¹ Tɛn ɔ nɔvi lɛ mi inu éxé kunkpla inu nina gbigbɔ kinkɔn etɔn lɛ ɔ, i jlo fan a mi mɔ kunnu jɛ go ganji . ² Mi nyɔ fan gan éxé mi go nyi Klisu sɛtɔ e le ɔ, yɛhw exe nyi nu o kpego a lɔxo lɛ kɔn inu ɔ dɔn mi lo sɔn , gbɛ mi go kpego lo glo e . ³ Eneɛ wutu ilo jlo fan na mi nyɔ ganji fan emɛ éxé mɛ gbigbɔ kinkɔn yi xo do ayimɛ na emɔ nɔ lɔ o kpego a lɔ Yesu ahéélu nɛn é. Nɛgbigbɔ kinkɔn go xo do ayimɛ na mɛlele lé ɔ, emɛ lɔ go kpego a lɔ yesu e wa aklunɔ é. ⁴ Nunina gbigbɔ kinkɔn etɔnlɛ ɔ, olɔkpa olɔkpa eɖe ⁵ vɔ gbigbɔ kinkɔn lokpo ɔ jɛn na emɛ. Mawu dɔn wiwa hamɛ hamɛ eɖe vɔ Aklunɔ lokpo ɔ enɔ bayi na. ⁶ Inu bibayi mawu etɔ olɔkpa olɔkpa eɖe; vɔ măwu lokpo ɔ jɛn nɔ bayi inu enɛ lɛ zɔn emɛ tetɛ mɛ. ⁷ Gbigbɔ kinkɔn yi e nunina lo ɖe eɖe mɛ lokpo lokpo e gbɛzanmɛ na ɖagbɛ emɛtɛtɛ etɔn. ⁸ Gbigbɔ kinkɔn na emɛ nɛhwlɛn e mɔ lɔxo gɔ inu nyinyɔn eyɔ lokpo ɔ ke e gɔ na emɛ bu emɔ lɔemɛéxé nyɔnu ɔ e xo ⁹ Gbigbɔ lokpo gée enɛ ke ena nuɖiɖi e mɛbu mɔ gɔ na acɛ éxé gbɔ ozɔn na emɛ ɔ emɛɖe. ¹⁰ Gbigbɔ acɛ na acɛ mɛbu emɔ lo jlɛnu, emɔ na mɛbu emɔ lɔ xo exe Mawu yi do nugbɛn ni fan nilɔ lɛ, e gɔ na emɛbu emɔ nyɔ gbigbɔ xonugbo tɔn ɖe gbigbɔ nyinylan lɛmɛ, emɔ gɔ na emɛbu emɔlɔxo do igbe olɔkpa olɔkpa lɛmɛ, emɔ gɔ na emɛ emɔ ɖe gbe enɛ lɛ mɛ. ¹¹ Gbigbɔ kinkɔn lokpo gée jɛn bayi inu enɛlɛ tɛtɛ.Ema nu nina lɛ na emɛ lokpo lokpwe kɛn e jlo e ɖo ɔ. ¹² Xonugbo ɔ, Klisu ciɖi agbaza lokpo géé ha, wujɔnu susu mɔɖe go. Wujɔnu susu eɖe agbaza enɛ go , co agbaza lokpo emɔ nyi. ¹³ myɛmɛ tɛtɛ ɔ, Jwifu gɔ emɛ éxé go nyi Jwifu , kannumyɔn gɔ emɛéxé ɖe eyɔ tetesi ɔ, mi ɛmɛ tɛtɛ eyi gbigbɔ kinkɔn lokpo lo lɛ yɛhwsin na nami lo nyi agbaza lokpo. Gigbɔ kinkɔn lokpo enɛ mimɛ tɛtɛ nu. ¹⁴ Wujɔnu lokpo géé go nɛn bay agbaza e. vɔɔ wujɔnu susu nɛ. ¹⁵ Nɛ afɔ lɔ fan éxé go wa olɔ e wutu , go wa agbaza etɔn e enɛ la zɔn emɔ gbɛ wutugonu agbazatɔn nyinyi? ¹⁶ Nɛnyi fan ot lɔfan éxé go wa okun e le ɔ go wa agbaza etɔn e, enɛ e wa zɔn