¹ Exé mi wé jwé do ɔ, mi byɛ toji hun mɛ mɔ bɛ co mɛ tlolo. Okunkɛngbe ɔ miwa Hlodɛsi mɔ lɛ ɖe xlnɛ mɔn sɔn Patala. ² Mi mɔ mɔ tɔjihun elehlɛn, e mɔ nɔ sɔn Fenisi, kpoun ɔ mi mɔ byɛ e mɛ mɔ bɛ mɔ. ³ Mi mɔ ito e ylɔ fan ciplu loxlan mɔ jo to e nɛ ɔ do do omiɔ mɛ, mɔ san slii mɔ we gli hun do Tii, ɖo xinɛ tojihun lɔ ɖo la de a gban. ⁴ Mi mɔ e mɛ ɖi nu na Jezu lɛɛ ɖe ximɛ. Mi mɔ nɔ e kɛ mɔ ɖu azan aciowe. Gbi gbɔ wiwe e hinhlɔn ɖe inne ɖe te kpɔn Pɔlu ylɛ ye fan nɛ mɔ sɔn Jeruzalɛmu e. ⁵ Co'ɔ e mi nɔ xi nɛ na azan ciowe ɔ, mi gɔ bɛ imɔ, eyɛ gɔ esi lɛɛ evi kpɛ lɛɛ we ɖo mi kaka jɛ i to lɔ go do. E e mijɛ iwuto'ɔ mi jɛ klo mɔ xo eɖɛ. ⁶ Enɛ godo ɔ, mi do baba yooo na minɔ zo lɛɛ. kpo un mi mɔ byɛ tojihun mɛ e yɛ lɛɛ mɔ lɛkɔ losɔn eyɔsin lɛ gbe. ⁷ Exe mi lɛ ɖe Tii'ɔ Puto le ma yisi e yɔ mi la gli hun do, mi tɔji zinzɔn losɔn to mɛ mɔ nɔ te do xinɛ. Mido gbe mi nɔvi ɖe nuɖiɖi mɛ lɛɛ mɔ nɔ kpwɛ gɔɖe gbe enɛ gbe. ⁸ Eyɔ kunkɛn gbe ɔ; mi sɔn sezaleebo jɛ Filipu ewɛn dagbe jla tɔ osinmɛ. Mɔ nɔ xi nɛ. ⁹ Filipu e nɛ ɖe emɛ aciowe e cian ɖe Jeruzalɛmu lɛɛ mɛ. Filipu ɖo tugbejɛ enɛ, eyɛ mɛ ti go nyɔ isrun e. E mɔ nɔ Mawuxo lɔ tɔn. ¹⁰ Mi mɔ nɔ xi nɛ azan susu ixo yi ɖe Mawusi mɔ lɔ tɔ Agabusi lɛ ɖe Judee mɔ wa. ¹¹ E we mɔ mi, mɔ yi ogoji blanu Pɔlu e tɔn lo bla ofɔ gɔdo olɔ na edee, mɔ lɔ fan: inu yɛsinsɛn lɔ we: e mɛ tɔn ewa goji blanu exe ɔ, kɛn Jwifu lɛɛ wa blɛɛ ɖo ɖe Jezuzalɛmu elo ɔ we, e mɔ yi ina e mɛ go wa Jwifu lɛɛ e ɖo ɔ we. ¹² Ee mi se e tɔ nɛ ɔ, myɛ lɛɛ gɔdo to lɔ mɛ nu lɛɛ ɖe kuku na Pɔlu fan nɛ ma sɔn Jeruzalɛmu e. ¹³ E mɔ yigbe na mi fan: a mu e jɔ mi lo viavi mɔ nɔ gba ayi do na e tɔ nɛ? Mɛ nyi e la bla lokpo nɔ nɛ ɔ, iɖe gbesisɔ, mɔ gɔ ɖe gbesisɔ wa ku ɖe Jeruzalɛmu do Mawu Jezu wutu. ¹⁴ Exe mi ɔ kpego wa lɔ ixo t'i lo nɛn o te le ɔ jɛn nɛ ɔ, mi gbɔ jo e do mɔ lɔ fan: kɛn Mawu lɔ jlo ɖo ɔ nɛ mɔ nyi etɔ nɛ. ¹⁵ Mi