¹ Ɖé emɛ éxe éɖinú na jesu ogun éxe ɖé anttɔsi lɛ ɔ, ye mɔ xóyímɔlɔ mawu étɔn lɛ, gɔ núklɔnmɛtɔ́ lɛ, banalasi, simɛnyɔ ɔ éxe ye ylɔ fan mɛwi ɔ, lusiwúsi silenɛɛtɔ lɔ, manayɛnu éxe takpɔngá eloɖu émɛlɛ hɛn ye mɔnɔ kpwé mɔ hwɛn ɔ, gɔ sólu. ² Ewejɛ bgbelokpo yemɔ́nɔ sɛn aklunɔ, mɔnɔ bla nugbɛn, gbigbɔ kinkɔn mɔlɔ nɛɛ fan: miɖe baanabasi gɔ sólu do vo nă, nɛ́ yelɛ wa dɔn éxe wutu ylɔɛ ɔ. ³ Éxe ye blanugbɛ mɔxodɛ égodo ɔ, ye ɖolɔ baanabasi gɔ sólu jí. ⁴ Éxe gbigbɔ kinkɔn ɖo sólu gɔ baanabasi lohlan étɔnɛ́ ɔ, ye we sɔn selesii, mɔ do tɔjihun ɖé xin nɛ lo nya kpo eto éxe ye ylɔ fan ciplu ɔ mɛ. ⁵ Éxe ye jɛ eto éxe ye ylɔ́ fán salaminu mɛ ɔ, ye sɔnkplɔnxɔ jwiƒu lɛ etɔn mɛ, mɔ bɛ maawu xó jijla, jăan jaki mɔɖe yekɛ́, mɔ dolɔ wii. ⁶ Éné egodo ɔ, yě zɔn tɔcɛncɛn lɔ́ tɛtɛ́ mɛ kaka lɛ jɛ eto éxe ye ylɔ fan páƒɔsi mɛ; yě mɔ jwiƒu majiki bayitɔ́ lohwlɛn ɖé xin nɛ, yemɔ ylɔɛ fán baa-jezu, émɔ yi eɖe loɖoxoyi mɔlɔ tɔ́ mawu étɔn. ⁷ Báa-jezu énɛ́ mɔ́ɖe totaga éxe ékpa acɛ na tɔ cɛncɛntɔ lɔ kɛ́, ye ylɔ́ tagă lɔ fán: sɛjiwusi Polusi, émɔ́ nyi gbɛtɔ́ nunyɔ́tɔ́, lɔ mɔ jlónse mawuxo; mɔzɔn fán nɛ yelɛ ylɔ baanabási gɔ solu lowá na eyɛ. ⁸ Vɔɔ, elimasi éxe ye ylɔ fán majiki bayitɔ́ ɔ, étɔ́ nɛ́ ye ylɔɛ ɖó do gblɛ́sigbe mɛ, óona étɛxwé wuie, énɔdin năɖe to tagă lɔ́ ayi sɛ ɖé nú ɖiɖi ɖó na jezu klisu xó éxe yenɔ lɔ ni ɔ go. ⁹ Gan enɛ mɛ ɔ, sólu éxe ye gɔ́ɔylɔ́ fan Pɔlu ɔ, gbigbɔ kinkɛn éjwɔ ayimɛ nii, émɔ kpɔn elimasi tli tli. ¹⁰ Mɔ lɔ́ fán: yi huhlu, ayi dǐdá nɔ éyi onyi, awóvi évi onyi, mɔ́ wa énu ganwunji lɛ ékɛntɔ; káká lɛjɛ ganlo wúkɔmɛ olá lo gbɛ avaja do aklunɔ etito lɛmɛ dǒ. mɔlɔ fan: ayihuhlunɔ ayidǐdánɔ éyi onyi; awovi évi onyi mɔ́wa énú mɛmɛyi lɛ ékɛntɔ: kaka lɛjɛ ganlowun kɔmɛ olá lo gbɛ avaja