¹ Nyɔ tété gonɛ eɖe unɖe si e , emɛ ɖoloxlan gonɛ wa ? I go mɔ nyɔ osintɔ Yesu ɔ ? Idɔn éxé i wa ɖe kpwɛ éxé i ɖe gɔdo Yesu ɔ mɛ ɔ, e kpɔdego gonɛ i nyi ? ² Nɛ mɛbu gɔ gbɛ fan go nyi emɛ ɖoloxlan e le ɔ, miɛlɛ ɔ , mi ɖo a nyɔ dangan fan emɛɖoloxlan eyɔ i nyi. Xonugbo ɔ, miɛlɛ fe ɔ, mi ɖe kpɔ éxé miɖée gɔde Yesu wutu ɔ, mi nyi kpɔndego fan i nyi emɛ ɖoloxlan. ³ Emɛ éxé lɛ e din fan eyɛ la mɔ do na lɛɛ ɔ, ixo éxé lo hwlɛn unɖegan ɖe esi lɛɛ we: ⁴ I go ɖo acɛ wa lo yi inu ɖuɖu gɔdo ahan ɖo idɔn éxé nɔ wa ɔ wutu ? ⁵ I ɖo acɛ wa lo ɖe nɔvi ɖe Yesumɛ lokpo mɔ hin ɖi Sefasi gɔdo emɛɖoloxlan ɖetɔlɛ fe gɔ Yesu e nɔvi lɛ bayi ɖo ? ⁶ Alo inyɔ gɔdo Banabasi lokponɔ jɛ la wadɔn lɔ feto ami lo mɔ inu éxé mi nɔ din lɛɛ? ⁷ Alo mi se kpɔn fan ahwanwatɔ lélé yi eyɔ tété e xwa lo wa ahwandɔn kpɔn nɛɛ ? Alo mi se kpɔn fan emɛ éxé do vɛntin go ɖu e sinsɛn e nɛɛ ? ⁸ Alo klɛn nyitɔ ti go nu eklɛn éxé énɔ nyi lɛ e nɛɛ ? Mi ma bu fan gbɛtɔ e susu kpoun eyɔ lo lɔxo e. Ɖo Moyozi e sɛn fe lɔ ixo lokpo ɔ. ⁹ Xonugbo ɔ, e wlan do esɛn enɛ lɛ mɛ fan, mi ma do aja nugbɛn na nyibu éxe yi ofɔ lo li nukun e. Mawu jɛ tagba do nyibu lɛ go nɛɛ ? ¹⁰ Nɛ ela lɔ xonugbo ɔ, myɛlɛ wutu gonɛ Mawu lo lɔ xo etɔnɛ? Myɛlɛ wutu elo wlan ixo exé lɛ dandan. Emɛ éxé nɔ lɛ glé gɔ emɛ éxé nɔ cɔ jinukun ɔ, ɖo wa wa idɔn mɔ nɔ okunɖiɖomɛ fan eyɛ la we yi jinukun éyɛ etɔn ɖemɛ. ¹¹ Jinukun gbigbɔ kinkɔn / ɖedovo etɔn mi do do mi ji lɛ mɛ, nɛ jinukun lɔ lélé eyi mi kɛn ɖemɛn ɖe mi dɔkun lɛ mɛ ɔ, mi kɛn zɛ ejlɛ go nɛ? ¹² Nɛ mɛbu lɛ ɖo acɛ enɛ do miji ɔ, myɛlɛ go ɖo acɛ enɛ ɖe miji hugan wu emɛ enɛ lɛ? Eɖe etɔnɛ co mi go yi acɛ ene lo wa dɔn e; nɛ mi wa lɔ ɔ, mi dɛ ɖe inu tɛtɛ nugbɛn nami ma lo glɔnmɔ na wɛnɖagbɛ e unkɔn sisɔn e. ¹³ Dandan mɛ ɔ, mi nyɔ fan emɛ éxé wadɔn ɖe sinsɛnxɔmɛ enu eɖu; emɛ éxé xwle vɔsanu wu Mawu ɖe vɔsakpeji lɛ mɔ mɔ etɔn yi ɖé vɔsanu enɛ lɛ mɛ? ¹⁴ Etɔnɛ ke ɔ Aklunɔ e na gbe fan emɛ nɔ jla ewɛnɖagbɛ lɛɛ ɔ, idɔn enɛ ni na inu ɖuɖu wi. ¹⁵ Vɔ i go yi acɛ enɛ lɛ lokpo lo wa idɔn e , gbɛ e go nyi fan lo din wutu lo wlan ixo éxé lɛ e. Nɛ i ku ɔ enyɔ hugan fan nɛ yi inu enɛ exe zɔ lo jla ojɔ na unɖe