¹ Inu éxé e ɖo loxlan emɛɖedovo Mawu etɔn éxé ɖe Jude lɛɛ ɔ, mɔ lo gɔ olɔnɛ ɛ, o bio dandan fan na wlan xoma loxan mi ɖe go e. ² Inyɔ go jlo nɛnɛyi mi ɖo ɔ, mɔ yi mi jla ojɔ na mi ɖe Masedwaninu lɛɛ kɛ ɔ mɔ fan: " nɔvi éxé ɖe Akayi lɛɛ mɔ gbesisɔ mɛ, la lo na nu e mɛ sin xwe ɖe ɔ mɛ lokpo."Bibi ɖo do idɔn go mitɔn zɔn akpakpa mɔ sɔ i mɛ susu ɖe mi go. ³ E ɖe etɔ nɛ co ɔ, mɔ ɖo nɔvi éxé lɛɛ lo hlan mi, lo zɔn inu éxé lɛɛ go ɔ ni ma we nyi inu vɔvɔ e, i jlo fan na mi mɔ aceji kɛ i lɔ ɖo ɔ. ⁴ Nɛ e go nyi etɔn nɛ elo nɛ inyɔ gɔɖo Masedwaninu lɛɛ gɔdo innyɔ tete wewa , gbɛ mi go we mɔ mi ɖe gbesisɔmɛ e ɔ, inya la wa inyɔ tete, ɖo kɛn mi mɔ ɖo jiɖiɖe do mi go ɖo ɔ wutu, miɛlɛ fe la ɖu nyan. ⁵ Hun i mɔ fan e ɖe dandan mɛ fan na ɖe kuku na un nɔvi éxé lɛɛ fan nɛ wa mi jɛ nukɔn na nyɔ tete, mɛ enunina éxé mi mɔ do akpana ɔ na mi na gɔdo odɔmɛ kinkɔn ɔ, na mi sɔ e nu ɖawan. Enɛ ɔ, gan enɛ mɛ la we wa , e la mɔ ɖe olɔ ji, emɔ lo ɖexlɛ fan mi na nu mɛ gɔdo e jimɛ kinkɔn ni ma nyi dandan mɛ nu e. ⁶ Mi mɔ flin xogbe éxé tɔ: emɛ éxé do nukun vile ɔ, e gbɛn enɛ éxé do nukun susu ɔ, susu tɔn egbɛn. ⁷ Hun mɛlokpo lokpo nɛ na nu emɛ kɛn elinɖo ɖe ayimɛ ɔ, mi ma na nu emɛ ni gɔ we vena mi e, alo ni nyi dandanmɛ e nu e. Ɖo Mawu nyi wan na emɛ éxé na nu emɛ gɔdo odomɛ kikɔn ɔ. ⁸ Mawu ɖo acɛ la na nu mɛmɛyi lɛɛ hamɛ hamɛ tɛtɛ, e la na mi, enɔ tunfla, nɛ a mi lo ɖo inu éxé ɖe taji ma mi gan tɛtɛ mɛ, mi mɔ zan, e mɔ gɔ lan na mi, na idɔn ganji lɛɛ tɛtɛ. ⁹ Kɛn Mawuxo xoma lɔ, lɔ ɖo ɔ; eyɔ enyi: "E na nuwamɔnɔ lɛɛ e mɔ su. Ehwɛjijɔ etɔn ɖe te tɛgbɛ". ¹⁰ Mawu éxé nukun glesilɛ ɔ, nɔ na nuɖuɖu, e mɔ ɖu ɔ la na nukun éxé hudomɛ mi ɖe nɔ a su ɖe mi si, nɛ hwɛjijɔ éxé mi ɖo ɔ la na sisɛn susu. ¹¹ E la ɖo dɔkun susu na mi gan tɛtɛ mɛ, nɛ na mi lo ɖe hwɛ ganmɛ ganmɛ mi na mu emɛ gɔdo jimɛ kinkɔn, nɛ emɛ susu ni lo do e kpɛ na MAWU na inu éxé lɛ, mi na mi mɔ ze la na e lɛɛ wutu . ¹² Ɖo idɔn enɛ éxé mi nɔ wa ɔ, e go nyi inu éxé hudo emɛɖedovo Mawu etɔn lɛ lokponɔ e, vɔɔ, e na ekpɛ ɖo na Mawu e ɖɛ lɛɛ mɔ gɔ jɛji, lo zɔn inu éxé bayi lɛɛ wutu. ¹³ Idɔn enɛ la ɖe inu éxé mi nyi lɔ ixlɛ, emɛ susu la yi kafu ina MAWU zɔn tonu éxé mi se na MAWU mɔ ɖe inuɖiɖi na ewɛn Ɖagbɛ Klisu etɔn xlɛ wutu, e la gɔ yi kafu yi na Mawu , ɖo kɛ mi kɔn odɔmɛ , mɔ ma mi dɔkun lɛɛ gɔdo mɛ ɖetɔ lɛɛ ɖo ɔ. ¹⁴ Ɖo emɛ nu vivɛ maxlɛ maxlɛ exe Mawu kɔndo mi ji lɛ lɔ wutu ɔ, elo xo eɖɛ na mi gɔdo wannyinyi. ¹⁵ Mi na a mi dekpɛ na Mawu ɖe inu nina exe tufla gbɛ mi go wa jlɛ ɖo nuti go e wutu e.