¹ Nze muli, lie mama bwani mutini a osuisue nde. ² Banunu, baka yana, baya bawa liziri, ba ya bafunu, aya sa maba yaba mukio, munkara likunu mpe lika yabiyia. ³ Mubo, bakara babu ba nvu ntsee ntoo yeso baluru yana anka bara ba yaliwa liziri, ka kwo bu baya ofunu mamabi, akaka we ya engunfua maa, nde ayasuo mando mayana. ⁴ Ya obe osuo bana babakara libakunu balumi babie mpe ya bana ba biene. ⁵ Nde aka we esusuo mpe we fufunu, wu mubwe, aya yilu nzo ende, mpe aya ka we ya yiuu luo ala ba lumi ba bo boba yasa mubo kuobu mandu manziami akabe. ⁶ Mubo li yaba funu bana kuobu baka leme, ⁷ Mu bilo bibeso, nze tsuru yana mubi sali bibi bwe, yo bu nze ye tsuo, ma mbue mabio ya mutini like bio. ⁸ Tsua ntia eyana mpe ikaka ye mbi mundo nki muru nde eso emee amaru, kuobu malie nde mamabi mate nde. ⁹ Ba ngama aka we yuo luo le nfumu ande mubilo bibeso bo ba ya mukio mpe baka tsunu abo. ¹⁰ Boba kaka mibi, nde ayasa mamabwe mu okio ende, mubo nde ekio mali musue bio mundo e Nziami mpe we liwi mawama. ¹¹ Kuobu nfu e Nziami eyi ngha munkara mukiri mutsini. ¹² Bayi lilie ba saa ma mabi ya biseyi bibibi, balilie bo ba baluiluiri mutini bafi fini yana, mpe ku bwe muba nvuu baso ba. ¹³ Mundo bu bio ledeyi owuu kabu lesi mkou muli bo, mu afuru nde mubi see bende be Nziami eme wu mukuru Mfumu eme engui mawama Yesu klisto. ¹⁴ Yesu ya miwi nde ngako mundo bio kuobu ali sumu mu minsunu mime so mpe bio litsieme, mundo nde ngako, bara babwani mpe ba bakei ya mpuu bisali bibi bwe. ¹⁵ Lie mpe ka yabi yia mubi bilu besobi yilu yana ya bukuru, muru akao ta suo.