¹ Un nɔvilɛ mi, mi jlo fan mi nyɔ kɛninu nina Mawu etɔn nɔ wadɔn ɖe ogun Masedwaní lɛɛ tɔn mɛ ɖo ɔ. ² Inu jɔdo ogunvi lɛɛ jiɖe xinɛ tawun. Losɔn ɖo vivɛ éxé se lɛɛ egblamɛ. Vɔ ejijɔe mimɔ mɔga.Vɔ e mɔ ɖexlɛ fan e hun olɔ lo na nu e mɛ tite hungbe; co ɔ nuti goɖe e si e. ³ Xonugbo mɔ lɔ na mi. E na mu kɛn e kpego ɖo ɔ; e gɔ na hu kɛne kpego ɖo fe eyɛ telɛɛ ɖo ojlo; ⁴ Mɔ byɔ mi mɔ ɖo e tagba na mi tawun. Mɔ ɖe kuku fan eyɛlɛfe la ɖo inu loxlan emɛ ɖedovo Mawu etɔn lɛɛ a lo ɖo olɔ wii. ⁵ E bayi hugan wu kɛn mi lɛɛ lin ɖo ɔ. E mɔ yi eɖe lɛɛ dasi na Mawu gba , ɖe enɛ godo losɔn ojlo Mawu etɔn mɛ ɔ, e yi eɖe lɛɛ dasi na myɛ fe. ⁶ Enɛ wutu milo ɖe kuku na Titu fan nɛ wa mikɛ. na mi lo dlɛn idɔn lɔ do e nugben kɛn omɔ ɖe e go san ɔ, mɔ lo dɔn mi na mi lowa wannyinyi dɔn e nɛ ɔ la fo. ⁷ Mi jɛ odɔkun ɖe mu tɛtɛ mɛ. Mi gɔjɛ ɖe inu ɖiɖi mɛ. ɖe bibi do nugo ma gbogɔ mɛ, gɔdo wannyinyi éxé mi ɖo na mi ɔ fe mɛ, enɛmɛ ɔ, mi jlo fan ami ɖexlɛ fan mi jɛ odɔkun ɖe wannyinyi e dɔn enɛ fe mɛ. ⁸ Ego wa acɛ nɔ kpa na mi e. Vɔ, i lɔ bibi do idɔn go mɛɖelɛ etɔn na mi. Na lo kpɔn fan wannyinyi éxé mi ɖo na mi ɖe lɛɛ ɔ nyi wannyinyi xonugbo lɔ ja. ⁹ Ɖo mi nyɔ inu éxé Mawu mitɔn Yesu Klisu na mi ɔ. Eyɔ emɛ éxé wa odɔkunnɔ ɔ, eyi eɖe lo ɖo wamamɔnɔ do mi takunmɛ; la lo do dɔkun na mi lo zɔn wamamɔnɔ nyinyi e acɛmɛ. ¹⁰ Enɛ ɔ, la we lɔ inu éxé i lin do ego ɔ na mi , e jɔhun fan inu éxé mi wa ɖe xweɖetɔ mɛ ɔ, na mi bayi la kpa; miɛlɛ e jɛ inu waji jɛ owunkɔn, e go wa enɛ ɖoɖo mi jɛ owunkɔn ɖe e. Ɖe xwe ɖe ɔ mɛ ɔ, mi go ɖo ojlo mɛmɛyi ma lo wa nu. ¹¹ Ɖe tɛn ɔ , mi dlɛn idɔn enɛ ɔ ɖe enugbɛn mɔ bayi la kpa; ojlo mɛmɛyi éxé mi ɖo fan mi lă wadɔn, mi yi ojlo mɛmɛyi enɛ ha lo wa la kpa; mi bayi gɔ inu éxé ɖe mi si ɔ fe. ¹² Na eyi ojlo mɛmɛyi lo na nu wu emɛ ɔ, inu éxé ɖe emɛ si ɔ eyɔ Mawu kpɔn lo yi inu nina enɛ lɔ, e go wa inu éxé go ɖe emɛ si lɔ ekpɔn e. ¹³ E go wa inu éxé ɖe esi tɛtɛ ewa yi lo do olɔ emɛ mɔ we jɛ edo , gonɛ nɔ lɔ e. Vɔ emɛ éxé na nu gɔ emɛ éxé na lɔ fe tɛtɛ la nɔ zɛnzɛn. ¹⁴ Tɛn ɔ, inu ɖe misi ganji . Tɛn mi hɛn ɔ, mi la do olɔ wu emɛ exé ɖe hudo mɛ lɛ. Enɛ ɔ, na inu lele fe we hudo miɛlɛ fe gbelegbe ɔ , na eyɛlɛ fe mɔ ɖe ganji ɔ, eyɛlɛ fe la do olɔ wu mi kɛn eyɛmɛ tɛtɛ nɔ zɛnzɛn we nɛ. ¹⁵ Kɛn inu éxé e wlan do Mawu e xoma lɔ wenɛ. Enɛ e nyi fan emɛ éxé bɛ glegle bɔ go ɖo e. Emɛ éxé bɛ vitin bɔ ɔ, nuti go hwe di e. ¹⁶ Ekpɛ na Mawu éxé yi do ayimɛ na titu , eyɔ fe mɔ bi do migo miɛtelɛ ha mɔɖe. ¹⁷ Titu yigbe na inu éxé mi byɔ lɔ; Exé gɔ hugan wu etɔnɛ eyɔ enyi fan bibi ɖo do nugo e akpakpa mɔ nɔ lanmɛ ni kaka eyɔ tete mɔ lɔ gɔ e jlo fan eyɛ la wa mi kɛ. ¹⁸ Mi ɖo nɔvi éxé ogun lɛ tɛtɛ kafu na ewɛnɖagbɛ etɔn jijla zɔn ɖo ɔ ɖoxlan , emɔ xwedo Titu. ¹⁹ Enɛ lokponɔ gonɛ e. Mi nɔvi enɛlɛ ogun lɔ ɖe e ma xwedo mi lo zɔn tolɛmɛ tolɛmɛ. Wannyinyi dɔn enɛ mi ɔ , mi la wa na kafu Mawu etɔn na ojlo ma ɖe olɔdo Mawu etɔn xlɛ. ²⁰ Mi nɔ bayi inu tɛtɛ na inu nina gbo enɛ ɔ, miti ni ma mɔ kɛn mi zan ɖo go e. ²¹ Mi jlo fan mila wa inu mɛmɛyi vɔ ego wa inu éxé jɛ Mawu o kunmɛ ɖoɖo mi wa bayi e, vɔ mila bayi éxé jɛ gbɛtɔ lɛɛ okunmɛ fe. ²² Mi ɖo mi nɔvi bu lɛɛ gɔde lohlan. Mi doekpɔn zɔn imɔ susu ji. Vɔ ɔ emɔ ɖexlɛ ɖe gantɛtɛ mɛ fan eyɛ bi do idɔn go. Vɔ tɛn ɔ, ɖe jiɖiɖe gbo éxé e ɖo do mi go wutu ɔ, bibi do idɔn go etɔn gɔ jɛ eji. ²³ Titu ɔ, un dɔn hagbɛ enyi mɔ wa dɔn gɔdo lo do lɔ wu. Nɔvi éxé jɛ egun lɛ ɔ, emɛɖoloxlan ogunlɛɛ etɔn enyi , mɔ nɔ wa dɔn na kafu Yesu etɔn. ²⁴ Mi ɖexlɛ fan mi nyi nɛ xonugbo na ogun lɛ nɛ mɔ fan mi nyiwan nɛ ma lo nyɔɛ fan mi mɔ do yɛyi nɛ. Mi ehwɛ jɔ.