¹ Wannyinanɔ untɔn lɛ, akpagbe enɛ le exe Mawu do ɔ, myɛlɛ e do na . Enɛ wutu ami sla wu na agbaza gɔdo gbigbɔ , mi mɔhlɔn mɔ ɖo oswu na Mawu ɖe mi egbɛ ninɔ tɛtɛ mɛ, mi mɔlo nyi gbɛtɛ ɔ kinkɔ tɛtɛ ² mi kɔn odɔmɛ do mi go ! Mi go wanu lo hu ehwɛ do mɛti e, mi go jɛ ajo do emɛti e; gbɛ mi go xo emɛti ɖu e. ³ La da ehwɛ na mi wutu gonɛ lo nɔ ixo exe lɛ lɔ tɔn e. Ɖe xonugbomɛ ɔ, ɖikɛn i mɔ lɔ na mi ha ɔ, mi vɛna tawun, mi mɔ ɖe kpwɛ gɔ mi ganlele kpokpwe mɛ, mi ma nɔ egbɛ alo mi ma ku gɔ mi. ⁴ I kando miji tawun; mi yi mi lo yi ogo tete. Mi lo se vivɛ co i ɖo jiɖiɖe tawun, emɔ na jijwɛ gbokpan ɖehwlɛn wu ⁵ Vɔɔ, gan exe mɛ mi wa Masedwani ɔ, mi go mɔ vivo tie; mi mɔ vɛvisise zɔn xitɛtɛ. Mi nɔ aɖikanmɛ gɔ emɛbulɛ, mi mɔnɔ cicwɔ ji ɖe mi ayimɛ gbɔɔn. ⁶ Co ɔ, Mawu éxé do fifa lanmɛ na emɛ éxé kanmɛ gbɔjɔ na lɔɔ, na fifa wu mi ɖe Titu e wiwa mɛ. ⁷ Wiwa etɔn lokponɔ gonɛ na fifa wu mi e, vɔ ixo éxé ewe lɔ nami zɔn kɛn mi na fifa wu eyɔ tete ɖo ɔ, na fifi wu mi. Kɛn mi ɖo ojlo wa lo mɔ mi ɖo ɔ,odɔnuɖunu gbokpan exe mɛ miɖe, gɔdo kɛn mi ɖe gbesisɔn, walo fun awan do un takunɖo ɔ, e we lɔ na mi. Enɛ lɔ e gɔ na jijwɛɔ tawun. ⁸ Ɖe xonugbo mɛ ɔ, nɛnyifan xoma éxé i wlan loxlan mi lɔ na mi mɔ ɖe dɔnuɖunumɛ can ɔ na ganhixo klewun ɔ, eyɔ ela vɛna. ⁹ Vɔɔ tɛn ɔ , iji nɔ jɔ; dɔnuɖunumɛ exe i yi mi ɖo lɔ wutu gonɛ e; vɔ, enyi jijwɛ na, ɖo dɔnuɖunu exe mɛ mi nɔ lɔ na mi mɔ ɖwɔ edɛn. Mawu yi mi dɔnuɖunumɛ ninɔ lo wadɔn. Eɖe etɔnɛ ɔ, wa mi gɔɔ wa nuti lo jɛ ogɔ na mi e. ¹⁰ Ɖo dɔnuɖunu éxé Mawu yi lo wa idɔn ɔ, ena emɛ edɛn ɖiɖwɔ éxé na hwlɛngan emɛ, gbɛ egɔ se vivɛ e.Vɔ, dɔnuɖunuexe egbɛ lɔ na emɛ ɔ, e dɔn emɛ na iku. ¹¹ Dɔnuɖunu éxé mɛ mi nɔ ɔ, Mawu yi lo wadɔn; mi mɔ kpɔn inu exe tɔn ɖemɛ tɛn lɛ ! Dɔnuɖunu enɛ exe mɛ mi nɔɔ, mi kpɔn kɛn ena mi mɔ yi inu exe jɛ lo ylɔ nujɔnu ɖo, mɔ kpɔn kɛn e dwɔ mi egbɛ ɖo, mi mɔ bi do idɔn go , na mi lo wlibona miɖe. Mi kpɔn kɛn mi mɔ akpɔɖo, mɔ kpɔn kɛn cicwɔ humi do Mawu go ɖo. Mi kpɔn kɛn mi ɖo jlo wa lo mɔmi ɖo. Mi kpɔn kɛn mi bi do idɔn go ɖo, mɔ kpɔn kɛn mo hlɔn, walo dɔnto na emɛ exe wanu nyinylan ɖo ! Mi ɖexlɛ zɔn olɔkpa tɛtɛ mɛ fan eyɛ nyi odɔmɛvɔnɔ ɖe inu enɛlɔ exe jɔlɔ mɛ. ¹² Hǔn, nɛnyifan, i wlan xoma ɖoxlan miɔ emɛ exe wa inu nyinylan lɔ wutu gonɛ e; gbɛ emɛ exe e wa inu nyinylan na lɔ fe wutu gonɛ e. Vɔ, na myɛtelɛ lo mɔ kunnu do tagba éxé mi jɛ do migo ɖe Mawu e unkɔn ena ilo wlan xoma lɔ ɖoxlan mi. ¹³ Ɖo kɛn mi wanu ɖo lɔ susu adasin nami. Gbɛ aɖasin lokponɔ gonɛ e susu nami e. Exe mi mɔ kɛn Titu mɔ jijwɛ zɔn igan do emɛ mitɔn ni wutu ɔ, mi mɔ jijwɛ tawun deji. ¹⁴ I kafu unɖe vile di, myɛlɛ wutu gbɛ mi go na mimɔ ɖu yan e. Vɔɔ, kɛn ixo exe mi lɔ na mi lɛ tɛtɛ nyi xonugbo ha e, etɔnɛ lɔ ke, kɛn mi kafu mi ɖe Titu kɛ ɔ, emɔ deji. ¹⁵ Enɛ wutu, nɛntifan e flin olɔkpa exe mi mimɛ tɛtɛ ɖe gbesisɔ, wa lo se tonu , mɔ flin kɛn mi yi ɖo gɔdo emɛsisi, gɔdo emɛ bubu ɖo ɔ, wannyinyi exe eɖo na milɔ gɔ jɛji lokpe. ¹⁶ Jijwɛ hugan wu unji , ɖo nɛnyifan i hɛn ɔ la ɖeji do mi go ɖe inu tɛtɛ mɛ.