¹ Pɔ́lu bɔ okun do toxolɔtɔ lɛ go, fan "un nɔvilɛ mi, un ayi go xovu gɔdo un ɖo nutimɛ ɖo mawu owunkɔn gbɔn lo jɛ égbé é" ² Vɔsanu xwlɛ́mwutɔ gbo ananyasi mɔ lɔ na éxo nɔ ɖoto wi lɛ fan nɛ̌ gba nugbɛn ni, ³ Pɔlu mɔ lɔ ni fán " oyɔ emɛ éxó xwejwi ɖo ayimɛ, mɔ nɔ bay emɛ kinkɛn ɖo wutu ɔ, ado éxó osa nú wéwéyi do ɔ ha oci; mawu eyi ewa xoe; osinɔ a wán, mɔ na lɔ hwɛ gɔdo un kɛn osɛn ɔ zɔn ɖo ɔ; gbɛ isɛn ɔ go zɔn fan nɛ xo un e, oyɔ mɔ zɔ́n fán nɛ́ xo un". ⁴ Mɛ éxó ɖe Pɔlu kɛ lɛ mɔ lɔ fán :"ozun vɔsanu xwlomawutɔ gbó ɔ!" ⁵ Pɔlu mɔ yigbe fán:"un nɔvi lɛ mi, go nyɔ fán vɔ́sanuxwle mawutɔ́ gbo nɛɛ ɖo mɔ wlan fán man lɔ xo nyi nylan do i toga e?" ⁶ Exo Pɔlu mɔ fán, ɖo toxo lɔ haɔ mɛ ɔ, mɛ nɛhwlɛn nyi saduseɛn, mɛnɛhulɛn mɔ nyi Falizyɛnɔ, é do abobo ɖe toxolɔhaɔ é cɛncɛn, fán:"un nɔvi lɛ mi, nyɔ ɔ, Falizyɛn haɔ mɛ eyɔ iɖe mɔ gɔ́ nyi Falizyɛn vi jiji. Mɛnkuku lɛ é finfɔ́n éxé nɔ ɖo okun ɔ eyi ewanu e lo lɔ ehwɛ gɔ do un" ⁷ Éxé é lɔ etɔnɛ ɔ, núdindɔn byɛ Falizyɛn lɛ gɔdo saduseɛn lɛ cɛncɛn kéun ogun ɔ mɔ klan. ⁸ ɖó saduseɛn lɛ lɔ́fan mɛkuku lɛ gona fɔ e, wenzangun tigo ɖee; eyɛ ti go ɖee; Falizyɛn lɛ mɔ ɖinu na enu enɛ lɛ tɛtɛ" ⁹ Tɛ́nɛ ɔ, abobo dido gɔ syɛn d'eji; Falizyɛn osɛn kplɔn emɛtɔ́ nɛhu lɛn lɛ mɔ cite, mɔ gbɛ tɛtɛ fan:"Mi o mɔ inu éxé dahwe éxé bya gbɔ ɔ e; eten nyi fan eyɛ nɛhwlɛn alo wɛnzangun nɛhwlɛn oyi olamɔ oyi mɔ lɔxo ni" ¹⁰ Abóbó mɔ nɔ we syɛn d'eji, koun ahwanga gbo ɔ mɔ be cicwɔ fán nɛ ma we vún vún Pɔlu e, enɛ eyi éwanu e lo ylɔ sɔja lɛ, zwɛ́n fán nɛ we ɖe Pɔlu ɖe mɛ lɛ mɛ, mɔ kplɛn lo sɔn ahwankpa ɔ mɛ. ¹¹ Gan do Pɔlu ji, mɔ lɔ ni fan : " kpan okɔn; oɖo wu na jeluzalɛmu xie, étɔnɛ lokpo ɔ, ola gɔ ɖo naa ɖo hlɔ́ma" ¹² Éxé okun we kɛn ɔ, jwiƒu lɛ bla gbe; e lɔ mɔ tanu d'eji fan, eyɛ go hu Pɔlu élé ɔ, eyɛ gona ɖu nuti e, gbɛ oyɛ go na nusine. ¹³ Yɛmɛ éxé bla gbe enɛ hugan gbɛtɔ kanle(40). ¹⁴ La mɔ vɔsanu xwle mawu tɔ́ga lɛ gɔdo ogun nukɔntɔ lɛ, mɔ lɔ nɛ fa,:" Miɖo gbe kpwɔɛ mɔ tanu d'eji fán nɛ mi go hu Pɔlu éléɔ, migo na ɖunue. ¹⁵ Hǔn tɛnɔ, miyɛ lɛ gɔdo toxolɔha lɛ ni byɔ ahwanga gbo fan ni kpan Pɔlu lo wa na eyɛ; mi la lɔ ni fán eyɛ nɔ̌ din a gbeje éxo kpɔn céɖé céɖé fetó ela lo wa mi kɛ ɔ, miyɛ lɛ ɔ, mi lá mɔ ɖe gbe sisɔ mɔ mǎ hui ɖe mɔji". ¹⁶ Pɔlu é nɔvi nyɔsi évi sunu lokpo mɔse éxé énɔ blado énylɛn goɔ, mɔ sɔn ékɛ ɖe ahwankpa ɔ mɛ, mɔ lo ni? ¹⁷ Pɔlu mɔ ylɔ sɔja lɛ éga lokpo; mɔ lɔ ni fán:"kplan ɖekajɛvi éxé lo sɔn ahwanga gbo ɔ kɛ; é ɖo ixó mɔ na lɔ ni". ¹⁸ Sɔjaga ɔ mɔ kplan ɖekajɛvi ɔ losɔn ahwanga gbo o kɛ, mɔ lɔ ni fán:" gantɔ Pɔlu eyi éylɔ un, mɔ kɔ ɖokajɛ vi éxé do olɔ mɛ na un fán na kplɛ̌n lo w nɛ, ɖó enɔ din na lɔxo nɛhwlɛn nɛ". ¹⁹ Ahwanga gbo ɔ mɔ hɛn olɔ na ɖekajɛ vi ɔ, mɔ kplɛn jɛ vo, mɔ kɛ̌nse fan:"amu onɔ din a lɔ na?" ²⁰ Ɖekajɛvi ɔ mɔ yigbe fán: jwiƒu lɛ ɖo gbe kpwɛ, mɔ na byɛɔ ɛ fán nɔ kpln Pɔlu lowa toxólɔha ɔ é owunkɔn sɔ, ɖikɛn e na vɔ éxo go gbeje kpɔn mɔ́ɖe. ²¹ Ma mɔ ɖoto e xóe; ɖó emɛ kanle(40) jɛ eji bla gbɛni. Emɛ enɛ mɔ lɔ mɔ tanu d'eji fán eyɛgo hu Pɔlu élé ɔ, eyɛ go na ɖu nue, gbɛ eyɛ na nu sin e; yɛmɛ tɛtɛ eyi émɔ̌ ɖe gbesisɔ mɛ tɛn; igbenina kɛɖɛ jɛ ekpo" ²² Ahwanga gbo omɔ ɖo ɖekajɛviɔ lo xlán osin, mɔ do sɛn ni fan mɛti ni inu éxé ewe lɔ eyɛ tɛnɔ de é nugbɛne. ²³ Ahwanga gbo ɔ mɔ we ylɔ sɔja kanwé ko ga owe, mɔ lɔ nɛ fán:" mi kpli sɔja ofɔ lé (200), sɔja isɔ xlɛtɔ́ kanle ogban (70), gɔdo sɔja éxé hɛn ekpɛn lɛ ofɔlɛ (200) dote mi la de xie ɖe gan aci-ɛnɛ mɛ zan mɛ, mɔ sɔn kaka sezalée. ²⁴ Mi bla akpa na isɔ nɛhwlɛn le d'awan na Pɔlu ƒe, mɔ kplɛn lo sɔn tokpɔnga Felisi kɛ wuyiyá ofɔ yiyá. ²⁵ Emɔ wla, xóma lokpo lohlan tokpɔnga ɔ, mɔ lɔ d'emɛ fán: ²⁶ "Nyɔ klodiwusi lisiyasi ɔ, nɔ dó gbe lohlan un mɛ sisi tokpɔnga Felisi. ²⁷ Ɖahwe éxé exe iɖó lo xlɛn ɔ, jwiƒu lɛ eyi é wli, mɔ na hui, kɛun nyɔ gɔdo un ahwan lɛ mɔ sɔn é tɛn xwe, mɔ la yi ɖe olɔmɛ, ɖó ise fán hlɔ́manu nɛ? ²⁸ Nɔ̌ din a dindo na xo ɔ, mɔ nyɔ inu éxé ehwɛ onɔ dwe tawu ɔ, mɔ kplɛn lo sɔn e toxoloha o wunkɔn. ²⁹ Iwe mɔ fán nu nɛ hwlɛn lɛ go eyi enɔ do ehwe wi do, è sɛ́n mɛ. vɔ̌, inu éxé la zɔn kɛ un emɔ ɖo kú hwɛ nu, alo emɔ wli do gankpa mɛ ɔ, igo mɔ ti ɖégo e. ³⁰ Éxé e go wolɔna fán jwiƒu lɛ bla égbé ɔ, iɖobla mɔ ɖoé lo hlɛn, mɔ gɔ nɔ lɔ na e mɛ éxé nɔ we ylɔ hwɛ wi ɖe ikɛ" ³¹ Sɔja lɛ mɔ bau inú éxé e zwɛn lɛ, mɔ kplan Pɔlu losɔn antipatlisi ozan enɛ mɛ. ³² É okun kɛngbe ɔ, sɔja éxé zɔn oƒɔ mɔ nɔ ɖo e lɛ ɔ lɛkɔ lo sɔn ahwa, kpa ɔ mɛ, keun yɛmɛ éxé xlá sɔji lɛ kplan Pɔlu lo sɔn toɔ mɛ. ³³ Éxé sɔji xlá tɔ lɛ sɔn sezaleɔ, ekɔ xómaɔ na tokoɔngaɔ, mɔ kplan Pɔlu ni. ³⁴ Tokpɔnga ɔ mɔ xlɛ xoma ɔ, mɔ kan to éxé mɛ nu Pɔlu nyi ɔ se. Éxé é se fán silisunu eyi ényi ɔ, ³⁵ É lɔ ni fán : " emɛ éxé nɔ do ehwɛ wi lɛ mɔ̌ wa ɔ, la kanxó wi" enɛ godo ɔ, ena gbe fán nɛ kwɛ do kɔsu Elódu e hɔnmɛ mɔ cɔ́ ɛ.