¹ Exe zingidi ɔ we bɔnu ɔ , Pɔlu ylɔ yɛmɛ éxé ɖinú na yesu lɛ kplí , mɔ do lanmɛ syɛn lanmɛ nɛ̌ , mɔ lɔ nɛ̌ ƒan ƒán eyɛ lá sɔn lo wa , mɔ sɔn Mansedwani . ² É zɔn xinnɛ lɛ , mɔ lɔ xó súsú ɖe xinnɛ , mɔ lo do kanmɛ syɛn lanmɛn na emɛ éxé ɖinu na yesu lɛ , mɔ we sɔn glɛsi é awlango ji . ³ É bay sunzan otɔn ɖe xinnɛn ; É mɔ nɔ we sɔnu a lo do tɔji hun lo sɔn silii gbeji , mɔ se ƒan jwiƒu lɛ bla eyɛ égbe ; enɛ ɔ wutu ɔ , é ƒán eyɛ la lɛkɔ lo zɔn Masedwani . ⁴ Emɛ éxé yǐ lɛ we : Sopatlɔsi Beleenu éxé nyi Pilusi é vi ɔ , Alisitaki gɔdo Sekundusi , Tɛsalonikinu eyɔ e nyí ; Gayiwusi Dɛɛbenu ɔ , gɔ Timɔtee Ticíku gɔdo Tloƒimu , Azii eyɔ enyi . ⁵ Mɛ ěnɛ lɛ jɛ owunkɔn , mɔ la nɔte kpɔ́n mi ɖe Tlowasi . ⁶ Éxé kpɔnɔ xúxú éxé mɛ egó do tɔn e xwe we nya ɔ , miɛ te lɛ ɔ , mi do tɔjihun ɖe Filipu , mɔ bay azan atɔ́ɔ́n ɖe tɔji , mɔ we mɔɛ̌ Tlowasi , mɔ nɔ xinnɛ na azan ací owe . ⁷ Azan tantɛn éxé ɖe Aklunɔ zan mɛ ɔ , é hwedo ɔ , mi mɔ kpli mɔ na ɖu kɔdokpɔ é́ núɖuɖu ɔ ; Pɔlu mɔ ɖo a sɔn é okun kɛn gbe klɛmɛ ; e mɔ nɔ lɔxo gɔ yɛmɛ éxé ɖinu na yesu lɛ gbɔn azan mɔ má do owe . ⁸ Zogbɛn susu ɖe kpikpɔ ɖe ixɔ éxé mɛ mi kpli ɖe asanwu ji ɔ . ⁹ Dekajɛ nɛhwlɛn ɖe awansinnɔ ɖé ƒlɛsɛnugbɛn , e ylɔ ɛ ƒan Etiki . ɖekajɛ ěnɛ we dɔ ji ; gan éxé mɛ ixo éxé Pɔlu nɔ lɔ̌ nɔ di ga ɔ . Owlɔn we yǐ tɛtɛ , keún emɔ ƒlɛ ɖe asanwun otɔn gɔ ji , keun é kú jɛ ewe kɔ́ . ¹⁰ Pɔlu mɔ jɛte , mɔ xixi , mɔ ze do abɔmɛ ƒan : mi ayi ni ma gbado e , ɖó é kpoɖe gbɛ . ¹¹ Enɛ godo ɔ , Pɔlu sɔn asanwun ɔ ji , mɔ kan kpɔnnɔ xúxú mɔ ɖu . É mɔ gɔ lɔ xo nɛ gbɔn okun mɔ kɛn . É mɔ lɛ . ¹² Mɛ lɛ mɔ kplan ɖekajɛ ɔ , keún é mɔ ɖe gbɛ ; ìnú enɛ do kanmɛ syɛn lanmɛ na yɛmɛ tɛtɛ . ¹³ Miɛlɛ ɔ , mi jɛ owunkɔn na Pɔlu , mɔ do tɔjuhun , mɔn sɔ Asɔsi ; xinnɛ eyi eyɔ tete ƒán eyɛ la zɔn oƒɔ lowa , keun mi mɔ kɔn eyɛ ɖe . ¹⁴ Gan éxé mɛ mi we kpli ɖe Asɔsi ɔ , mi kwɛ do tɔjihun mɛ lo sɔn Mitilɛnu . ¹⁵ Mi lɛ ɖe xinnɛ , keun é okunkɛngbe ɔ , mi sɔn Cio nukɔn . Azan otɔngɔ gbe ɔ , mi sɔn Samɔsi , mɔ wa milɛ ɖe okunkɛngbe . ¹⁶ ɖo Pɔlu ƒan eyɛ la zɔn Efɛzi é owunkɔn lo nya , ni ma lo gu ganmɛn ɖe Azii e ; ɖó éɖé wlɛndo ji , nɛ é kpego ɔ , é lá ɖe Jeluzalɛmu ɖe Jwiƒu lɛ é xwe éxé è ylɔ ƒán Pantekotu ɔ gbe . ¹⁷ Pɔlu ɖo emɛ lo hlan mILɛ ? Nɛ lo sɔn Eƒɛzi , mɔ la ylɔ ogun nukɔntɔ lɛ lowa . ¹⁸ Exé e wa ékɛ ɔ , é lɔ nɛ̌ ƒán : kɛn yi nɔ mimɛ ɖo ɖe gan exe mɛ i wa azii ɔ , mimɛti go nɔ ma nyɔ́ e , ¹⁹ i sɛn Mawu ɖe mɛɖe kɔ hwe mɛ ; i sɛn gɔ avi , mɔ sɛ̌n ɖe