¹ Angiako, me ya muene yu ilimi kinene mpe kie ise tsee. Eke eni bantumu nsiamu mpe ya muene mabie nsiamo ma mani masue mabie ma nto, mabie maso nkene e Nziame eka ko bunu. ² Me ya muene anka nzia. Ya ingie anka intia ebu elieme mba. Mpe ankua nzia yenene eso, bôo eke bansubu bôo ba biao eso e niama mpe ilimi ende, mulibu mutaa enkumu ebôo esue bo bakuare mi para ya banvi nvi awi e Nziame banduiri ankua ankua e nzia. ³ Bôo eke bata bisiama be Moïse, muru isia e Nziame mpe isiama e mwana imeme : "Bisa benze bike binene mpe bibue tsee ! Ho Mfumu Nziame e ngangu tse. Mando ma nze make yana mpe ma ibimi, Mfumu e mukiri nsini. ⁴ Na webu a bara we buomo nkumu nze Nziame mpe atuono we nkumu e nze ? Kuobu nze ngabuyu wuke wu mubue. Mukiri nsini bayiya mpe ya buene nze kuobu bisia benze bike yana mpe eke libi mono." ⁵ Angoe mando maso mana, me ya nti, mpe mbu eke yembue, yebu nzo odü bara bake ya mando mayana, eke ba fü okuyu. ⁶ Kumbu eyana, ya batuiu bantumu nsiamu ba kuari mabie nsiamu, Bôo eke ba buari bikoo bensieme mpe bekene, mpe ba buari mankia ma bibene be or mu makere ma bo. ⁷ Mu mo ebo mukara bara na ba mue ya bawi a la bantumu nsiamu, makobo nsiamu ma bibiene be or malui ya nkene enNziame tsee, maka lobo ya lobo nsu loleso nvu ya nvu. ⁸ nziame ye nene ya lui ya miyu me bo Mfumu bo Nziame mpe ya lama li bo Mfumu bo Nziame. Muru mumowe ekuiu osomo tü mu ma ebu mabie nsiamu mpe ba ntumu nsiamu ba luiri we.