¹ Un émɛvive lɛɛ mi, mi manɔ ɖi nǔ na é́mɛ é fan éyɛ ɖo gbigbɔ Mawu tɔn lɛɛ tɛtɛ bǐé, minɔ ɖé kpin kpuɛn tɔn; mimɔnɔ kpɔn fan gbigbɔ Mawu étɔnlɔ jen éɖéemɛ xonugboo.

Do xoyiɖé mawu kɛtɔ nyinylan susu mɔ gbaɖo égbɛ lomɛTɛn ɔ.

² Kɛn miwa nyɔ émɛɖo gbigbɔ Mawé etɔn lɛɛ ɖo wé: émɛ lélé kpokpwé é lɔfan Yesu Klisu agbaza mɛ lowa ɔ, émɛnɛ ɖo gbigbɔ Mawutɔn. ³ Amɔ, mɛlele go yigbe na fan Yesu Klisu go zɔn agbazamɛ lé ɔ, é mɛ é nɛ godo gbigbɔ Mawu etɔn é kɛntɔ Mawutɔn é gbigbɔ édo. Mi mɔ sé fan gbigbɔ é nɛ lawa gbɔn é mɔ ɖé égbɛ lɔmɛ tɛn ɛ. ⁴ Un vikpɛ lɛɛ mi, myɛn lɛ ɔ, Mawu étɔn é wa mi, mi mɔ ɖuɖe xoyi mɔlɔ Mawutɔn nyinyla lɛɛ ji. Ɖo gbigbɔ éɖé myɛn lɛɛ mɛ ɔ, hugan wu é nɔ wa dɔn ɖé émɛ eɖé égbɛ lɔmɛ tɔn lɛɛ mɛ. ⁵ Xoyimɔlo ma tɔn nyi nyla lɛɛ ɔ, é egbɛ lo mɛ tɔn ényi é mɔ lɔ xó ɖikɛn égbɛ lɔ mɛ tɔ lɛ mɔɖe. Emɛ wa egbɛ lɔ mɛ tɔ lɛ mɔ ɖoto wi. ⁶ Amɔ myɛn mɛɖe tɔ lɛɛ ɔ Mawu étɔn éwa mi, é mɛ é nyɔ Mawu ɔ éyɔ é ɖoto wu mi. É mɛ go wa Mawu étɔn lé ɔ, go ɖoto wu mi é. Kɛn mi mɔ kunnu jɛ é go gɔ gbigbɔ awonɔtɔn lɔ goo lɔ wénɛ. ⁷ Un émɛvivɛ lɛɛ émi, mina na mi nyi wan na mi nɔzo lɛɛ. Ɖo wan nyinyi ɔ, Mawu kɛ élɛ ɖé. Mɛlélé kpokpwé ɖo wannyinyi na nɔzo ɔ, hun Mawuvi ényi mɔ nyɔ Mawu. ⁸ É mɛ go nyi wan na émɛ lé ɔ é go nyɔ Mawu. Ɖo Mawu ɔ, wan nyinyi ényi. ⁹ Kɛn Mawu ɖé wannyinyi éɖo ma mi dowé: éɖo évi lokpo géé lɔ loxlan égbɛ lɔ mɛ, na fan na mi lo nɔ égbɛ zɔn é ji. ¹⁰ Wannyinyi é nɛ ɔ, inu é ɖ'é mɛ éyi wé: ewa myɛnlɛ é nyi wan na Mawu jɛ nukɛn, éyɔ é nyi wan na mi jɛ nukɔn, mɔ ɖo évi lokpo, mɔ yi lo sa ovɔ. Na fan Mawu mɛ lo yi ehwɛ yi kɛ mi. ¹¹ Un émɛ vivɛna lɛɛ mí é e Mawu nyi wan na mi étɔnɛ ɔ, myɛn lɛfe ɖo la nyi wan na miɖée. ¹² Mɛlélé go mɔ Mawu kpɔn gblé é, enyi mi nyi wan na miɖéé ɔ , Mawu ɖé mi ayimɛ , é wannyinyi mɔ sɔgbé gbɔn ɔ nuti ɔ kpoɖégoé. ¹³ Gbigbɔ é yɔ tété étɔn é na miɔ é na mi lo mɔ kunnu jɛ égo fan éɖé mimɛ. ¹⁴ Myɛn lɛɛ ɔ, mimɔ mɔ ɖé kunnu na fan Itɔ́ lɔ ɖo évi loxlan ɔ é mɔ wa émɛ hlɛngantɔ egbɛlɔtɔn. ¹⁵ Émɛ é fan Yesu wa Mawu évi ɔ, Mawu ɖé émɛ énɛ mɛ , emɛ lɔ fé mɔ ɖé Mawu mɛ. ¹⁶ Miɛlɛ ɔ, mi nyɔ wannyinyi é Mawu ɖo na mi mɔ ɖinu na. Mawu ɔ, wannyinyi ényi; é mɛ éɖé wannyinyi mɛ ɔ, é mɛ lɔ Mawu mɛ, Mawu fé mɔɖé éyɔ fé mɛ. ¹⁷ Ényi wannyinyi lɔ sɔgbé ɖé mi ayimɛ inu tɛtɛ mɔ gɔn ɖégo ɔ, mi la ɖo nugokpikpé ɖé ehwɛdazangbé, ɖo egbɛ éxé mi zan ɖ'égbɛlɔmɛ ɔ ciɖikɛn Klisu étɔn ha. ¹⁸ Cicuɔ goɖé wannyinyi mɛ é, wannyinyié sɔgbé nutɛtɛ mɔ gɔn ɖ'égo ɔ é nya cicuɔ tɔn; otó ɖindɔn é hɛn cicuɔ lo wa. Ɖo émɛ é nɔ cicuɔ tɔn émɛ énɛ goɖo wannyinyi inu tɛtɛ mɔgɔn ɖégoé. ¹⁹ Myɛn lɛɛ ɔ, mi nyi wan na Mawu ɖo eywɛ nyi wan na mi jɛ owunkɔn. ²⁰ Nɛ nyi mɛlélé lɔ fan éyɛ nyi wan na Mawu vɔɔ mɔ gbɛ wan na é nɔvi ɔ, awoɖutɔ ényi ɖo émɛ go nyi wan na é nɔvi éxé é nɔ mɔ é amu éwa nyi wan na Mawu é go nɔmɔ é ɖooo. ²¹ Hun ésɛn é mawa na mi lɔ wé: émɛ nyi wan na Mawu ɖo la nyi wan na é nɔvi fé.