¹ Enɛ ɔ mi nɔ biɔ mi fan mi ɛ mɛ exe nɔ wa dɔn na mawu lɛɛ ɔ, mi ma jo nu mɛmɛyi éxé mi mɔ ɖé mawu mɛ do ni bu é. ɖo nu exe mawu xo ɔ lɔ ɔ ² wé: ɖagbɛwiwa e gan mɛ wé, hwlɛngan e azan gbe we. ³ mi jlo fan nɛ ma mɔ nu nyiylan ti do mi xo go e. Eyi ezɔn mi mɔ nɔ din fan mɛ ti ni ma nyi ofɔklɛnnu na mɛ ti e. ⁴ Mi nɔ ɖe xlɛ ɖe nu tɛtɛ mɛ fan dɔn watɔ mawu etɔn mi nyi. Mi nɔ kuhun a mi nɔ do ji ɖe vivɛsise lɛ mɛ gɔ adan gbo emɛ gɔ nu exe edocicuɔ na mɛ lɛɛ nu ⁵ gbɛn. Ye xo mi mɔ kplan mi do gan mɛ. ye kpli ahan do mi go , mi wa dɔn sinsinɛn, mi o dɔ owlɔn e, mi o ɖu nu e. eɖe étɔnɛ co mi mɔ ɖe xlɛ fan mawu mi nɔ wa dɔn na zɔn ayi kikɔn ⁶ mɛ. zɔn nunyiyɔn gɔ sulu gɔ odɔmɛ nyɔ ɛn mɛ. zɔn yɛkikɔn gɔ wan nyinyi exe mi ɖo ɔ mɛ. ⁷ zɔn xo nugbo gɔ hihlɔn mawu etɔn mɛ . nujijɔ wiwa e nyi ahwanfun nu exe mi zan lo fun ahwanɔ. ⁸ E nyi mi gɔ zan lo hwlɛn mi ɖe ɖé ahwan unkɔn . ye wlibo na mi, ye gɔ daya na mi, ye lɔ xo nyinylan do mi go. ye gɔ lɔ xo mɛmɛi do mi go. ye mɔ mi lo mɔ xosuɖotɔ vɔ xo nugbo mi nɔ lɔ. ⁹ ye mɔ mi lo mɔ mɛ exe ye go nyɔn e vɔ ye mɔ nyɔn mi. ye mɔ mi lo mɔ mɛ exe na ku ɔ vɔ mi mɔ ɖe gbɛ ganji kɛ mi nɔ mɔ ɖo ɔ. ye do vivɛ sise na mi vɔ ɔ o hu mi ¹⁰ e. ye dɔn mi do olu ɛmɛ vɔ jijɔɛmɛ jan mi ɖe tɛgbɛ. mi ci wamɛnɔ mɔ ɖé vɔ mi na nu mɛ susu. mi ci mɛ exe o ɖo nu ti e mɔ ɖe vɔ mi ɖo nu tɛtɛ. ¹¹ Mi hwanyi kolɛntitɔ lɛɛ . mi lɔ odɔmɛ na mi, mi nyi wan na mi vɔ ¹² mi ɛ lɛ mɔ gbɛ wan na ¹³ mi. nɔ lɔ na mi ɖo mi ci vi ha na. nu exe mi lɛn do mi go ɔ, ni nyi etɔnɛ na mi. mi nyiwan gbo na mi ɖé. ¹⁴ Mi ma kpe nuti gɔ mɛ exe go wa klisu sɛn tɔ lɛ e. ye go wa mɛ exe e la kpenu gɔ do e. xonugbo ɔ, amu kɛn mɛ exe wa nu jijɔ ɔ la do ha gɔ mɛ exe go wa nu jijɔ eɖo amukɛn kinklɛn gɔ zuvlu la nɔ kpɔɛ ¹⁵ ɖo Amukɛn klisu la ɖo gbe kpɔɛ gɔ awovi ɖo alo ¹⁶ a mu mawusɛntɔ la kpe gɔ awovi sɛntɔ ɖo mawu e sinsɛnxɔ mi nyi. kɛn mawu mɔ lɔ ɖo ɔ: la nɔ yemɛ, ye mɔ zɔnzɔnlin gɔ do un. la nyi ye mawu , ye mɔ nyi un togun. ¹⁷ Enɛ e wanu mawu lo lɔ fan :mi ɖo a lɛ ɖe ye mɛ mɔ klan gɔ de, mi ma do olɔ nu exe e wa suɖunulɛɛ mɛ e. enɛ ɔ ¹⁸ la nyi tɔ na mi, mi mɔ nyi vi sru gɔ nyɔnsi na. nu exe mawu exe kpenutɛtɛ go ɔ lɔɔ wenɛ.