¹ Bayu bu bobasuru ala ba nka mpiri ya bakuru babo, ya bawa liziri mpe baka akuakua ya bisia bebo bibue. ² Bayubu mundo olie bara, lima onsunu, liyata mumbu esisi bambuini mpe le misuiru ala bara bobaso. ³ Ndobu biu mpe, biu lekeke mbala etere mutsu ngu mpe we mu maluo, biu ike lekiao mpe ike leyasa bisale bi mutini a mutini mpe ya bise, biu ike yasa mabi eke lekunu, biu le keke kayano we biu eke liba nkuini we, ibiu ibiu. ⁴ Mulibu mambue ma Nziami ya mabue Nziami likunu lika ala bara. ⁵ Ndeke liwi mawama, mundo bisali bi bue lesasa biu mungebe nde, ya liwi mawama ku ba libuero ya libuiri mbala nkimi ensuo e Nziami. ⁶ Nziami ya same tsée ensui Nziami, angia biu kuke Yesu-klisto we wa mawama. ⁷ Nde ake wu mubue, ngebe ake yo tshe biu ya liyu bana bankunu, ndo lesi mukuo mu mawama ma impini. ⁸ Nsia eso ewini yimbue, biu lesi yana yana ma mati bilo beso bini, akiana baba kiu Nziami osa mambue mpe sa motini ba oswe, yasa bisali bibue bisia kuke biene, mundo bara bobaso. ⁹ Likasa mikeme mibowe, mpe likaka ya inko mame mangili, mando mapama mamabi. ¹⁰ Kiao akuame, ya malie ye tere ya ye wee muru ndeso alika ba we muke mbiene. ¹¹ Mpe ya ba muru ndeso ebika munze akunu asa masumu afunu nde ngako. ¹² Yabu mekuini otunu aArtémas, to esia, mu bisia bebo baya furu ala Nicopolis, meke ngilu mundo aluru mundo mudi. ¹³ Bisia bende bi wio oke Zénas, wu yiabi mikii mpe Apollos, motini bu kiyai. ¹⁴ Bara ba biu ba yiyu bisia bibue bibeku mupiao ebo ye kua kua mando mamabi , ma kua kua. ¹⁵ Bara bobaso bakei ya me mebawa mbuere, bawa mbuere bake ya ukiu, ngebe Nziami ka ya biene.