¹ Mi wu nu inyɔ ha, kɛn nyɔ fe wa nu ɖi Klisu ha ɖo ɔ. ² I kpa mi , ɖo mi flin un ɖe nu tɛtɛ mɛ, mi xwedo un nu kplɔn emɛ lɛɛ. ³ E ɖe etɔnɛ co ɔ, i jlo fan a mi mɔ okun jɛ inu éxé lɛɛ go: Klisu nyɔ e ga na islun lɛɛ tɛtɛ, osu mɔ nyin iga na esi , vɔ , Mawu nyi iga na Klisu. ⁴ Hun enyi islun lele ze inu do takun gan éxé mɛ nɛ e nɔ xo eɖɛ ɔ alo gan éxé mɛ e nɔ lɔ xo mawu etɔn ɔ, Klisu e nɔ ɖekpo. ⁵ Vɔ nɛ nyɔsi lele ɖe nu ɖe takun gan éxé mɛ e nɔ xo eɖɛ alo gan éxé mɛ e nɔ lɔ Mawuxo do ɔ, esu enɔ ɖekpo. ⁶ Ɖo nɛnyifan nyɔsi lele go na cɔn nu takun le ɔ, ni mɔ kpa ɖa alo ni xwlɛ takun. Vɔ nɛnyifan enyi inya na nyɔsi lele fan ela kpa ɖa alo ela xwlɛ takun ɔ, ni mɔ cɔn nu takun. ⁷ O byɔ fan islun ni yi inu lo cɔn takun e, ɖo ɖiɖe Mawu etɔngɔdo susu Mawu etɔn enyi. ⁸ Ɖe xonugbo mɛɔ, e go nyi nyɔsi go e ɖe islun ɖe e, vɔ, islun go e ɖe nyɔsi ɖe ⁹ Mawu go bayi islun na nyɔsi e, vɔ , nyɔsi Mawu bayi na islun. ¹⁰ Enɛ wutuɔ, nyɔsi exe ɖe osuxwɛɔ, ɖexlɛ éxé fan e ɖe esu acɛ mɛ ɔ, ɖo a mɔ takun mi o, na e wɛnsagun lɛɛ wutu. ¹¹ E ɖe etɔnɛ co ɔ, lo zɔn kpwɛ éxé miɖe ɖe Mawu mɛ wutu ɔ, nyɔsi go ɖe islun mɛvo e, gbɛ islun go ɖe nyɔsi mɛvo e. ¹² Exé e ɖe nyɔsi sɛ ɖe islun go ɔ, co nyɔsi mɔ ji islun. Mawu e bayi inu tɛtɛ ¹³ Miɛlɛ tete ɔ, mi bu ego kpɔn fan e jɔhun nyɔsi la nɔ takun vɔvɔ gan éxé mɛ enɔ lɔ xo gɔ Mawu? ¹⁴ E gbɛ lɔ tete mɔ kplɔn mi fan nɛ iɖa su ɖe takun na islun ɔ, inya nu enyi ni. ¹⁵ Vɔɔ, iɖa su ɖe takun na nyɔsi ɔ, ocɔnu e nyi ni; ɖe xojɔxo mɛ ɔ, Mawu na iɖa zaa nyɔsi, nɛ iɖa lɔ ni lo cɔn takun ni. ¹⁶ Vɔ, emɛ lele nɔ jlo la dɔnnu na ixo enɛ lɛɛ ɔ, inu lokpo éxé e wa nyɔ ɔ enyi fan: miɛlɛ go ɖo walɔ bu e; gbɛ agun Mawu etɔn lɛɛ fe go ɖo walɔ bue ¹⁷ I go kpego a kafu wu mi ɖe ixo éxé go ina kɛbɛ do na mi tɛn lɛ e, ɖo bɔ éxé mi bɔ lɛɛ gɔ wa nu nyinylan na mi can ɔ, hun inu mɛmɛyi enyi. ¹⁸ Jɛ owunkɔn , ise fan nɛ ogun ɔ bɔ, egbɛbibɔ nɛhwlɛn lɛ ɖe mi mɛ e gbe go ɖe kpwɔ e i mɔ kandeji vile. ¹⁹ Kinklan go ɖo