¹ Me ya zuiu muru ebii karongu ifui mbu ye bu mambi mowe malie a la bantumu nsiame :"Liwe mpe linsamu bilimi nsiamu bike mukara kobu lekini e Nziame mumana mu." ² Ntumu wa tere we Nziame ya ya furu mpe ya wiri kobu lende mumana mpe; muli ma mbili ma mabi mpe mapuru tsee ya matuiu munduru bara bo baso ba bawe ilimi e niama mpe ba fu bueno itio be so. ³ Ntumu e Nziame we wie ya wiri kobo lie nde mungia ye nene; nzia eso ye nene madia yayu maki anka muru enfi mpe bilo bie beso be mue bikeke mungia eso ya binfi. ⁴ Ntumu e Nziame we turu ya wiri kobo lie nde munzia mpe ya minsui mi ba mue; mpe madia momaso ya mayu maki. ⁵ Me ya yu ntumu e Nziame we sisuiu mu madia elie : "Nze ke ibini, wukii mpe wekeki, wu wiene ya mambi nze wu yü insiri mifunu. ⁶ Ndo kuobu bôo ya wiri makü ma bara banze ba ba wiene ya mambi mpe ya bansu banze, nze ya bawi maki banua; ba bana bakiu ombo mufuru ebo." ⁷ Me ya yu ndo ya tuiu ambu ba wuwa mafuru ya ile kobo : "Ibini, Mfumu Nziame o nga mpini yeso, onsiri onze mando make ma ibini mpe yana." ⁸ Ntumu we nziane we bana ya wiri kobo lende mutu (Mui); mpe nde ya muwi nzi ye onsunu bara mba. Mpe bara ba bôo ya badiu munsuri lie oluru, mpe boo. ⁹ Mpe bôo yayu mu tama ya nkumu e Nziame wu ke ya bo Mfumu buyuo ma mpari momaso ya ba me oyilu miko mebo mpe ya ba me otuo Nziame. ¹⁰ Mpe ntumu e Nziame we tana ya wiri kobo lende a la niama mpe bo Mfumu bonse ebo ya buyu ya pibi. Mpe bara ya bayu munsua libimi mini mundo mpari. ¹¹ Mpe ya ba muene mpama a la Nziame wu oyu mundo epuru ma mambili ma bôo, mpe bôo ya bamu oyeo mambi mabo basisi. ¹² Ntumu e Nziame we somu ya wiri kobo lende mukara nzia ye nene, Euphrata muli mpe nzia ya wimi mundo ku ewa nzi a la ba nfumu ba fufa ku etutu mui. ¹³ Me ya muene binsui bituru bi bibi bi fafini ya mayunu mafi ku mungua eniama wu mubi ya bansu ba bali ba ngamampia. ¹⁴ Kuobu bike binsui bibibi bibe tita bi mpa bi mampia. Bio betu a la ba nfumu ba nene bake munsi ku banvu ku ba nvunu mundo manuana munsu li lenene le Nziame nganfu yeso. ¹⁵ "Tâa ! meya akaa mibi ! Ise eka tsee a la we bu ake eni makani, we eluilue bi kobo bende ndobu atuu nkuru mpe a kayu bo nfuru." ¹⁶ Binsui beso bini ya bi nvinu mpe ya binviu ba nfumu ba nsi mubu mo ba biu munua ebelo ARMAGUEDON. ¹⁷ Ntumu we Nziame we nsiame awiri kobo le mu bifuiu mpe muru mumo ngemi okara ngie yafi ku bo nfumu mukara nzo Nziame ye nene ya lie : "Ya kuiu kobunu." ¹⁸ Misene, ya bidumu be nvu, ya bipara mpe ya ninu ngu ngu tsee, mana ya ninu tse ebu bayake bara munsimu omana niu we ba baya siu bara munsimu, mpe oniu oso oke onene tse. ¹⁹ Bula bunene eke bukabi binsui bi turu mpe mala manene ya ma bubu. Mulibu, Nziame ya fini mando maluiri mubula bunene bo Babylone mpe ya wi mu bula boso kobo lilelui ya ya mâa makene ende. ²⁰ Mpe bisie binene bike ankara nzia ya bidini mpe malama le bu mono we. ²¹ Makuono manene ma nvu ya mafi ongia yu ya mayilo abara ba bôo mpe ya bayu mu olie mando ma mabi a la Nziame ndo nvu eso mukuano eke wu mubi.