nɔ xi nɛ na azan ywɛ dehlɛn mɔ sɔ nu mɔ bɛ Jeruzalɛmu mɔ. ¹⁶ Ahwanvi Jezu tɔn ede sezalee lɛɛ zɔn gɔ mi, mɔ kplan mi lɔ sɔn ahwanvi xoxo Jezu tɔn lokpo osin mɛ ɖe tɔ cɛncɛn e eylɔ fan Ciplu mɛ nu lɛɛ e nyi e mɔ ylɔ ɛ fan mu na sɔɔn osɔn mɛ mi wa nɔ. ¹⁷ Exe mi wa Jeruzalɛmu, mi nɔvi ɖe nuɖiɖi mɛ lɛɛ yi mi gɔdo jijwɛ. ¹⁸ Okunkɛn gbe ɔ, Pɔlu gɔdo mi sɔn Jaki xwɛ, ogun mɛxo lɛɛ tɛtɛ mɔ bɔ ɖe xinɛ. ¹⁹ Pɔlu dogbe na ye, i nu Mawu jlɛ ɖe e mɛ go nyi Jwifu lɛɛ cɛncɛn mɛ e mɔ wli lokpo mɔ lɔ na ye. ²⁰ Eexe ese ixo enɛ lɛɛ ɔ, e mɔ kpa susu na Mawu mɔ nɔ lɔ na Pɔlu fan omɔ nɔvi? Jwifu lɛ afatɔn afatɔn donu nɛmulɛ̌ éɖinú; yemɛ tɛtɛ mɔ gɔ nɔ do vivɛ nu do Mɔyizi sɛn lɔ go. ²¹ Ye mɔ we lɔnɛ fan okplɔn nu Jwifu exe eɖe tobumɛ lɛ fan nɛyemagɔ nyi Mɔyizi sɛn lɔ e; nɛ ye magɔ gbo ada na yevikpɛlɛ tie. ²² Amu milabayi ɖo tɛɛn? Ɖe dandan mɛ ɔ, yelase fan alɛkɔ lowa. ²³ Hun, mɔbayi enu exe mi lalɔ nɛ lɛ. Ɖyakpwe enɛ lohwlɛn lɛ ɖe mimɛ, mɔ do kpagbe na Mawu. ²⁴ Kplɛɛn nɛ oyɔ gɔdee ami lɛ slawu; ola su exwa exe mila zan ɖe xinmɛ ɔ tɛtɛ, nɛ ye mɔ tɛnwun kpego lɔ xwlɛ takun; gan enɛ mɛ ɔ, mɛ tɛtɛ mɔ nɔ fan exo exe yelɔ do xigo ɔ go nyi xonugo e, ye mɔ mɔ fan oyɔfe nyi Mɔyizi esɛn lɛ. ²⁵ Emɛ exe egowa Jwifu ɔ, mɔɖinu na Jezu lɛ ɔ, mimɔ wlan enu exe mi bɔ mɔlɔ ɔ lohlɛn fan nɛɛ maɖu elan exe ye xwle yɛhwe ɔ tie; nɛ ye ma ɖu hun e nɛ ye ma ɖu kanlin exe yesuogbɔ do dɔmɛna mɔhu ɔ elan e, nɛ yema lɛ aga e. ²⁶ Gan emɛ mɛ ɔ, Pɔlu ekplan ɖyakpwe enɛ enɛ lɛ, e okunkɛn gbe ɔ, emɔ slawu gɔdee, emɔ biyɛ sinsɛn xɔmɛ. Yelɔ gbe exe gbe owusisla lɔ la gɔn do, yemɔ xwle vɔsanu Mawu do lokpo lokpo yetɔn lɛ etakun mɛdo ɔ nɛɛ ɖe xinɛ. ²⁷ Azan aciowe lɛ ena gɔn kɛɖɛ, kpowun ɔJwifu azii gbe ji tɔn lɛ mɔwe mɔ Pɔlu ɖe sinsɛnxɔmɛ, mɔ fɔn togun lɔ tɛtɛ do eji, mɔwlii. ²⁸ Yedo abobo mɔlɔ fan: Izlayɛlivi lɛ mi, miwa looo! Emɛ exe lɔxo do Izlayɛli togun lɔgo mɔ lɔxo