ɖido aklúnɔ étito lɛmɛ dǒ? ¹¹ Tɛnɔ, ɖo oto aklunɔ lá dɔn otó nɛ, dá va okun, mɔ agbɛsɛ́zo mimɔ káká lɛjɛ ganlo hleɛn mɛ. tlolo ɖé étɛnxwé mɛ ɔ, elimasi mɔ gba okún, mɔbɛ avi didra mɔ́nɔdin emɛ éxe láklɛn ɔ. ¹² Éxe totagă lɔ́ mɔ énu éjɔ enɛ́ ɔ, é ɖinú na jezu, ɖo enu éxe ye klɔn ɛ do aklúnɔ go ɔ ézlɛ́ éáyi. ¹³ Pɔ́lu gɔ éha gbɛ lɛ nɔ we do tɔji-hun ɖé paƒɔ́si, mɔjɛ pɛɛjee ɖé panfilii gbeji jăan- maki mɔ jwe do ɖé xinɛ, mɔ lɛkɔ losɔn jezualɛmu. ¹⁴ Yelɛ mɔzɛ go, mɔsɔn antƒɔci ɖé pisidii gběji; ye byɛ kplɔ́nxɔ mɛ gbɔjwɛ zangbe, mɔ xin nɔ awán. ¹⁵ Gan éxemɛ ye xlɛ sɛ́n lɔ, mɔ xlɛ exoyi mɔlɔ mawu étɔn lɛ éxó ma godo ɔ, kpɔ́nxɔ ga élɔ lahlɛn fan: ninɔvi lɛ, nɛ́ miɖó xó lele, mɔ́ɔ din nalɔ na togun lɔ́ɔ, mɔlona okɔnkpinkpan wúi hun milɔ. ¹⁶ Éxe yelɔ étɔnɛ ɔ, Pɔlu écite; mɔbayi olɔ nɛɛ mɔ lɔfán: mi mɛ izlayɛli vi lɛ gɔ mi mɛ éxe ési mawu lɛ emi, miɖo tɔ́ nami se. ¹⁷ Mawu izlayɛlitogun lɔ́ étɔn écan mǐtɔ́gbó lɛ do vo, mɔbayi togun lɔ́ mɔɖeji gan éxe mɛ ye ɖé ejipu ɔ; émɔwe ɖe etɔn ɖé éto lɔ mɛ, lozɔn éhin hlɔn mɛ. ¹⁸ Mɔdɛ mɔ hɛɛn ná exwe kanlé 40 étɔ́nɛ́, ɖe gbevlavo mɛ ɖé zogbe. ¹⁹ Émɔwe vivá kún na okɔta aciowe ɖé kana é hɔnnɛ zan ji, mɔyi yeto yina izlayɛlivi lɛ hɔn nɛ́ zan énɛ́ mɔ nyi ye tɔn. ²⁰ Énɛ́ égodo ɔ, eyi egă lɛ yi do enu gbɛn, na exwe afowe kanle owóé 450 na étɔnɛ́ kaka lojɛ exoyimɔlɔ tɔ mawy etɔn samuwɛli gan mɛ. ²¹ Yɛtete lɛ mɔwe byɔ kɔsú lokpo, mawu mɔwe yi sawulu kicu ébi ɔ, ɖé bɛnjamɛɛ évi lɛ mɛ, émɔ ɖu kɔsu ɖé yee nugbɛn na exwe kanlé 40. ²² Énɛ́ égodo ɔ, mawu weɖe sawulu sɛ ɖé kɔ́súzin keji, mɔyi davidi yi ɖo étɛé. davidi énɛ́ éyi mawu ɖe klun ná fan: yi nɔ fan davidi jɛsɛɛ vi ɔ, emɛhlɛn ényi, éjijɔ mɔjɛ xún nukún, émɔ à wa xùun jlo lɛ tɛ́tɛ́. ²³ Évikpɛlɛ mɛ éyi jezu éxe