wa mi cɛncɛn e, nɛ lo nyɔ mɛ éxé nu wiwa Mawu yigbe lɛ ²⁰ Nɛ mi bɔ ɔ ego wa mawu e nuɖuɖu mi ɖu e, xonugbo ɔ, gbɔn mi wa jɛ inuɖuɖu kɔn ɔ, emɛlokpo lokpo hwlɛdo eyɔ tete e nuɖuɖu mɔɖu ; ²¹ gan éxé mɛ xovɛ ɖe mɛ ɖehwlɛ citɔn ɔ mɛɖehwlɛn lɛ nɔ ahan nutɔn gbɔn mɔ mu. ²² Amu! mi go ɖo sin ma ɖunu mɔ nu ahan ɖemɛ alo mi gbɛwan na ogun Mawu etɔn nɛ? Mi jlo a donya emɛ éxé go ɖo inuti lɛ nɛ? Amu miɖete kpɔn fan lɔ na mi? Na kpgbe na mi nɛ? Ooo! i go kpego e. ²³ Ɖo inu éxé aklunɔ kpɔn mi i mɔ kplɔn mi ɔ we: "aklunɔ Yesu ɔ izan éxé mɛ e kɔɛ ina, ²⁴ e yi kpɔnɔ hu hu mɔ do kpɛ na Mawu mɔ kan mɔ lɔ fan: "exé tɔ un agbaza exe wa mitɔn ɔ nɛ, mi la nɔ bayi etnɛ lo fliwun ²⁵ Etɔnɛ ke , exe eɖunu yɔɔ, e yi kɔfo exe mɛ vin ɖe ɔ, mɔ lɔ fan: " exe ɔ elɛnunu yɔyɔ Mawu etɔn e ofɔ un ehun yi ɖete. Nɛnyifan mi nɔ nu ganlele kpokpwe mɛ ɔ, mi nɔ fliwun. ²⁶ Xonugbo ɔ, gbɔɔn lo jɛ gan exe mɛMawu la wa ɔ, nɛ mi nɔ ɖu kpɔnnɔ éxé mɔ nɔnu ɖe kɔfo éxé mɛ gan lele kpo kpwe mɛ ɔ, ku éxé Aklunɔ ku mi nɔ jla. ²⁷ Enɛ wutu ɔ, nɛ mɛlele ɖu aklunɔ nɔ e kɔfoɔ alo enu do klunji ɔ , ogɔ ejɛ do aklunɔ e agbaz ɔ e hun go. ²⁸ Hun emɛ lokpo lokpo ni mɔ keje eɖemɛ kpɔn, feto loɖu kpɔnnɔ exe, alo feto lo nu ɖe kɔfo exe mɛ. ²⁹ Ɖo kpɔnnɔ ɔ gɔdo vin ɔ, mɛ lele go nyɔ inu exe ɖe eyɛlɛ gɔ agbaza klunɔ etɔn cɛncɛn e le ɔ, mɔ ɖu kpɔnnɔ mɔ nu ɖe kɔfolɔ mɛ ɔ, emɛ enɛ nɔdɔn kojo ɖo gɔ emɛ Mawutɔn do eɖe ji gan éxé mɛ enɔ ɖu mɔnɔ nu ɔ. ³⁰ Enɛ wutu ozɔntɔ susulo ɖe mi mɛ, mɛ susu mɔ zun sɛkunɔ. Mɛ nɛhwlɛn lɛ mɔ ku. ³¹ Enyi mi kije mymetetelɛ ayimɛ kpɔn, mi go na jɛ kojo ɖo na emɛ Mawu etɔn mɛ e. ³² Vɔɔ nɛ aklunɔ nɔ ɖo kojo gɔ miɔ, oto enɔ dɔn na mi, nɛ mawu ni ma we ɖo iku hwɛ na mi gɔ emɛ éxé nyi egbɛlɔ etɔn lɛ e. ³³ Enɛ ɔ, nɔvilɛ mi ; nɛ mi bɔ mɔ naɖu Aklunɔ e nuɖuɖu ɔ hun mi mɔ nɔte kpɔ miɖe. ³⁴ Nɛnyifan xovɛ ci emɛ lele ɔ hun ni ɖunu ɖe e osimɛ; ni ma dɔn ehwɛɖona emɛ Mawu etɔn do mi ji ɖe mi kojo lɛ mɛ e. Inu éxé kpo lɛ ɔ, nɛ mɔwa mi kɛ ɔ, la lɔ ɛ gbo.