do Mɔyizi sɛn ɔ go ɔ, mɔ lɔ xo do sinsɛn lɔ exe go na mɛ lɛ zɔn xi tɛtɛ ɔ eyi wee! Etɛ dɔ emɛ exe ego nyi Jwifu ele lɛ byɛ sinsɛnxɔ mɛ, mɔ ɖusu na tɛnxwe kinkɔn exe. ²⁹ Yelɔ etɔnɛ, ɖo ye mɔ mɔ tlofimu efɛzitɔ lɔ gɔ Pɔlu ɖe toxo lɔ mɛ ye mɔ mɔlo mɔ fan Pɔlu ekplanɛ lo byɛ sinsɛnxɔ lɔ mɛ nɛɛ sin. ³⁰ Hunyan hun nya lɔ gbakpe eto ɔ tɛtɛ mɛ. Emɛ lɛ mɔ dowezun mɔ lɛɖe awa lɛ tɛtɛ mɛ. Emɛ lɛ mɔ dowezun mɔ lɛɖe awa lɛ tɛtɛ ji; ye wli Pɔlu, mɔdɔn ɛtɔn ɖe sinsɛn xɔlɔ mɛ, mɔsu ehɔn lɛ tɛtɛ tlolo. ³¹ Ye nɔ ɔ din na hui, ye mɔ we lɔ na ahwangab gbo exe ekpo acɛ na ahwan kanɖo hlɔmatɔn ɔ fan: Jeluzalɛmutɔ to lɔ tɛɛ exo zin. ³² Tantan lokpo ɔ, ahwanga gbo ɔ mɔ kplan sɔjalɛ gɔ sɔja kanweko ga lɛ, mɔ zɔndo mɛlɛ ji. Exe emɛ exe enɔ xo Pɔlu lɛ mɔ ahwanga ɔ gɔdo sɔja lɛ ɔ, ye ɖo alɔte. ³³ Ahwanga gbo ɔ egogo Pɔlu, mɔɖe gbe fan nɛ ye wlii, mɔ yi caba owe lobla ɛ: ekan emɛ exe Pɔlu nyi ɔ gɔ enu exe ewa ɔ se. ³⁴ Vɔ ɔ, emɛ lohwlɛn lɛ dabobo, mɔlɔ lohwlɛn mɛ bu mɔgɔ lɔ bu. Exe ahwanga lɔ gokpe go lamɔ tana xoti ɖe hunnya hunnya lɔ mɛ ele ɔ, eɖe gbe fan nɛ ye kplan Pɔlu losɔ ahwan kpa lɔ mɛ. ³⁵ Gan exe mɛ Pɔlu wa xɔ xɔmɔnugbɛn ɔ kpo lɔ lɛ ji ɔ, sɔja lɛ e gbɔjwe zee dok kɔlivlamɛ, ɖo adan exe ji mɛlɛ ɖe ɔ wutu. ³⁶ Ɖo yemɛ tɛtɛ fɔn ahwan mɔ jɛ egun mɔ kpa abobo fan: mihui mihui. ³⁷ Exe ye na kplan Pɔlu lo byɛ ahwankpa lɔmɛ ɔ, ekanse ahwangagbo ɔ fan: iyi ɔ lalɔxo nɛɛ? ahwanga lɔ mɔ kan ɛ se fan: Oose glɛnsigbe nɛɛ? ³⁸ Hun oyɔ eny ejipunu exe enɔ nukɔn na gufɔndotojitɔ lɛ, mɔ kplan gbɛtɔ degba (4.000) losɔn zogbe gbe vlavo mɛ ɖe azɛn nɛmu we fee mɛ? ³⁹ Pɔlu mɔ yi gbe nii fan: Jwifu inyi; ye jiwun ɖe taasi ɖe silisii axwlango ji; to okunɖeji lohwlɛn evi inyi; kɛnklɛɛn nagbe wu, nɛ alɔxo na togun lɔ. ⁴⁰ Ahwanga lɔ mɔ na gbe wui, Pɔlu mɔ nɔte ɖe xɔkpo lɔ ji, mɔ bayi olɔ na togun lɔ, emɛ tɛtɛ mɔbɔnu. Pɔlu mɔ bɛ xo do alamu gbe mɛ , mɔ lɔ fan: