Takun 19
1
Gan exe mɛ apolosu ɖe kɔlɛnti ɔ pɔlu ézɔn tota exe éɖé esoji ɔ mɛ mɔ wa efɛzi emɔ ahwanvi nɛhwlɛn lɛ ɖe xin nɛ .
2
Emɔ kanse wii fan gan exe mɛ mi ɖinu na jezu ɔ Mawu na gbigbɔkinkɔn mii yemɔ yigbe nii fan gbigbɔ kinkɔn le le toma ɖée maa mio sekpɔn gble mɔkun nu jɛ égo e.
3
Pɔlu mɔkanse wii fan mawusin lowunkɔ mi mɔ lɛ ye mɔ yigbe nii fan mawsin jaan etɔn mi lɛ.
4
Pɔlu mɔlɔ nɛɛ fan mawusin ekɔlɛɖé emɛ ehwɛlɛ gun etɔn eyi jaan lɛ na emɛ mɔlɔna togun ɔ fan emɛ exe eɖe eyɛ ego do lozun wan ɔ eyi yela ɖinu na emɛ enɛ enyi jezu.
5
Exe yese etɔnɛ ɔ ye lɛ Mawu ɖe jezu enyi kɔ mɛ .
6
Pɔlu mɔ ɖo olɔ yeji gbigbɔ kinkɔn mɔ wa yeji ye mɔ bɛ gbebu dido mɔbɛexo exe Mawu lɔ nɛ lɛ lilɔ.
7
Yɛmɛ tɛtɛ lasɔn gbɛtɔ owiowe etɔnɛ.
8
Pɔlu sɔn nukplɔnxɔ mɛ mɔnɔxolɔtɔn gɔdo jiɖiɖe kaka na sunzan otɔn emɔ ƥ fan enu exe ekan kɔsuɖuɖu Mawu etɔn exo ɔ mɔtɛnkpɔn na mɛ lɛ ni mɔ xo nugbo na exo exe enɔ lɔɔ.
9
Vɔɔ mɛnɛ hwlɛn lɛ eti ta kun mɛ ɖé yemɛ ye gbɛ mɔlɔ xo nyinyla do aklunɔ emɔ lɔ go ɖé togun lɔ enu kɔn gan enɛ mɛ ɔ pɔlu mɔ lɛɖe ye mɛ mɔ kplan ahwanvi lɛ mɔlɔ xo do lɔgo okunkɛgbe okun kɛngbe ɖe tilanɔsi e wemaxɔ mɛ.
10
Enunyi etɔ nɛ na xwe owe kaka emɛ exe eɖe azii gbeji lɛ tɛtɛ jwifu lɛ gɔdo emɛ exe égo nyi jwifu lɛ e tɛtɛ se aklunɔ exo ɔ.
11
Mawu jlɛ nu gbogbo lɛ zɔn pɔlu ji.
12
Kaka nɛ yeyi ovɔn alo lɛnsuvi exe ejɛ ɛ pɔlu goɔ lele lɛɛ ɖo ozɔntɔ lele go ɔ eozɔn gbɔ nɛ eyɛ nyinyla ɖe mɛ lele ji ɔ e lɛ ɖeji.
13
Jwifu nɛhwlɛn lɛ ɖée mɔnɔ dindan kpé tɔn mɔnɔ yɛnyinyla lɛ nya tɔn ɖe mɛlɛ ji tɔn ye lɛ fe we bɛ aklunɔ jezu e nyikɔ yiylɔ mɔayilo nya yɛnyinyla lɛ ɖé mɛ lɛ ji yelɔna yɛnyinyla lɛ fan yiɖegbe domi mitɔn ɖe jezu exe xo pɔlu lɔɔ enyi kɔ mɛ.
14
Vɔsanu xwle Mawutɔ gbo jwifu lɛ etɔn exe ye ylɔ fan ceva ɔ évi eslun aciowe lɛ enɔ etɔ nɛ bayi tɔn .
15
Vɔɔ yɛnyinyla lɔ ɖo ego nɛɛfan jezu yi nyɔɛ mɔ nyɔ emɛ exe pɔlu nyi ɔ mi e lɛ emɛ olɔkpa lowunkɔ mi nyi .
16
Emɛ exe ji eyɛ nyinyla lɔ ɖé ɔ mɔjɛ ye ji ehinhlɔn mɔhugan yɛmɛ tɛtɛ etɔn exo e gbɔɔ mɔ dofɔku wi mɔɖee do gogoli gwé yemɔ si mɔtɔn ɖé osin
lɔ mɛ.
17
Jwifu gɔ glɛsinu exe éɖé efɛzi lɛ tɛtɛ éyi
ese enu enɛ exe ejɔɔ gan enɛmɛ ɔ cicwɔ ejɛ yɛmɛ tɛtɛ ji ye mɔ ze aklunɔ jezu enyikɔ do jihwlé.
18
Emɛ exe eɖinu na jezu lɛ susu wélɔ ye hwɛ lɛ mɔ lɔ ehwɛ exe yemɔ hu san lɛ ɖéagbawun gba.
19
Majiki bayitɔ susu bɛ ye majiki ewéma lɛ lowa mɔ a mɔ do ezo ɖé mɛ tɛtɛ ekumɛ yelɛn wemza enɛ lɛ tɛtɛ exwa kpɔn mɔmɔ fan elasɔn anxwa etɔnɛ.
20
Kɛnɛ aklunɔ exo ɔ nɔ gbigba kpe tɔn gɔdo acɛ mɔnɔ ehinhlɔn ɖe xlɛ tɔn ɖo ɔ wénɛ.
21
Exe enu enɛ lɛ jɔ egodo ɔ pɔlu fan eyɛla zɔn masedwani gɔdo akayi gbe ji mɔsɔn jeluzalɛmu. egɔ lɔ fan nɛ xinnɛ ɔ yi ɖo agɔwe sɔn hlɔma fé.
22
Ga énɛ mɛ ɔ éɖo emɛ exe edo olɔ wii lɛ owe lohlan masedwani yɛ mɛ owé enɛ lɛ enyi timɔ téé gɔ elasiti eyɔ te te mɔ ɔ ci azii xinnɛ vile.
23
Ganénɛmɛ hunnya hunnya gbo nɛ hwlɛn jɔ ɖo aklunɔ emɔ ɔ wutu.
24
Ɖyakpwe nu nyɔtɔ nɛhwlɛn ɖéé yemɔ ylɔɛ fan demɛ tliwusi eyi fatagan lobayi yɛhwe exe ye ylɔ fan aatemisi ɔ exɔ vitin vitin nɛhwlɛn lɛ mɔ sa enɛ zɔn emɔ dɔn xwa susu lowa na dɔɔn watɔ lɛ.
25
Ɖya kpe enɛ we bɔ emɛ exe ewadɔn gɔdii lɛ gɔdo dɔn lokpwɔ watɔ exe eɖe tolɔ mɛ ɔ lɛ mɔlɔ nɛɛ fan xun hwan nyi lɛmi minyɔ fan edɔn exe ehɛn xwa lowa nami .
26
Mi mɔnu exe ɖyakpwe pɔlu e nɛ ɛnɔ ɔ dosin ɔ mɔnɔ sé éyi exo lo gble takun mɛ namɛ susu ego nyi efɛzi xiyé lokponɔ nɛ e ɖibla lozɔn azii gbe ɔ tɛtɛ ji nɛɛ ɖo enɔ lilɔ na mɛ lɛ tɔn fan numɛsɛn exe miyi olɔ lobayi lɛ ɔ yego nyi enu exe ye la sɛn ɔ tie.
27
Nɛ mi onyɔ bibayi ele ɔ ego nyi midɔn lokponɔ ela hɛngble e vɔɔ mɛti gona gɔ kiya na yɛhwe gbo aatemisi fé exɔ e yɛhwe enɛ exe emɛ exe eɖé azii gbeji lɛ tɛtɛ gɔdo emɛ exe eɖe gbɛ lɔ lɛ tɛtɛ mɔɔ sɛn ɔ goo na gɔ ɖo wi ti ɖe takun e.
28
Exe yese etɔnɛ ɔ xo mɛ esiin ye mɔ bɛ abobo dido mɔ lɔ fan aate misi efɛzitɔ lɛ etɔ eyi enyi nugbo .
29
Eto lɔ tɛtɛ mɔxozin mɔsɔ ahwan nu mɔ yi kplɔn lɔ mɛ mɔ ye wli gayiwusi gɔdo alisitaki, mɔ dɔn ɛ losɔn xinnɛ yɛmɛ enɛ lɛ masedwani tɔ yenyi ye lɛ gɔɔ pɔlu mɔzɔn .
30
Pɔlu mɔjlo asɔn xiyé togun lɔ bɔɖé ɔ vɔɔ yɛmɛ exe eɖinu na jezu lɛ ɔ ye gbɛnii .
31
Ehwannyi kɔsu dɔnwatɔ aziitɔn nɛhwlɛn lɛ fé dowɛn lohin fan nikɛklɛn ni masɔn to kpli tɛxwé lɔ gble.
32
Ganénɛmɛ ɔ mɛ lele da bobo mɔlɔƥ lele ɔ mɛ bu fé mɔ do abobo mɔ lɔ bu ogun ɔ tɛtɛ mɔ fan mɛ susu dé ye mɛ gbɛ ye go nyɔ enu exe wutu yebɔ ɔ féé.
33
Bu fé mɔ do abobo mɔ lɔ bu ogun ɔ tɛtɛ mɔ fan mɛ susu ɖé yemɛɛ gbɛ ye go nyɔ enu exe wutu yebɔ ɔ fée .
34
Vɔɔ exe ye mɔ fan jwifu enyi ɔ yemɛ tɛtɛ bɛ abobo do kpwɛ mɔnɔ lɔ xo kaka na lokpoɔ gaxixo owe ha ye lɔ fan aatemisi efɛzitɔ lɛ etɔn eyi nugbo.
35
37
Xomagboji nɔtɔ eto etɔn é hwihwɛ mɛlɛ fan efɛzitɔ lɛ mi mi emɛ tɛtɛ nyɔ tan efɛzi to lɔ éyi ecɔ yɛhwe gbo aatemisi e xɔ lɔ gɔdo é akpajlɛ exe ejɛte ɖe jihwle ɔ Mɛti okpégo agbɛ enɛ e akpajlɛ exe ejɛte ɖe jihwle ɔ.
36
Mɛti okpégo agbɛ enɛ e enɛ wutu ɔ mi ɖo la hwihwɛ miɖé mɔ gbɛ nu ba yi mali takunmɛ kpɔn . Emɛ exe lɛ exe mi kplan lowa xiye ɔ ye goɖusu ti na mi yɛhwe e gbɛ yeo nylangbɛn ti do mi yɛhwe goe .
38
Nɛ demɛ wusi gɔ do nunyɔ tɔ exe ewadɔn gɔ dii lɛ ɖo xo le le do mɛ lele go ɔ hwɛlɔxɔ lɛ ɖé nuvo hwɛlɔ tɔ lɛ fé mɔ ɖé nɛ yesɔn lɛ ylɔ hwɛ ɖɛ xin nɛ.
39
Nɛ mignɔnɔ din nubu ɔ eto lɔ mɔɔ bɔɔ mi mɔ lɔ gbo .
40
Nɛ ɛ mi onyɔ bibayi ele ɔ yela lɔ fan eto mi nɔ hunhun ɖo enu exe ejɔ egbe ɔ wutu enu exe wutu elo ɔ bayi bibɔ exe tɛnɔ ooɖo nyi kɔ ti e gbɛ mi okpé go lamɔɔ xojɔ ɔ xo ti loɖe nuxe wutu mi lo bɔ ɖé xiye tɛɛn ɔ mɛ e.
41
Exe e lɔ etɔnɛ ɔ enya mɛ lɛ .