vivɛ éxé emɔ ɖona emɛ jwiƒu lɛ etɔn dɔ́n lowa na é cɛncɛn ²⁰ . Inu éxé la nyi alena ɔ , igo hwla ti do mi e , i lɔ tɛtɛ na mi , mɔ kplɔn tɛtɛ mi ɖe agbawungba gɔ mi osin lɛ mɛ . ²¹ I lɔ n ajwiƒu lɛ , mɔ lɔ na emɛ éxé go nyi jwiƒu lɛ ƒan è ɖo a lɛkɔ ɖe ehwɛ lɛ godo , mɔ trɔ jɛ Mawu mɔji , mɔ ɖinu na Aklunɔ mitɔn yesu . ²² Eyɔ we ! tɛn ɔ , nɔ sɔn Jeluzalɛmu , ɖo yɛsinsɛn lɔ na ƒan iɖo á sɔn , go nyɔ inu exe na gboun ɖe xinnɛ gba e . ²³ inu éxé i nyɔ kpowun ɔ eyɔ e nyi ƒán : ɖe ito lokpo lokpo mɛ ɔ , yɛsinsɛn lɔ na ƒan gankpamɛ sinsɔn gɔdo ayaɖuɖu ɖete kpɔn un . ²⁴ Vɔ̌ , égo wa un gbɛ ɔ eyi ewa inu lele na e ; éxé ɖe taji ɔ eyɔ e nyi ƒán a tɛn kpego mɔ do wezun éxé ɖe oƒɔnugbɛn na ɔ lo kpa , mɔ wa idɔn éxé Aklunɔ yesu kɔ do asi na ɔ lo kpa ; eyɔ enyiƒan na jla ewɛn ɖagbɛ éxé lɔxo do ƒɛnu Mawu étɔn go ɔ . ²⁵ izɔn mimɛ tɛtɛ é cɛncɛn , mɔ lɔ kɔsuɖuɖu Mawu etɔn exo na mi ; vɔ̌ tɛn ɔ , mimɛ ti gona gɔ mɔun e . ²⁶ Enɛ ewa nu nɔ lɔ na mi egbé ƒán nɛ mɛlele dɔn ɖe mimɛ ɔ , égo kanwun e ! ²⁷ ɖo i jla tito Mawu etɔn ɔ tɛtɛ mi , i go hwla ti do mi e . ²⁸ Mi hɛn ayi do miɖe go , mɔ hɛn ayi do ogun Mawu etɔn éxé nugbɛn yɛsinsɛn kɔ mi do ɔ go , na mi lo xlɛ imɔ ogunvi lɛ ; ogunvi enɛ lɛ éxé Mawu xɔ zɔn eyɔ tete évi ékú mɛ ɔ . ²⁹ i nyɔ ƒan nyɔ we sɔ́n é godo ɔ , gbɛtɔ didi ajanu ohla ha nɛhwlɛn lɛ la byɛ mi cɛncɛn , gbɛ ego na ku dɔnu ɖunú na ogunvilɛ e . ³⁰ ɖo miɛte lɛ mɛ ɔ , mɛ nɛhwlɛn lɛ la we cité , mɔ bɛ inu éxé go sɔgbe gɔ ewɛn ɖagbɛ ɔ lɛ kplɔn mɛ̀ji , keun emɛ susu mɔ xwedě ɖe emɛ éxé ɖinu na yesu lɛ mɛ . ³¹ Hun , mi bo nɔ aceji , mɔ ƒlin ƒán ozan gɔdo kekle lokpo ɔ yi gonɔ inu ma kplɔn lokpo lokpo mitɔn lɛ gɔdo avi gbɔn na xwe otɔn e . ³² tɛn ɔ , ikɔ mi do olɔmɛ na Mawu , mɔ jomido na é ƒɛnu éxo . Mawu ɖo acɛ mǎ na hinhlɔn mi , mǎ gɔ na inu mɛmɛyi éxé émɔ kɔ ɖawan na emɛ éxé nyi étɔn lɛ tɛtɛ ɔ . ³³ Un okun go ɖe mɛ lele é xwá go e ; gbɛ é go ɖe mɛ lele e sika go e ; gbɛ égo ɖe mɛ lele é ovɔn go e . ³⁴ Miɛtelɛ mi nyɔ ƒán idɔn éxé iwa ɔ eyi ehɛn nyɔ gɔ un ha lɛ . ³⁵ i xlɛ mi zɔn olɔkpa tɛtɛ mɛ ƒan etɔnɛ eyi eɖo a nɔ wanu ɖó , mǎ tɛn kpego do olɔ wamamɔnɔ lɛ , mǎ lo ƒlin ixó éxé Aklinɔ yesu tete lɔ lɛ ; é ƒán : Nu na emɛ do jijwɛ na emɛ hun nuyiɖe emɛ si . ³⁶ Exé Pɔlu lɔ ixo énɛ lɛ gɔn ɔ é jɛklo gɔdo yɛmɛ tɛtɛ , mɔ xoɖɛ ; ³⁷ Kéun yɛmɛ tɛtɛ mɔ bɛ avi , mɔ kpla asi kɔ na Pɔlu , mɔ kisi ni . ³⁸ Lanmɛ kwǐ tete , ɖo émɔ lɔnɛ ƒán e gona gɔ mɔ eyɛ e , keun emɔ kplɛn gbɔn lo sɔn tɔjihún ɔ kɔn .