mawu yi mɛhlɛngantɔ na togun izlayɛli tɔ́n ɖé, kɛ́n édo ékpgbe nɛɛ ɖó ɔ. ²⁴ Foto jezulalo wá ɔ, jaan émɔ lɔna izlayɛli togun tɛ́tɛ́ fan nɛ yelɛkɔ ɖé yee hwɛ lɛ gun mɔ lɛ mawu sin. ²⁵ Gan éxe mɛ jăan nalo mɔ? nyɔ dónɛ enyi emɛ éxe miɖé tekpɔne, vɔɔ, emɛ énɛ́ kpoɖe godo lozun wan, gbɛ go nyi emɛ éxe ɖe ofɔkpa ɖé ofɔ nii vɔvɔ. ²⁶ Xún nɔvi lɛ mi, mi emɛ éxe éjɔ ɖé ablaxánu ékún mɛ lɛ gɔdo mimɛ éxe ési mawu lɛ e mi; mielɛ éyi mawu do wɛnɖagbɛ éxe éhwlɛ mɛgan lo hlán. ²⁷ ɖo jeluzalɛmu tɔ lɛ gɔdpo ye ga nyɔ emɛ éxe jezu nyi e; gbɛ ye omɔ kúnú jɛ xóyimɔlɔ tɔ́ mawu etɔ énú éxe ye xlɛ́nɛ ɖé gbɔjwɛzan gbe tɛgbɛɔ e; ekú hwɛ éxe ye dana jezu ɔ, enú éxe ye xlɛnɛ ɔ eyi éjɔ. ²⁸ Yeomɔ nutigo ɖodó, lo ɖo ekú éhwɛ ni e, có yemɔ by pilatu fan nina gbe nɛ ye hui. ²⁹ Éxe yewa enú éxe mawu lɔ́ lɔ do égo lɛ tɛ́tɛ́bgɔɔn, yemɔ wee otinsogă ji lɛɖi. ³⁰ Vɔɔ, mawu mɔfwɛn ɖékú. ³¹ Émɔ we ɖe éɖé xlɛ emɛ éxe égun ɖé galilee lowa jeluzalɛmu lɛxɔ azan susu, emɔ énɛ́ lɛ́ énɔ wéɖe klun nii tɛ́n ɛ ɖé izlayɛli. Togun lɔmɛ. ³² Mi elɛ mɔ wénɔ do wɛɖagbɛ lɔ mi fan akpa éxe mawu mɔdo na mitɔgbo lɛ ɔ, ³³ Éɖe akpa enɛ nami mɛyevi lɛ gan éxe mɛ éfɔn jezu ɖé kú kɛ́n yemɔ wlan do ɖɛhan éwéma mɛ, ɖé étakún owe gɔ ɔ mɛfan ényi xuun vi, bɛɖe égbé ɔ, inyi tɔ́ nɛ. ³⁴ Mawu mɔlɔ ɖawan faan eyɛ la fwɛn ɖé kú, nɛ́ni ma nyɔ e. Enɛ lɔ́zɔ́n exo éxe mɛ, mɔ lɔ; la na mi ɖagbɛ mɛmɛyi; nyɔ́na ɖéjidego éakpagbe yido na davidi ɔ. ³⁵ Enɛ́ wutu égɔ lo lɔ ɖé adabú fan:́ogoonalɔn xiemɛ kinkɔn ni nyɔ. ³⁶ Ɖó gan exe mɛ davidi nɔ ɖe gbɛ, mɔ bayi mawu éjo ganji ɔ, éwe kú, yemɔ ɖii do etɔ gbó lɛ kɛ, écwɔ mɔ nyɔ ɖé yɔdo mɛ. ³⁷ Vɔɔ, emɛ éxe mawu fɔɔn ɖé kúɔ, éyɔ e cwɔ óonyɔ tie. ³⁸ Xún nɔvi lɛ, ɖo anyɔ fa, jezu ji yedo wɛnɖagbɛ hwɛ́ yikɛ emɛ tɔ́ɔn