¹ Nuɖuɖu exe ye yi lo savɔ na yɛhwe lɛ ɔ go mi la lɔ xo do. mi nyɔ fan mi ɛ mɛmɛ tɛtɛ e nyɔ nu. vɔ ɔ nu exe mi nyɔ ɔ na goyiyi gbɛtɔ do ayi mɛ. wanyiyi zɔn mi mɔ sɔn unkɔn. ² mɛ exe e mɔ fan eyɛ nyɔ nu lele ɔ go nyɔ nu lɔ kɛn e ɖo a nyɔ ɛn ɖo e. ³ vɔ ɔ mɛ exe nyiwan na mawu ɔ, mawu nyɔ ɛn. ⁴ Hun nu exe kan nuɖuɖu exe ye lo savɔ nayɛhwe lɛɛ ɖuɖu ɔ, mi nyɔ ganji fan yɛhwe lele go ɖe gbɛ ɔ mɛ e. mi nyɔ ganji fan mawu lopkonɔ eɖe. ⁵ nɛ e tan nyi fan nu susu ɖe jihwle gɔ awlangoji mɛ lɛ mɔ ylɔ fan mawu ɔ, hun mawu susu eɖe , hwlɛngan tɔ susu mɔ ɖe we nɛ an. ⁶ vɔ ɔ mawu lokpo eɖe na mi ɛ lɛɛ. eyɔ ewa mɛ exe bayi nutɛtɛ ɔ. eyɔ mi ɖe gbɛ na. hwlɛngantɔ lokpo eɖe eyi e wa jesu klisu exe ji ye bayi nutɛtɛ zɔn. ⁷ Vɔ ɔ mɛtɛtɛ o mɔ kunu jɛ xo nugbo enɛ go e. exe yɛhwe sinsɛn ɖe jijɔ mɛ na mɛ nɛ hlɛn lɛɛ, gbɔn lo jɛ tɛn ɔ, ye kpo nɔ ɖu nu e nɛ lɛ ɖi kɛn yɛhwe lɛɛ etɔn ewa nuɖuɖu ɔ. ye ayi exe o ɖo hihlɔn e le ɔ mɔ lɔ nɛ fan ye go nyi mɛ kinkɔn e. ⁸ Co ego wa nuɖuɖu e zɔn mi lo gogo mawu e. nɛ fan mi o ɖu ele ɔ, nuti o gu mi e. mi gɔ ɖu ɔ, ale ti go ɖe emɛ na mi e. ⁹ vɔ ɔ mi cɔ mi ɖe na miɖe si exe mi jɛ ɔ, ni ma na na mi dɔn mɛ exe o ɖo hinhlɔn ɖe ayi mɛ lɛɛ do nu nyiylan mɛ e. ¹⁰ xo nugbo ɔ, nɛ mɛ exe o siɛn ɖe ayi mɛ e nɔ mɔ mi ɛ mɛ exe efan eyɛ yɔn nu lɛɛ nɔ ɖunu ɖe yɛhwe sin ɔ e la na okɔn kpikpan wi ye mɔ nɔ ɖunu exe ye yi lo savɔ na yɛhwe lɛɛ. ¹¹ Eɖe etɔnɛ ɔ, nɔvi exe ɖinu na klisu enɛ la dɔn mɛ ɖetɔlɔ do hwɛ mɛ na e nu nyi yɔn wutu. ¹² nɛ fan mi hu hwɛ do mi nɔvi lɛɛ etɔnɛɔ, mi nɔ do abi ye ayi exe o ɖo hinhlɔn ele ɔ. klisu tete mi hu ehwɛ do. enɛ wutu ɔ, ¹³ nɛ nyi fan nuɖuɖu ela zɔn un nɔvi mɔ jɛ hwɛmɛ ɔ, go na gɔ ɖu lan gble. ni ma lo sin un go un nɔvi mɔ jɛ hwɛ mɛ e.