¹ Tɛn ɔ inu exe mi kanse un ɖe wema exe mi wlan lo hlan un ɔ mɛ ɔ mi la kɛbɛ dego. o jɔhun fan isru la ɖo xo gɔ nyɔsi e, ² eɖe etɔnɛ co, nɔ mawe lɔ oga e wutu ɔ, nɛ sru lokpo lokpo ɖo nyɔn eyɔ tete etɔn ɔ, nyɔsi lokpo lokpo mɔ ɖo esu ɔ e nyɔ hu. sru lɔ ɖo a wa osu dɔn na esi. etɔ nɛ ke ɔ nyɔsi ɔ fe ɖoa wa osi dɔn na esu. ³ sru lɔ ɖoa wa osu dɔn na esi, etɔnɛ ke ɔ, nyɔsi ɔ fe ɖoa wa osi dɔn na esu. nyɔsi ɔ go ɖo acɛ do agbaza e yɔ tete etɔn go e, e agbaza ɔ, esu etɔn nɛ, ⁴ etɔnɛ ke ɔ, sru lɔ fe oɖo acɛ do e agbaza go e, e agbaza ɔ, esi etɔn nɛ. ⁵ mi ma gbɛ xɔ na miɖe e, afi nɛ mi ɖo gbe kpɔɛ maan nɔ etɔnɛ jɛ gan nɛ hwlɛn mɛ, ⁶ mɔ tɛn un kpego lo kpe okun do ɖɛxixo go, vɔ nɛ gan ɔ mɛ we nya ɔ, mi la gɔ bɛ osu gɔ osi e gbɛ kɛn ejɛ ɖo ɔ,ma nɛ ɔ mi ɖeji ɖuɖe la we glo, satan mɔ tɛn mi kpɔn. ⁷ inu enɛ exe ilɔ na mi ɔ, isɛn go nɛ i mɔ do na mi e, kɛn e ɖeɖo ɖe ɖo na nyɔ ɔ eyi ilɔ na mi, ⁸ xonugbo ɔ, ijlo fan mɛtɛtɛ ni ci nyɔ ha vɔ ɔ, nu nina hamɛ hamɛ nɛ ixo exe nɔ lɔ na emɛ exe go ɖe nyɔn alɔ osu gba ele ɔ, gɔ osukusi lɛ ɔ we, e jɔ hun fan na mi kkpoɖe mi ɛ lɛ tete lokpo nɔ, inyɔn ha mɔ ɖe. ⁹ vɔ ɔ, nɛ mi okpego a ɖuɖe mi ɖeji ele ɔ, mi ɖe nyɔ alo mi ɖe osu. nɛ mi ɖe nyɔ alo osu ɔ, ejɔhun hu fan ami nɔ etɔnɛ, nɛ nyɔsi dindin alo osu din din ezo ni nɔ hun ɖe lan mɛ na mi ezo mɔɖe. ¹⁰ Esɛn exe nɔ do na osu gɔ osi lɛ ɔ we, nyɔsi exe ɖe osu ɔ o ɖo a jo esu do e gbɛ sru lele oɖo a gbɛ esi e, ¹¹ inyɔn tete go nɛ do isɛn enɛ e vɔ ɔ, aklunɔ tete eyi edo, nɛ nyɔsi ɔ we do osu do ɔ, ni ma gɔ vɔ osu bu ɖe e, alo ni do hwɛ gbɔ gɔ esu ¹² mɛɖetɔlɛ ɔ, inu exe nɔ lɔ nɛ ɔ, we: nyɔn tete eyi enɔ lɔ, nɛ sunu exe ɖinu na klisu ɔ lele ɖo nyɔn exe o ɖinu na mawu eleɔ, nyɔsi ɔ mɔ yigbe ma nɔ kpɔ ɛ gɔ di ɔ, ¹³ sru lɔ oɖo a nyɛn e. etɔnɛ lokpo ɔ, nɛ nyɔsi exe ɖinu na mawu ɔ, lele ɖe osu exe oɖinu na mawu eleɔ sunu lɔ mɔ yigbe ma nɔ kpɔɛ gɔdi ɔ, nyɔnsi ɔ o ɖo a nyɛ e. xonugbo ɔ, sunu exe go ɖinu na klisu ele ɔ. ¹⁴ nyi emɛ ɖe do vo na mawu. ɖo kpɔɛ exe eyɔ gɔ esi ɖe ɔ wutu. etɔnɛ lokpo ɔ, nyɔnsi ɖe osu xwɛ, exe go ɖinu na klisu e le ɔ nyi emɛɖeɖovo mawu etɔn, ɖo kpɔɛ exe eyɔ gɔ esu ɖe ɔ wutu, nɛ inu go nyi etɔnɛ eleɔ, e la mɔ e vi kpɛlɛ lomɔ emɛ makɔn co emɛ kinkɔn e mɔ nyi ¹⁵ Eɖe etɔnɛ co, nɛ mɛ exe go ɖinu na klisu ele ɔ, jlo a klan gɔdo emɛ exe go ɖinu na klisu eleɔ, ni joe do ni sɔn. nɛ inu ci etɔnɛ ɔ, hun osisunɔ alo nyɔsi ɖe osuxwɛ enɛ exe ɖinu na klisu ɔ jɛ eɖe si. ¹⁶ ɖo mi la mɔ fifa eyi e wanu mawu lo ylɔmi. oyɔ nyɔsi exe ɖinu na aklunɔ ɔ, onyɔn na e la hwlɛn isu gan, alo oyɔ sru exe ɖinu na mawu ɔ, onyɔ na ola hlɛn isi gan? ¹⁷ Nu exe nɛ kpoun ɔ, mɛ lokpolokpo ɖo azan egbɛ emɔ sɔgbe gɔ nunina exe aklunɔ ni ɔ, emɔ sɔgbe gɔ kɛn e mɔ ɖeɖo feto mawu lo ylɔ ɔ, ¹⁸ isɛn exe i ɖo awan ɖe ogun lɛ tɛtɛ mɛ ɔ wenɛ, nɛ emɛ lele mɔ gbo ada feto mawu lo ylɔ ɛ ɔ,ni ma gɔ din a kɔ eɖe ittrɔzu mɛ exe o gbo ada e. nɛ mɛ lele o gbo ada ele ɔ, o ɖo asɔn la gbo ada e. egbo ada alo o gbo ada ele ɔ, go nɛ eɖe ¹⁹ takun e. inu exe ɖe takun ɔ, eyi enyi nɛ se tonu na mawu esɛn. ²⁰ Mɛ lokpolokpo ɖoa nɔ kɛn eɖe ɖo gan exe mɛ mawu ylɔ ɛ ɔ, nɛ kan numiɔ o nyi gan exe mɛ mawu ylɔɛ ɔ, ²¹ cicuɔ ni ma hui e. ɖo nɛ emɔ lele we hun nɛ o mɔ jɛ iɖe si ɔ, ɖebla. ²² ɖo emɛ exe nyi kan numiɔ mawu ²³ mɔ ylɔɛ ɔ, nyi emɛ exe jɛ eɖe si ɔ, mɔ ɖe aklunɔ e acɛmɛ ɔ, etɔnɛke ɔ, emɛ exe ɖe eɖe si ɔ, klisu mɔ ylɔ ɛ ɔ nyi klisu e kan nu miɔ, oxi vɛnu eyi mawu xɔ mi mɔ su axɔ. hun mi bo ma trɔzun gbɛtɔ lɛ e kan nu niɔ e. ²⁴ xonugbonɛ nɔvi lɛ mi, mɛ lokpolokpo ɖoa nɔ ninɔ mɛ exe eɖe mawu lo ylɔ ɛ ɔ, ɖe mawu e unkɔn. emɛ exe go ɖo nyɔn alo osu e lɛ gɔ osukusi lɛɛ. ²⁵ inu exe kan emɛ exe go ɖe nyɔn alo osu lɛ eleɔ, akluno o lɔ xo ti dego na e. ²⁶ vɔ nyɔn mɛ exe aklunɔ bayi ehɛn ɔ e la ɖeji dego ɔ, zɔn odɔmɛ yɔn ɛn etɔmɛ ɔ, alɔ inu exe i lin dego ɔ na mi. ɖo vivɛ mi mɔ exe ɖe tɛn ɔ wutu ɔ, ejɔhun fan gbɛtɔ ni nɔ kɛn eɖe ɖo ɔ, ²⁷ inyɔ eyi oɖo ɔ, ma din a