sɛ ɖe unsi. ¹⁶ Go na jla ojɔ na unɖeé ɖo ewɛndagbɛ éxé nɔ jla ɔ wutu; xojɔxo ɔ, idɔn ɖehwlɛn enyi emɔ zɔn fan na wa dandan; nɛ i go jla ewɛnɖagbɛ lɔ eleɔ, hun ahelu na ! ¹⁷ Nɛ nyɔ tete eyi idɔn enɛ mɔnɔ wa ɔ itɛn ɖokɔn fan la mɔ e alé, vɔ , éxé nyi fan idɔn enyi emɔ zɔn fan la wa ɔ, idɔ éxé ezɔn eyɔ lowa kpoun. ¹⁸ Ale lomukɔ emɔ ɖe emɛ na nɛnyifan i jla ewɛnɖagbɛ na emɛ vɔvɔ gbɛ igo zan ewɛnɖagbɛ jlatɔ e acɛ le ɔ, vivi éxé i mɔ ɖemɛn ɔ eyi wa un ale. ¹⁹ Unɖesi iɖe, go wa mɛti e kannumyɔn e, e ɖe etɔnɛ co , i mɔ yi unde lo bayi mɛtɛtɛ e kannumyɔn a lo dɔn mɛ susu lo wa Aklunɔ e mɔ ɔ ji kɛn i kpego ɖo ɔ. ²⁰ Gan éxémɛ nɔ wadɔn ɖe Jwifu lɛ e cɛncɛn ɔ, i zan e gbɛ ɖi Jwifu lɛ mɔɖe na lo kpego lo dwɛn ; go ɖe Moyizi esɛn ɔ gun e, co gan éxé mɛ lo wa dɔn ɖe mɛ exe ɖe Moyizi esɛn lɛ gun lɛ cɛncɛn ɔ, i zan egbɛ ɖi emɛ éxé ɖe esɛn ɔ gun mɔɖe na lo tɛn kpego lo dwɛn. ²¹ Etɔnɛ ke ɔ, ganéxémɛ iɖe emɛ éxé go nyɔ Moyizi sɛn lɛ cɛncɛn ɔ, go yi MOYIZI sɛn lɔ lo wa dɔn e, i zan egbɛ ɖi eylɛ ha na lo tɛn kpego lo dwɛn; enɛ go nɛ nyi fan ivɛtoli na Mawu sɛn ɔ e; Ɖo Klisu esɛn ɔ gun iɖe. ²² Ɖe emɛ éxé go ɖo gan ɖe inuɖiɖi mɛ lɛ cɛncɛn ɔ i zan egbɛ ɖi emɛ éxé go igan mɔɖe na lo tɛn kpego lo dwɛn. Gan enɛmɛ ɔ i yi unɖe lo bayi nutɛtɛ na mɛtɛtɛ, na lo tɛn kpego lo hwlɛn mɛɖetɔlɛ gan zɔ olɔkpa lɛ tɛtɛ mɛ. ²³ Ewɛnɖagbɛ lɔ wutu lo nɔ bayi inu enɛ lɛ tɛtɛ; na lo tɛn kpego lo ɖo mima ɖe ɖagbɛ exé ɖe wɛndagbɛ lɔ mɛ mɛ. ²⁴ Dandan ɔ, mi nyɔ fan emɛ éxé nɔ do agba hwinhwlɛn e wezun lɛ ɔ, yɛmɛn tɛtɛ enɔ do wesu vɔ emɛ lokpo gé cɛn na ɖu ɖeji? Hun mi mɔ dowezun kɛn mi wa tɛn kpego do mɔ ɖuɖeji. ²⁵ Agbazamɛ e hihlɔn dɔn kplɔntɔ lɛ tɛtɛ ɔ, nɛ enɔ kplɔn agbazamɛ e hihlɔn e do sɛn vivɛ ɖehwlɛn na eɖe , e bayi etɔnɛ nɛ lo mɔ ɖuɖeji e gba éxé go dɔji e lokpo loyi ; vɔ myɛlɛ ɔ, mi bayi etɔnɛ ami lo mɔ ɖuɖeji gba lokpo exé nawa kaka losɔn lokpo yi. ²⁶ Enɛ wutu gan éxé mɛ lo do wezun ɔ , un okun ɖe hie lo sɔn ɔ ji. Enɛ wutu ilo ci ɖi okɔn duntɔ éxé go nɔ dun okɔn do jɛ hɔnmɛ ha mɔɖe. ²⁷ I do tagba na un agbaza tete mɔ hɛn sinsiɛn, nɛ gan éxé mɛ wa lɔ Mawuxo na mɛbu lɛ egodo Mawu ni ma we gbɛɛ e.