¹ Paul, muru esisia Nziami, mpe nsu e Yesu-klisto, mukui ba poni Nziami mpe ya oyiaba ibini ma bayu ma ibini ma makuiu ya Nziami. ² Bo basui mukara mawama ma impini ebu Nziami, anfunfuru we a balie ba ina entama. ³ Mu ina emo, nde ya ngui mando mande mu nsamu nsia angie nde ebu me nsamu, mesa mutini atuini Nziami nviu e biu. ⁴ Ala Tite, muana eyana mu okui obiu baso, mawama mpe ya nvi ye efa ala tara Nziami mpe ala Yesu-klisto nviu ebiu. ⁵ Mu isa so kini, me esa siu ku Grec, ndoki nze sa yilu mando mobu abu mafi we kuobu nze sasa bankuru banzo Nziami mu mala momaso ma manene mutini osue me. ⁶ Mukuru nzo Nziami aka webu sa bamumono we ya mando mo mabi mpe aka ya mukara mumo, aka ya bana ba babue ba bakiu babu baka nkeme we mpe bakaka ebu liziri we. ⁷ Oke yana ndo nga e Nziami, ndobu nde ake kapin Nziami, webu sa balie mando mamabi mu munsui nde, nde asa kawe we yiyia mpuru kua kua mpe akaka ya munsui ngo, akaka we nsunsunu ya bara akaka nga su, akaka ngansua wewu bilo motini wu mubi. ⁸ Nde aka we yiyia bara, mbuimi bara ba yana, nde aka muru we nvi muru eyana, muru ebu asisa we mando mabi mpe eka mike nde ngako. ⁹ Nde aka ya mando ma ibini alue nde, kuobu nde aka we awa nfu ala ba bake maluo ma mabue mpe ya osuo ala ba mema. ¹⁰ Ndobu eni bara tse banga munsui nfu, akaka bara ba bayibi ( kokata ngenga) obi obo mpama ba bibi ibi ibi, bo ba wiu mpe ba bibiri bara munzi embi. ¹¹ Ike yiane kabi ibi ibi, bo balu luo mabu bo ilo imo babo kiowe bo basuisio mo makie mu makana momaso. ¹² Mumo mukara bo, bo enga makani ya lie: biene bara ba bula Cretois, like bara banga mampia nsu loleso, bara babi mpe ba niana babi ba musuru bara ba ngansua babo bame kunu kunu isa. ¹³ Mamana make ma ibini, balie munfu kuobu bo baka ya okiu. ¹⁴ Bo bayu yu we mankumu ma ba Juda ya miki mi ba boo ma mema ma balie ma ibini. ¹⁵ Babake ba babue, ala ba bake yana, momaso make yana, muli ala bara babi mpe baba wene okiu nsa ilo imo ki bue kiowe mpe lifunu lebo lilibi kuobu maba fufunu bo yiaba bo make manfa. ¹⁶ Bo balilie ibini ebu bangabi Nziami kuobu ma sisa bo make motini mokimi, bo bake bara ba mbini mpe ba keke we, bo bokuku we ossa mando mabue.