emɔ lɔ fa go wa agbaza etɔn e. ¹⁷ Nɛ agbaza ɔ tɛtɛ okun enyi ɔ amu ewa setonu ɖo. Nɛ oto enyi ɔ, amu ewa senu e hwinhwɛn ɖo. ¹⁸ Xonugbo ɔ, mawu yi wutugonu lɛ lokpo lokpo yi ɖo agbaza go kɛn jlo ɖo ɔ. ¹⁹ Nɛ wutugonu lɛ tɛtɛ ɔ nu lokpo géé inyi ɔ, hun agbaza go na ɖée! ²⁰ Hun, wutugonu susu eɖe agbaza lokpo gée mɔ ɖe. ²¹ Enɛ wutu ɔ, okun go kpego a lɔ na olɔ fan enu go hu do eyɛ e, takun fe go kpego wa lɔ na ofɔ fan enu go hu do eyɛ e. ²² Hugan wu etɔnɛ ɔ, wutugonu agbazatɔn éxé e go mɔ fan ego ɖe hinhlɔn ti e le lɛ ɔ e go kpego wa ɖekpo e; exe mi go kiya na lɛ ɔ mi kpe okun do ego hugan wu ɖelɛ. Exé go jɔhun fan nɛ ylɔ enyikɔ vahun lɛ ɔ, ²³ e gɔ wli yɛyi nɛ hugan ɖelɛ tɛtɛ. exé vi kpikpɔn tewun ɖe mi agbaza go lɛ ɔ, mi go wli yɛyi nɛ etɔnɛ e. ²⁴ Mawu to agbaza ɔ zɔn olɔkpa nɛhwlɛn nɛ lo wli yɛyi agbazagonu exé yɛyi hwedo lɛ hugan ɖetɔlɛ tɛtɛ, ²⁵ Nɛkinklan ni ma nɔ agbaza ɔ mɛ e; vɔɔ wujɔnu olɔkpa olɔkpa lɛ tɛtɛ nikpe okun do eɖe go, zɔn agbaza lokpo ɔ mɛ. ²⁶ Nɛ agbaza ɔ e wutugonu nɛhwlɛn nɔse vivɛ ɔ, wutugonu kpɔtwɛ lɛ tɛtɛ e se vivɛ gɔdi; nɛ e wli yɛyi na lokpo ɔ, ɖelɛ tɛtɛ e mɔ jijwɛ gɔdii. ²⁷ Agbaza Klisu etɔn mi mɛ tɛtɛ nyi, myɛmɛ lokpo lokpwe mɔnyi wutugonu ɖe agbaza enɛ go. ²⁸ Ɖe ogun ɔ mɛ ɔ, mawu to emɛɖoloxlan lɛ jɛ nukɔn, ixoyilɔtɔ mawutɔn lɛ mɔ bɔɖeogo , inu kplɔn emɛtɔlɛ mɔ wa otɔn gɔ; enɛ e godo emɛ éxé jlɛ inu lɛ mɔ jɛ hinnɛ, emɛ éxé ɖo acɛ mɔ gbɔ ozɔn na emɛlɛ mɔ jɛ godo nɛ; emɛ éxé do olɔ wu emɛ lɛ gɔ ogun vi li kpɔntɔ lɛ, gɔ emɛ éxé na emɔ lɔxo do igbe olɔkpa olɔkpa mɛlɛ e jɛ egun. ²⁹ Mɛ tɛtɛ e nyi emɛ ɖoloxlan? Emɛtɛtɛ enyi ixi yi mɔlɔtɔ mawu etɔn? Mɛtɛtɛ enyi inu kplɔ emɛtɔ? Emɛtɛtɛ e ɖo acɛ éxé jlɛ inu ɔ? ³⁰ Emɛtɛtɛ e ɖo acɛ éxé gbɔ ozɔn na emɛ? Emɛ tɛtɛ elɔ xo do igbɛ olɔkpa olɔkpa mɛ? Emɛtɛtɛ e ɖe igbe enɛlɛ mɛ? ³¹ Enyi etɔnɛ ɔ, hun! inu nina éxé ɖe taji hugan wu ɖetɔlɛ tɛtɛ ɔ ni mɔnɔ bya okun na mi. Vɔɔ tɛn ɔ, la xlɛ imɔ éxé mi la zɔn lo kpe inu lɛtɛtɛ go ɔ wu mi.