klan gɔ di e, nɛ o go ɖo inyɔn ele ɔ, ma din a ɖe e, e ɖe etɔnɛ co, mɛ exe ɖe nyɔ ɔ ohu hwɛ e. nɛ tugbejɛ lele ɖe osu ɔ, o hu hwɛ e. ²⁸ vɔ ɔ, emɛ exe ɖe nyɔ alo osu ɔ, emɔ vivɛ ɖe gbɛ exe ye zan okun kɛn gbe okun kɛn gbe ɔ mɛ, gbɛ igo jlo fan ami mɔ vivɛ e. ²⁹ Nɔvi lɛ mi inu exe nɔ lɔ, mɔ lo lɔ etɔnɛ ɔ we, ganmɛ vile eyi e kpo bɛ ɖe tɛn , emɛ exe ɖe nyɔ lɛ ni zan egbɛ me exe go ɖo nyɔ e hamɔ ɖe. mɛ exe nɔ vi avi lɛ ni ci emɛ exe go nɔ vi avi e mɔ ɖe. ³⁰ mɛ exe nɔ mɔ jijɔɛ lɛ ni ci emɛ exe go nɔ mɔ jijɔɛ e mɔ ɖe. emɛ exe nɔ xonu lɛ ni ci inu exe enɔ xɔ lɛ go ɖe yesi e mɔ ɖe. ³¹ emɛ exe nɔ zan gbɛmɛ xie e dɔkun lɛ ni ciɖi ye go nɔ zan nu lele mɔ ɖe.ɖo tito egbɛ exe tɔn lɛ nɔ trɔ. ³² i jlo fan na mi ma bu nuti kpɔn e, emɛ exe go ɖo inyɔn ele ɔ, mawu enu lɛ go ekpe okun do. i din a jɔ hun ɖe mawu si. vɔ ɔ, emɛ exe ɖe nyɔn ɔ kpe okun do gbɛmɛ xie enu lɛ go. ³³ edin a jɔ hun ɖe esi si. enɛ ɔ inu owe go wenɛ enɔ kpeokun do. etɔnɛ ke ɔ, nyɔnsi exe go ɖo osu e mɔ wa tugbejɛ ɔ, mawu enu lɛ go e kpe okun do.edin a nyi mawu etɔn ɖe agbaza gɔ yɛ mɛ. ³⁴ vɔ ɔ, nyɔnsi exe ɖo osu ɔ, gbɛmɛ xie enu lɛ go e kpe okun do. edin a jɔ hun ɖe esu kɛ. ³⁵ mi ɖagbɛ wutu i lo lɔ etɔnɛ, etɔnɛ jɛn mi wa bayi ɖo eyi ezɔn ilo lɔ etɔnɛ. i din fan ami zan mi egbɛ kɛn ejɛ ɖo ɔ mɔ bi do mawu edɔn go. ³⁶ la lɔ xo do sunu exe ɖo hwannyi nyɔnsi alo nyɔsi exe ɖo hwanyi sru ɔ, nɛ sru ɔ mɔ fan eyɛ e ninɔmɛ lohlan nyɔsi ɔ kɛ osɔgbe eleɔ, jlo agbaza etɔn mɔ nɔ ³⁷ ɖuɖeji mɔ mɔ fan ye na ɖe yeɖe lɛ ɔ, nɛ bo ɖe ye ɖe. ewa ehwɛ e. vɔ ɔ nɛ sru ɔ kpɔn eɖe mɛ mɔ mɔ fan ye go na ɖe ye ɖe ele ɔ, gbɛ ego dolɔ nyɔsi ɔ go ele ɔ,nu ³⁸ mɛmɛyi nɛ. emɛ exe go ɖe ehwanyi nyɔsi go mɛ exe ɖe ɔ o jɛ ogɔ ti e. ³⁹ nyɔnsi exe ɖe osu mɔ ɖe kpɔɛ gɔ di gbɔn lo jɛ gan exe mɛ sru ɔ la ku ɔ, e hɛn ɔ ela ɖe emɛ exe jlo e ɔ. ⁴⁰ nɛ mɔ tɛn un kpego lo ɖe yeɖe ɖe klisu mɛ. eɖe etɔnɛ co nɛ e nɔ osu ma ɖe ɔ, ela mɔ jijuɛ hugan. kɛn imɔ ɖo ɔ wenɛ. mɔ nyɔ fan iɖo mawu eyɛ.