¹ Inyɔ Pɔlu éxé lɔ fan nɛ iɖe kpwɛ gɔ mi ɔ ifa vɔ nɛ i ɖe zɔga na ɔ, i wa adan lo xlan miɔ , inyɔ tete enɔ byɔ inu exé lɛ mi fan lo zɔn odɔ mɛ fifa gɔdo odɔmɛ kinkɔn Yesu etɔn mɛ ɔ nɔ fan koe na mifan. ² Mi ma bayi nɛ na ɖe kɛn i ɖeji ɖo ɔ xlɛ mi gan éxé mɛ wa ɖe mikɛ do ɔ e. Ɖo i kandeji fan la ɖeji lo lɔxo na mi gbɛtɔ e tito mi xwedo lo bayi nu lɛ ɔ; ³ Gbɛtɔ agbazamɛ mi ɖe xonugbo vɔ mi go yi gbɛtɔ e jijɔ loo fun ahwan e. ⁴ Ahwanfunnu éxé mi lo fun ahwan ɔ, e go wa ahwanfunnu gbɛtɔ gbɛmɛ hietɔ tɔn lɛ etɔn e; ahwanfunnu hihlɔnnɔ Mawu etɔn lɛ exe elo mu adokpa lɛ e yɔ nɛ. Mi ɖe susu nyinyla masɔgbe lɛ sɛ. ⁵ Inu éxé eyi goyiyi lo su lo sumɔ na nɛ ma lo nyɔ Mawu lɛ e le ɔ, mi ɖe tetɛ sɛ mi mɔ wli susu nyinyla lɛ do gan, mi mɔ dwɛn nɛ lo setonu na Yesu. ⁶ Miɖe gbesisɔmɛ mɔ setonu ixo mɔ gɔn ɖego tlolo ɔ, mi la dɔnto na tonu mase enu wiwa lɛ tɛtɛ. ⁷ Okuntakun eyi mi kpɔn inu lɛ ɖe kpowun. Enyi mɛlele kandeji fan eyɛ nyi Yesu etɔn ɔ, emɛ lɔ ni nyɔ do ayimɛ fan kɛn eyɛ nyi Yesu etɔn etɔnɛ ke miɛlɛ fe nyi Yesu etɔn wenɛ. ⁸ Ɖo nɛ mi gɔ wanu zɛ jlɛ go vile lozɔn acɛ éxé Mawu na mi go ɔ, inya go na wa e, ɖd acɛ enɛ edɔn wiwa enyi fan mila bayi keun ihabibɔ mitɔn nilo sɔn owunkɔn ɖe inuɖiɖimɛ; e go nyi fan mila bayi lo gbado e. ⁹ Nɛ ma nyi fan nɔ do cicwɔ nami eyi lo wlan inu éxé ɖe un xoma mɛ loxlan mie. ¹⁰ Xonugbo inu exé elɔ ɔ we, Pɔlu ɔ, ixo éxé e wlan do e xoma mɛ lɛ ɔ, eɖo hinhlɔn mɔ kpɛn nɛnyifan eɖe mi cɛncɛnmɛɔ, ego ɖo igan tie, kɛn elɔ xo ɖo ɔ mɔɖu odɔnu ¹¹ Emɛ exe nɔ ixo enɛ lɛ lɔ tɔn ɔ, nɛ nyɔ ganji fan gan éxé mɛ iɖe ozɔgaɔ nu éxé mi wlan loxlan lɛ ɔ go tɔn vo na éxé mi la lɔ gan éxé mɛ iɖe mi mɛ do lɛ e. ¹² Xonugbo ɔ, mi go na siɛn takunmɛ mɔ jlɛ miɖe do mɛti go alo mimɔ jlɛ miɖe do mɛɖetɔlɛ goe. Ɖo eyɛ emɛ éxé yi éɖé lo mɔ fan: myɛlɛ tete we lɛ ɔ, lulunɔ enyi; ɖo eyɛ tete lɛ e bayi inu éxé e wa yi lo jlɛ eɖe lɛ; mɔ yi lo jlɛ eɖelɛ; ejlɛ eɖelɛ do eɖelɛ go. ¹³ Myɛlɛ migo na jla ojɔ na miɖe mɔ zɛ ejlɛ éxé ena mi lɔ go e; idɔn exe Mawu yi do asi na mi ɔ, hie eye e fan amiwa sɛnte do, emɔ na egbe wu mi; mi mɔ bayi ɖe mikɛ ɔ, hinnɛ mi wa jla ojɔ na miɖe sɛnte do. Idɔn éxé miwa ɖe mikɛ lɛ fe ɖemɛ. ¹⁴ Mi go zɛ ejlɛ éxé ena ɔ go nɛ lo nyi fan mi go wa kaka mikɛ e; ɖo mi ɖe ofɔ kaka mɔ wa mikɛ, lo we jla ewɛnɖagbɛ éxé lɔxo do Klisu go lɔ wu mi. ¹⁵ Mi go tɔn ɖe ejlɛ exe e na mi lɛ mɛ e, mio yi idɔn éxé mɛbu ɔ lɛ wa lo jla ojɔ na miɖe. hugan wu etɔnɛ ɔ, mi nɔ ɖokun fan mi nuɖiɖi ni jɛ eji na mi lo kpego lo wa idɔn éxé hugan wu etɔnɛ ɖe mi cɛncɛn mɛ mi mɔnɔ ejlɛ éxé Mawu ɖo na mi mɛ tɛgbɛɛ. ¹⁶ Enɛ e godo ɔ, mi yi ɔ mi la jla ewɛn kinkɔn lo sɔn ito éxé zɔn migo lɛmɛ, ɖo migo jlo wa yi mɛbu lɛ edɔn éxé emɔ wa ɖe idɔn lɛ ji lɛji lɛ lo jla ojɔ na mɛtie ¹⁷ Eɖe etɔnɛ co, kɛn Mawuxo e xoma lɔ ɖo wé, nɛ mɛ lele jlo na jla ojɔ na eɖe ɔ, ni jla na aklunɔ wutu. ¹⁸ Xonugbo ɔ, ego nyi emɛ éxé lɔ ixo mɛmɛyi do eɖego ɔ eyi go nɛ Mawu nyi wan na e, vɔ, emɛ éxé go Mawu lɔ ixo ɖagbɛdo ɔ eyɔ enyi wan na.