mizɔn. ³⁹ ɖó nɛ mɛ lele ɖinú ɔ, emɛ lɔ́ lalɛ ɖé ehwɛlɛ tɛ́tɛ́ acɛmɛ zɔ éji; ehwɛ acɛ éxe mɔyizisɛn ɔ óoɖe mi ɖé eler ɔ. ⁴⁰ Má enú éxe exoyi mɔlɔtɔ́ mawu étɔn lɛ lɔɔ nimaye jɔ do mi ji e; ényi fan: ⁴¹ Mikpɔ́, mimɛ wángbɛ́nu emɛtɔ́ lɛ; cicyɔ́ ni hu ni, mi dɔn, ɖo mii gan mɛ ɔ, lă do nú lohlɛn sin, nɛ lɔ́ yewe lɔ na mi ɔ, migóo nă ɖi e. ⁴² Éxe Pɔlu gɔ banabasi tɔ́n ɖé kplɔnxɔlɔ́ mɛ ɔ; mɛlɛ éfankwe nɛ fan gbɔjwɛzan éxé é lá jɛ xin nɛ ɔ; ye we lɔxó donu lokpo go nɛ. ⁴³ Éxe yebayi bibɔ lɔ gɔɔn; jwiƒu susu gɔ emɛ éxe ébyɛ jwiƒu lɛ é sinsɛn mɛ lɛ susu éjɛ Pɔlu gɔ baanabasi gɔn. Pɔlu gɔ banabasi élɔ xó nɛɛ, mɔ na okɔ́n kpinkpan dó lili wui wui fan nɛ yeli ɖe nyɔ na mwu étɔn mɛ. ⁴⁴ Gbɔjwɛzan éxe éjɛ xinnɛ ɔ, toxo lɔ́ mɛtɔ́ lɛ tɛ́tɛ́ ɖibla bɔ mɔse mawu éxó. ⁴⁵ Éxe jwiƒu lɛ mɔ kɛ́ mɛ suɖó ɔ, wuhwinhwan éjwɔ́ yimɛ nɛɛ, ye mɔmɔ xóbúlɔ do Pɔlu éxó go, mɔ́nɔ zuni. ⁴⁶ Pɔlu gɔ baanabasi mɔlɔ xó gɔdo jiɖiɖe fan: mi elɛ yeɖó alɔ mawu xó lɔ gbá éxe mimɔ gbɛ́, mɔmɔ fan eyɛ óojɛgɔ egbɛ magɔn ele ɔ, tɛn ɔ, milá gbɔjwɛ sɔn emɛ éxe égó nyi jwiƒu lɛ ele ɔ kɛ. ⁴⁷ ɖó kɛ́n aklúnɔ zɔɔn ɖó ɔ wée: iyi nɔ ɔ nyi kinklɛn na okɔta ɖétɔ lɛ, nɛ nɔ jla wɛnɖagbɛ hwɛgan tɔ́n lɔ́ kaka lo sɔn xiye egbɛ lɔ́ kponu do ɔ. ⁴⁸ Éxe emɛ égó wa jwiƒu lɛ ele ɔ se étɔnɛ ɔ eji éjɔɛ, yemɔ bɛ mawuxó ɔ kikafu; emɛ éxe yemɔ yiɖawán na egbɛ magɔn magɔn lɛ ̇ tɛ́tɛ́ ɖinú na jezu. ⁴⁹ Aklunɔ exó mɔ́ nɔ gbăkpé déji zɔn egbe tɛ́tɛ́ji. ⁵⁰ Vɔɔ, jwiƒu lɛ ékplɔn nú nyɔsi okunɖéji éxe eɖo sisi na mawu lɛ gɔ mɛjɔ emɛ eto lɔ́ étɔ lɛ, yemɔ fɔn gǔ do Pɔ́lu gɔ baanabasi ji, mɔ nyɛɛ ɖé yeto mɛ. ⁵¹ Pɔ́lu gɔ baanabasi mɔ́ xuxù yeotɔkɔ́ kɔn dawán nɛɛ, mɔsɔn eto ye ylɔ́ fán ikoniyɔmu ɔ mɛ. ⁵² Ji jwɛ gɔ gbigɔ kinkɔ mɔjwɔ ayi mɛ na ahwanvi jezu etɔn lɛ ɖé antyɔci.