¹ Emɛ lélé kpó kpóè xè eɖinú fan Yesu éyé wa Klisu ɔ, emɛ̀ enɛ̀ ɔ, Mawuvi enyi, emɛ lélékpokpoé xè nyiwan na étɔ́ ɔ, é nyiwan na évi ɔ fé. ² Nɛnyífan mi nyi wan na Mawu, mɔ nyi esɛn lɛ̌ ɔ, ayɔ azɔn, amilo ló nyɔ́ fan mi nyi wán na évikpɛlɛ̀. ³ Wannyinyi ɖó na Mawú ɔ, éyɔ ényi fan nɛ nyi e sɛ́n lɛ, gbɛ esɛnetɔnlɛ go vɛ nyinyi e. ⁴ Ɖo Mawuvi lele kpokpwe yi ɔ ela ɖu ɖe egbɛ lɔ ji. Nuɖiɖi éxé mi ɖo ɔ eyɔ ewanu mi lo ɖu ɖe egbɛ lɔji; ⁵ emɛ wa tɛn kpego lo ɖuɖe egbɛ lɔ ji. Emɛ éxé ɖinu fan Jesu ewa Mawuvi ɔ lokponɔ gée ewa tɛn kpego lo ɖuɖe egbɛlɔji . ⁶ Yesu Klisu enyi emɛ éxé wa lɔ . Eyɔ ewa gɔ esɛn fe gɔdo ehun; e go wa gɔ esɛn lokponɔ e vɔɔ ewa gɔdo esɛn gɔdo ehun; gbogbɔ ɖedovo mɔnɔ ɖeklun na fan xonugbo nɛ. ⁷ Ɖo gbigbɔ ɖedovo nyi xonugbo. Klunɖetɔ otɔn eɖe: ⁸ Eyɔ ewa gbigbɔ ɖedovo, esin gɔ ehun, eyɛ mɛ otɔn lɛ egbe mɔ ɖe kpwɛ. ⁹ Mi yigbe na klunɖiɖe gbɛtɔ lɛ etɔn; klunɖiɖe Mawu etɔn mɔɖe taji hugan wu gbɛtɔ lɛ etɔn . Klunɖiɖe Mawu etɔn enyi fan eɖe klu na evi. ¹⁰ Enɛ ɔ emɛ éxé ɖinu na Mawuvi ɔ, emɛ enɛ ɖo klunɖiɖe enɛ ɖe e ayimɛ emɛ éxe go ɖinu na Mawu e le ɔ, eylɔ Mawu lo ylɔ awoɖutɔ; ɖo ego ɖinu na klunɖiɖe éxé Mawu ɖé na evi e. ¹¹ Inu éxé klunɖiɖe enɛ nɔ lɔ ɔ wé: Mawu na egbɛ magɔn magɔn mi ; mi mɔ mɔ egbɛ enɛ zɔn evi ji. ¹² Emɛ éxé ɖo ivi ɖe e ayi mɛ, eɖo egbɛ enɛ; emɛ éxé go ɖo ivi lɔ ɖe e ayimɛ ele ɔ , ego ɖo egbɛ enɛ e. ¹³ Nɔ wlan inu enɛlɛ loxlan mi na myɛmɛ éxé nyiwan na Mawuvi lɛ ni lo nyɔ fan eyɛ ɖo egbɛ magɔn magɔn. ¹⁴ Mi ɖo kandeji ganji ɖe Mawu unkɔn fan nɛ mi byɔ nulele kpokpwe emɔ sɔgbe gɔ ejlo ɔ , eɖoto wu mi. ¹⁵ Exé mi nyɔ fan gan éxé mɛ mi nɔ byɔ inu lele kpokpwe wi ɔ e ɖoto mi ɔ. Mi mɔ gɔ nyɔ fan e na inu éxé mi nɔ bywɛ lɛ wu mi. ¹⁶ Nɛ mɛlele mɔ enɔvi emɔnɔ hu ehwɛ , emɛlɔ ni xo eɖɛ ni; gan enɛmɛ ɔ, Mawu mɔ na egbɛ wu nɔvi enɛ. Eɖe etɔnɛ co, exwɛ lokpo ɖe mɔ dɔn emɛ lo sɔn ku; exwɛ enɛ e takun gɔ nɛ i lɔ fan ami xo eɖɛ do e; ¹⁷ inu nyinylan wiwa lɛ tɛtɛ ewa exwɛ; vɔɔ exwɛ ɖehwlɛn ɖe gbɛ e go dɔn emɛ losɔn ku e. ¹⁸ Mi nyɔ fan emɛ éxé nyi Mawuvilɛ ti gɔ nɔ ehwɛ wutɔn e, ɖo Mawuvi lɔ cɔn olɔ eji, gbɛ lɛgba gɔ kpego lo wa nuti ni e. ¹⁹ Mi nyɔ fan Mawu etɔn mi nyi, egbɛ ɔ tɛtɛ mɔ ɖe lɛgba ecɛmɛ. ²⁰ Mi nyɔ fan Mawuvi lɔ wa mɔ na nu nyinyɔ mi na mi lo nyɔ Mawu xonugbo lɔ; mi mɔ ɖekpwɛ gɔ Mawu xonugbo lɔ zɔn evi Yesu Klisu ji. Eyɔ enyi Mawu xonugbo lɔ mɔ gɔ egbɛ magɔn magɔn. ²¹ Un vikpɛ lɛ, mi cɔ miɖe do lɛgba ṣɛnsɛn go.