¹ Un nɔvi lɛ mi ; un tɔ́ lɛ mi , mi ɖoto , ixo éxé i ɖo mɔ na lɔ na mi tɛn do inu exé é hwɛ mi do un lɛ go ɔ . ² Exé e mɔ ƒan Alamugbe mɛ eyi é nɔ lɔxo do na eyɛ ɔ , yɛmɛ tɛtɛ gɔ ci tóó déji , Pɔlu mɔ lɔ : ³ Jwiƒu eyi éwa un , Táási eyi eji un ɖé , ɖe silisii gbeji , Jeluzalɛ xie i nɔ lo hwɛ́n ; Gamaliyɛli eyi e nyi ǔn cica ; i kplɔn kɛn e ɖoa nyi mi tɔgbo lɛ e sɛn ɖo ɔ mi céɖé céɖé . i jɛ hun do Mawu ji , kɛn miɛ lɛ ƒe nɔ jɛhun deji okunkɛngbe tɛn ɔ . ⁴ i daya na yɛmɛ éxé xwedo Aklunɔ é mɔ lɛ , gbɔn emɛ kú ɖe emɛ kpɔn ; i mɔ wli sunnu gɔdo nyɔsi la do gankpa mɛ . ⁵ Vɔsanuú xwlemawutɔ gbo ɔ gɔdo kpikple ogunnukɔntɔ lɛ etɔn hɛn ɔ , é hɛn ɔ éla ɖe klu na ƒan xonugbo eyɔ nɔ lɔ́ ; itɛ yi xoma ɖe esi na un nɔvi jwiƒu éxé ɖe Damasi lɛ , nǎ wli inuɖitɔ éxé ɖe xinnɛ lɛ , mǎ kplɛ̌n lo wa Jeluzalɛmu , nɛ̌ lo dɔn to nɛ̌ . ⁶ Mɔji iɖé , mɔ gógó Damasi , kéun de gan owi owe mɛ étɔnɛ ɔ , kiklɛ gbo nɛhwlɛn lɛ ɖe jihwlé mɔ trɔ do un , ⁷ i mɔ ƒlɛ , mɔ se gbe nɛhwlɛn , egbe ɔ kansé́ un ƒán : Sólu ! Amútú o lo ɖé doun ʔ ⁸ i kɛ̌n se ƒán : oyɔ emɛ nɛ Aklunɔ ʔ E mɔ lɔna ƒán : nyɔ yesu Nazalɛti tɔn éxé onɔ ɖé́do ɔ nɛ . ⁹ Nyɔ gɔ emɛ éxé́ zɔn lɛ ɔ mɔ ƙinƙlɛ́n ɔ, ěgo se emɛ éxé́ é nɔ lɔ xó ɔ é gbé é. ¹⁰ Igɔ ƙanse emɛ́ éxé nɔ lɔ xó ná ɔ ƒán : amú iɖó á bayí Aƙlúnɔ ʔ Aƙlúnɔ ɔ́ mɔ lɔ na ƒán : citè , sɔn Damasi , omɔ̌ sɔ́n xinnɛ́ ɔ́ , e lá lɔ inú éxé Mawú ƒán nɔ wa ɔ tɛ́tɛ́ nɛ . ¹¹ Vɔ̌ , ƙinƙlɛ́n ɔ e hinhlɔ́n zɔn , ƙéun gɔ̌ ƙpégo ló mɔ́ oƙúnnú é , ƙéun nyɔ gɔ ún hǎ éxé zɔn lɛ eyi egbɔjwɛ hɛn ún olɔ gbɔ̌n mɔ ƙplan un lo sɔn Damasi . ¹² Dǎhwe nɛhwlɛn mɔ ɖe Damasi xinnɛ́ , emɔ ylwɛ ƒán Ananyasi ; dǎhwe nɛhwlɛn é nyi , mɔ́ xwedó Mawú é sɛ́n , mɔ ɖo sísí ná Mawú , ƙéun Jwifu éxě ɖé to ɔ mɛ lɛ tɛ́tɛ́ mɔ́ lɔ é xó mɛ́mɛ́yí . ¹³ Dǎhwe enɛ́ wa ǔnƙɛ́ , mɔ nɔte ɖe adamɛ na , mɔ lɔ na ƒán : Solu , ún nɔvǐ í oƙún ní hun , nɔ̌ gɔ mɔ oƙúnnú . Jloƙpwe ɔ́ , ún oƙún lɛɛ hun , ƙéun imɔ mɔ Ananyasi . ¹⁴ É mɔ́ lɔ fan: "Mawu mi tɔgbolɛ etɔn emɔ yi, nɔ lo nyɔ ejlo mɔ omɔ mɔ emɛsɛntɔ Mawu etɔn ehwɛjijɔnɔ lokp gée ɔ. Omɔ se ixo exé la tɔn ɖe é kemɛ ɔ. ¹⁵ Ɖo oɖo a nyi e klunɖetɔ mɔ lɔ inu exé omɔ , mɔ se ɔ ɖe gbɛtɔ lɛ tɛtɛ e owunkɔn. ¹⁶ Tɛn ɔ, amu ogɔnɔ nɔte kpɔn, cité! Nɛ ylɔ e nyikɔ lo lɛ Mawusin nɛ mɔ ɖe ɖe i hwɛmɛ. ¹⁷ exé i lɛkɔ lo wa Jeluzalɛmu ɔ, nɔ xo eɖɛ gbelokpo ɖe sinsɛnxɔmɛ mɔ bɛ inu mimɔ. ¹⁸ I mɔ Aklunɔ emɔ lɔ na fan hwlɛndo, nɔ ɖebla tɔn ɖe tomɛ xie, ɖo iklun éxé . ɖo iklun éxé owa ɖe na ɖe tomɛ xie ɔ, tɔmɛ xie tɔ lɛ go na ɖinu na e. ¹⁹ Imɔ yigbe fan aklunɔ , emɔ nyɔ ganji san fan i zɔn kplɔnxɔlɛmɛ mɔ na emɔ wli emɛ éxé ɖinu nɛ lɛ do gankpamɛ mɔ xo e. ²⁰ Gan éxé m emɛ e nɔ hu eklunɖetɔ etiɛni ɔ, nyɔ fe ɖe hinnɛ mɔ yigbe na inyɔ etlɛ hɛn emɛ éxé nɔ hwi lɛ e awu go. ²¹ Aklunɔ mɔ lɔna fan sɔn ɖo xi ɖindɛn ina ɖwe loxlan ɖe emɛ éxé go nyi jwifu lɛ kɛ. ²² Emɛlɛ ɖoto wu Pɔlu kaka lo jɛ hinnɛ mɔ bɛ abobo dido fan: mi ɖiakpwe enɛ mi hwi; ego wa inu éxé wa nɔ egbɛ e; ²³ enɔ ɖ'abobo mɔ nɔ ɖu e ovɔnlɛ do jihwle, mɔnɔ ɖu ikɔgudu do jihwle. ²⁴ Ahwanga gbo ɔ mɔ lɔ fan nɛ kplan Pɔlu lo byɛ ahwankpalɔmɛ mɔ x e, mɔ kan xo se wi, emɔ lɔ inu éxé wutu emɛlɛ nɔ d'abobo deji etɔnɛ ɔ. ²⁵ Exé e kplan Pɔlu mɔ na xo e ɔ, e kanse sɔja kawe ko ga ɔ fan: esɛn lɔ nagbe fan nɛ xo hlɔmavi do lanba go ma lɔhwɛ ni gba nɛ? ²⁶ Exé sɔja kanwekoga enɛ se etɔnɛ ɔ, e lɛ mɔ ahwanga gbo Hlɔma tɔn ɔ mɔlɔni fan: amu ona desin enɛ? dahwe lɔ hlɔmatɔ nɛ a. ²⁷ Ahwangagbo Hlɔmatɔn mɔ wa Pɔlu kɛ mɔ kanse wi fan Hlɔma tɔ e wɛ xonugbo? Pɔlu mɔ yigbe fan? Ɛɛn, Hlɔmatɔ i nyi. ²⁸ Ahwanga gbo Hlɔmatɔn mɔ lɔ fan: inyɔɔ ixwa susu izan fofo elo hwlɛ ɔ do Hlɔmatɔlɛ mɛ. Pɔlu mɔ lɔfan inyɔ ɔ Hlɔmavi jiji inyi. ²⁹ Tlolo ɔ emɛ éxé na xo e lɛ mɔ zɔn gɔgwɛ mɔ sɔn godo blewun. Cicwɔ jɛ ahwanga gbo hlɔmatɔn ɔ fe ji. Ɖo ewe mɔ fan Hlɔma tovi eyi enagbe fan nɛ bla. ³⁰ E e okunkɛn gbeɔ, ahwanga gbo jlo na nyɔ inu éxé hwɛ Jwifu lɛ nɔ do Pɔlu tawun ɔ, e nagbe e mɔ tluwi, mɔ nagbe emɔ bɔ sɔja kanweko ga lɛ gɔ toxo lɔtɔlɛ, e mɔ kplan Pɔlu lo sɔn owunkɔn nɛ.