ fɔn ɖe ku ɔ e nyikɔ mɛ ɖiyakpoe enɛ ɖe ganji ɖe ɖe mi unkɔn tɛn. ¹¹ Jezu enɛ xo elɔ ɖe mawu xo wema ɔ mɛ fan: ekpɛn exex mi xɔtuntɔlɛ gbɛ ɖawan ɔ we trɔ zun ekpɛn adodoe lɔ. ekpɛn dodonugbɛn tɔn lɔ. eyɔ lokponɔ ela kpego lo hwlɛn mɛ gan. ¹² lo zɔn igbɛ ɔ tɛtɛ mɛ ɔ, mawu ogɔ na gbɛtɔ lɛ mɛti e mɔ mɔ hwlɛngan zɔn eji zɛ jezu go e. ¹³ Emɛ exe e ɖe to haɔ mɛ lɛ mɔ fan piyɛɛ gɔ jaan ɔ gbɛtɔ vɔvɔ kpoun nɛ. ye go se wema e vɔ ɔ kɛn ye ɖeji mɔ lɔ xo ɖo ɔ kpaca wi. ye mɔmɔ kunu jɛ ego fan yɛmɛ exe zɔn gɔ jesu lɛ nɛhwlɛn nɛ ¹⁴ vɔ ɔ exe ye mɔ emɛ exe ye gbɔ ozɔn na ɖe ye kɛ ɔ, ye gɔ nyɔn nu exe ye la lɔ dego e. ¹⁵ Ye mɔ lɔ nɛ fan nɛɛ tɔn ɖe xo ɔ mɛ, ye mɔ bɛ xo lɛ bubu kpɔn ɖe yeɖe cɛncɛn. ¹⁶ ye lɔ fan amu mi wa bayi na ɖyakpoe enɛ lɛ ɖo nu exe mawu jlɛ zɔn eji ɔ ɖe gan nagan na. jeluzalɛmuto ɔ tɛtɛ mɔ mɔ kunu jɛ ego fan yɛlɛ ebayi gbɛ mi okpego agbɛ e. ¹⁷ vɔ ɔ mi la tɛnkpɔn ixo ɔ ni ma gba kpe e. mila van ukun dee mɔ do isɛn nɛɛ fan nɛ ma gɔ lɔ xo na mɛti ɖe jezu enyikɔ mɛ e. exe ye lɔ etɔnɛ ¹⁸ ɔ, ye ylɔ piyɛɛ gɔ jaan mɔ do isɛn nɛɛ vivɛ le fan nɛ ma gɔ lɔ xo na mɛti ɖe jezu enyikɔ mɛ e. gbɛ nɛ ma gɔ kplɔn nu mɛti ɖe jezu e nyikɔ mɛ e. ¹⁹ Piyɛɛ gɔdo jaan yi xo mɔ lɔ nɛɛ fan miɛlɛ tete mi kpo fan esɔgbe fan nɛ segbena mi hu mawu ja. ²⁰ mi elɛ ɔ nu exe mi mɔ, mɔ se ɔ, mi go kpego a gbɛ lilɔ gble. ²¹ Exe ye lɔ etɔnɛ ɔ ye gɔ vɔ okun van de ganji mɔ joe do ɖo ye go nyɔn kɛn ye dɔn oto nɛɛ ɖo e ɖo togun ɔ wutu. ɖo togunɔ tɛtɛ enɔ kafu mawu. lo zɔn enu enɛ exe jɔ ɔ wutu. ²² ɖiyakpoe exe ozɔn gbɔ na zɔn jezu enujijlɛ mɛ ɔ mɔ ɖo xwe 40 zɛ ego. ²³ Exe ye jo piyɛɛ gɔ jaan do ɔ ye lɛkɔ lo sɔn ye ha lɛ kɛ ɔ, ye lɔ nu exe jɔ le tɛtɛ nɛ. ²⁴ exe ye ha lɛ se xo enɛ lɛ ɔ yɛmɛ tɛtɛ ɖo gbe kpɔɛ mɔlɔ na mawu fan, mawu oyɔ e bayi jihle gɔ awlango ²⁵ mɔ bayi nu exe eɖemɛlɛ tɛtɛ oyɔ e zɔn gbigbɔ kinkɔn ji mɔ yi ixo exe lɛ do kemɛ na mi. mi tɔgbo davidi emɔ lɔ fan: amutu emɛ exe go wa juifu lɛ ɖe adan ji amutu togun lɛ tɛtɛ blagbe do vɔvɔ, kɔsu lɛ sɔ ahwan nu iga lɛ mɔ ɖo gbekpɔɛ mɔ tɔn ahwan mawu gɔ jesu ²⁶ Kɔsu éxé eɖe egbɛ ɔ mɛ lɛ sɔ ahwannu; igalɛ mɔ ɖo gbe kpwɛ mɔ tɔn ahwan aklunɔ Mawu gɔ e Klisu. ²⁷ Xonugboɔ, egbe eyi elodu gɔ pɔnsu pilatu ɖokpɔɛ ɖe tomɛ xie gɔ emɛ exe go wa juifu e lɛ gɔ izraeli vi kpɛ lɛ mɔ fɔn gu do mi ɛ gɔ klisu ji. ²⁸ ye ɖo gbe kpɔɛ mɔ bayi inu exe o yɔ tete jlo mɔ ɖo i tito ɖawan ɖe i hinhlɔn mɛ ɔ tɛtɛ. ²⁹ Tɛn ɔ aklunɔ, kpɔ adan exe yenɔ gblɔn na mi ɔ, mɔ bayi nɛ mɛsɛntɔ itɔn lɛ ni ɖo okɔn kpikpan mɔ jla ixo gɔ jiɖiɖe tɛtɛ. ³⁰ dlɛn i olɔ inu jijɔ gɔ nu dabaɖa lɛ ni jɔ ɖe jezu e nyikɔ mɛ. ³¹ exe ye xoɖɛ yɔ ɔ, xie yeɖe ɔ hunhun. gbigbɔ kinkɔn juɔ ayi mɛ nɛ ye mɔ bɛ mawu xo ɔ jijla gɔ jiɖiɖe. ³² Nuɖitɔ lɛ tɛtɛ ɖo jlo lokpoɔ mɔ ɖo linlin lokpoɔ mɛti gɔ ylɔ enu exe ewa etɔn ɔ lo ylɔ etɔn e vɔ ɔ enu exe enyi emɛ lokpolokpo etɔn ɔ etrɔ zun mɛ tɛtɛ etɔn. ³³ nuɖitɔ lɛ tɛtɛ ɖo jlo lokpo ɔ mɔ ɖo susu lokpoɔ gbɛ mɛ ti gɔ yi inu exe wa etɔn lo ylɔ etɔn e.vɔ inu eɖe emɛ lokpolokpo si ɔ trɔ zun emɛ tɛtɛ e tɔn. ³⁴ Mɛti go jɛ nuti do ɖe ye mɛ e, ɖo emɛ exe ɖo awlango alo osin lɛ ze sa, mɔ yi xwa lɔ we na emɛɖolohlan lɛ. ³⁵ ye mɔ man na me lokpolokpo kɛn enu hude ɖoɔ ³⁶ etɔnɛkeɔ, ɖiyakpoe nɛhlɛn ɖe emɔ ylɔ ɛ fan jozɛfu. emɛɖolohlan lɛ mɔ ɖo nyikɔ ni fan ³⁷ banabasi.egɔn mɛ enyi fan olɔ ɖo okɔnji namɛtɔ.levi vi nɛ. eyɔ fe sa awlango lokpo mɔ yi exwa lowa.