¹ Exo pɔlu gɔ banabasi jɛ ito éxé e ylɔ ƒan Ikoniyɔmu mɛ ɔ , e sɔn ƙplɔnxomɛ jiƒu lɛ etɔn mɔ lɔxo nɛ gbɔn jifu lɛ susu gɔdo glɛsinu susu mɔ ɖinu na yesu . ² Vɔ jwiƒu exé gbɛ nu ɖiɖi lɛ fɔn hun do jihwlé na emɛ exé go nyi jwiƒu e lɛ , e mɔ zɔn kéun e mɔ bɛ inu nyinylan bubu do nɔvi exé ɖe ƙlusu mɛ lɛ go ji . ³ Pɔlu gɔ banabasi nɔ xinnɛ tete . E lɔxo gɔ jiɖiɖe . Aklunɔ na acɛ wi e mɔ nɔ inu hamɛ hamɛ jlɛtɔn , mɔ nɔ inu do abaɖa lɛ jlɛtɔn ma lo ɖexlɛ ƒan inu exé e nɔ lɔ do ɖagbɛ Mawu etɔn go ɔ xonugbo nɛ . ⁴ Enɛ ɔ to ɔ mɛ nu lɛ o gɔ ɖo gbekpwɛ e ; mɛ susu ɖé jwiƒu lɛ ji , keun susu mɔ ɖe emɛ ɖolohlan lɛ ji . ⁵ Emɛ éxé go wa jwiƒu lɛ e gɔ jwiƒu lɛ sɔgbe do e ga lɛ go , mɔnɔ sɔnu a lo do aya na emɛɖolohlan lɛ , ma hui gɔ ekpɛn . ⁶ Exe Pɔlu gɔ banabasi se etɔnɛ ɔ , e si lo sɔn Lisitli gɔ Dɛɛbe , ɖe Likawonii gboji gɔ do ito exé gogo xinɛ lɛ mɛ , ⁷ mɔ jɛ ewɛn ɖagbɛ ɔ jla ji ɖe xhinɛ lɛƒe . ⁸ Dahwe nɛhwlɛn ɖe to exé e ylɔ ƒan Lisitli ɔ mɛ , mɔ nɔ awansinnɔ , ɖo e oƒɔ lɛ ku ; ɖe gan exé exémɛ e mɔ ji dahwe enɛ ɔ lokpo eyi é oƒɔ lɛ mɔ ku , gbɛ égo zɔn zɔnlin kpɔn gblé e . ⁹ Enɔ ɖoto ixo exé pɔlu nɔ lɔ ɔ . Pɔlu okun we jɛ eji , é mɔ kpɔn ɛ tlili , mɔmɔ ƒan dahwe enɛ ɖo nuɖiɖi exé la zɔn keun é ozɔn mɔ gbɔ ɔ . ¹⁰ Enɛ ɔ Pɔlu kɔ gbe do jihwle mɔ lɔ ni ƒan : cite mɔ jɔ i oƒɔ lɛ ji . Keun dahwe ɔ mɔ zlɔn cite , mɔ bɛ zɔnli zinzɔn . ¹¹ Exe emɛ exé ɖe xin nɛ mɔ inu exé Pɔlu jlɛ ɔ , e do abobo , mɔ lɔ do Likawonni e gbemɛ ƒan : Nu sinsɛn lɛ we trɔzun gbɛtɔ mɔ we jɛte do mimɛ we . ¹² E ylɔ Banabasi ƒan Zewusi ; mɔ ylɔ Pɔlu ƒan ɛmɛsi , ɖo Pɔlu enyi ɖɛmɛnu ɔ . ¹³ Yɛhwe exé e xɔ ɖe ito ɔ e nukɔn ɔ é yɛhwenɔ yi ƒolowa mɔ lo din ocɔn na nyibu osu nɛhwlɛn lɛ , mɔ dɔn ɛ lo wa ihɔn lɛ nugbɛn . Eyɔ gɔ togun ɔ tɛtɛ nɔ sɔnu , mɔ nɔ din a cicɔ Banabasi gɔdo Pɔlu . ¹⁴ Exé emɛɖolohlan Banabasi gɔdo Pɔlu se etɔnɛ ɔ , ye vu awu do kɔ na éɖé , mɔ do wezun lo byɛ ahwan ɔ mɛ ƒan : ¹⁵ Un mɛlɛ mi , amutu mi lǒ bay etónɛ ʔ Gbɛtɔ miyɛlɛha éwa miyɛlɛ ƒe , mɔ hɛn ewɛn ɖ̧̧agbɛ ɔ ló wá na mi , mɔ nɔ lɔ na mi ƒan námi lɛkɔ ɖe inu ma ɖinu ěnɛ lɛ godo , mɔ jɛ Mawu gbɛgbɛ ɔ godo ; eyɔ é bay jihwle gɔdo awlango , mɔ bay xu , gɔdo inu éxé ɖe èmɛlɛtɛtɛ . ¹⁶ Gan xóxó́mɛɔ , Mawu jo okɔta lɛ tɛtɛ do , keun emɛ lokpo lokpo mɔ bɛ imɔ éxé jloé ɔ . ¹⁷ Vɔ̌ , ego gbɛ klu ɖiɖe na éɖé zɔn ɖagbɛ éxé é wa lɛ mɛ e . É ɖó jokun lohlan mi , mɔ na jinukun mi dó é gan mɛ . É ná́ nuɖuɖu mi tunƒla ; é na jijwɛ mi . ¹⁸ Banabasi gɔ Pɔlu lɔ étɔnɛ có , égo ƒa ƒoto emɛlɛ lowe yigbe na ixó éxé elɔ ɔ , mɔ jo vɔ éxé e na sa nɛ̌ ɔ do e . ¹⁹ Jwiƒu nɛhwlɛn lɛ lɛ ɖe Antyɔci exe ɖe Pisidii é awlangoji ɔ gɔdo Ikoniyɔmu lo wa , mɔ kplɔn nu mɛlɛ , keun émɔ dun ékpɛn do Pɔlu gbɔn é mɔ janwán , é mɔ mɔlomɔ ƒan ékú nɛ̌ sin , mɔ dɔn ɛ lo sɔn itoɔ é godo . ²⁰ Vɔ̌ , éxé ahwanvu lɛ trɔ di ɔ , é cite mɔ gɔ byɛ ito ɔ mɛ . É okunkɛngbe ɔ , é́yɔ gɔdo Banabasi nya kpɔn ton éxé e ylɔ ƒán Dɛbe ɔ mɛ . ²¹ Banabasi gɔ Pɔlu jla ewɛn ɖagbɛ ɔ ɖe Dɛbe , ƙeun mɛ susu mɔ ɖinu na yesu . enɛ godo ɔ , ye lɛkɔ losɔn Lisitli , Ikoniyɔmu gɔdo Antyɔci Pisidii etɔnɔ . ²² É dó wusyɛn lanmɛ na ahwanvu yesu étɔn lɛ , mɔ na okɔn kpinkpan wi , nɛ̌lo lido ɖe núɖiɖi mɛ , mɔ lo nɛ ƒan : Aya susu eyi míɖó a ji , mɔ lo byɛ ƙɔsú ɖuɖu Mawu étɔn mɛ . ²³ Pɔlu gɔ Banabasi ƙɔ ogun nukɔntɔn do enugbɛ , zɔn ogun lokpo lokpo mɛ . É bla nugbɛn , mɔ xoɖɛ mɔ kwɛ do olɔmɛ na Aƙlúnɔ exé e ɖinu na ɔ . ²⁴ Emɛɖólohlan enɛ zɔn Pisidii lowa Panƒilii . ²⁵ E ye we lɔ Mawuxó ɖe Pɛɛjée ; enɛ ɔ godo ɔ , ye wa Atalya . ²⁶ ye do tɔjihun ɖe xinnɛ , mɔ sɔn Antyɔ́ci ; xinnɛ eyi émɔ kwɛ do olɔmɛ na wujɔmɛ Mawu etɔn ɖe , na idɔn exé éwa tɛn ɔ . ²⁷ Éxé é lo wa Antyɔ́ci ɔ , ye kpli ogun ƙlisu etɔn éxé ɖe xinnɛ lɛ , mɔ lɔ inu éxé Mawu wa zɔn eji ɔ tɛtɛ nɛ̌ ; mɔ gɔ lɔ kɛ́n Mawu hun mɔ na emɛ éxé nyi jwiƒu lɛ ɖo , nɛ eyɛlɛƒé nɛ tɛ̌n kpégo lo ɖinu na yesu ɔ nɛ . ²⁸ ye nɔ xinnɛ gɔ emɛ éxé ɖinu na yesu lɛ xɔ azán SuSu .