¹ Angiako, me ya muene niama wu tuiu mukara nzia nde ake ya bibuo kuimi mpe ya minsui nsiame. Mukara ibuo imo imo ebuari mpu bonfumu kuimi mpe angia munsui mumo mumo bokami nku yi ota nvia a la Nziame. ² Niama eso emuemuene fiani anka ngo, bitime nde bifani anka bie kuo. Niama eso ebu eta eni buomo ya mowi bonfumu, mpe kiri ende ki bonfumu, mpe bokuru bonde bonfumu mfunu ndo ku adumu. ³ Munsui ende we niana eke mbili mo ye nene yi ka mudu, mbili ye nene eke bio ma wama. Mpe mana monsini ya mawiu ba luono niana. ⁴ Bo ya bayu mu bueno niama eso kuobu ndewi bokuru bo nde a la niama. Bo ba buene niama eso mpe bo balie kolo : "Nake anka niama eso ?" "Mpe na we bu si muyü manuana ?" ⁵ Niama a biao nzi olie mando manga lilini mpe ota nviao a la Nziame a bia bonfumu busa esia nvu turu andama. ⁶ Ya bü ota nviao a la Nziame mpe ye bonfumu Nziame; munzo asiu nde mpe ba bakaka ya nde oyu bata nviao a la Nziame. ⁷ A la niama ya ba muwi nzi owe manuama a la babue ba basamu Nziame kuobu bo babo eso. Bô ya biao bokuru bu mala momaso, bara bo baso, makana momaso, mpe munua ngini. ⁸ Mu mukiri nsini ba bara bo baso ya bayu musama a la nde, a la bara bo baso babu nkumu ebôo ba komi we, bâa ya bayilu mukiri, mukana we mawama, wuke a la mwana i mene wu badiu. ⁹ Webu eni mansi, ayu. ¹⁰ We bu a ke wu ba kuara, nde awe ku ba fu mu kuara; kire bu wu muke ake wu badu mobiele, nde ba mudu mu mbiele. Mamana make a la bara babue ba wene ya mbini baka ba kuru muko baka okui ma bamono bo. ¹¹ Angiako, me ya muene niama ya tuiu munana. Nde ake ya bibuo bie anka mwana imeme nde abibi anka niama eso ebu ota nde enibuomo. ¹² Nde ake ya bonfumu anka niama eso we tere ambu ake nde mpe esa momaso mumana mpe ba basiu mukiri ba mukiu a la niama eso mpe ba mutuono (Mulibu mbili ende ye linfu ya biao mawama.) ¹³ Nde eta bipa binene. Nde asuiri mba ye efa yu eya suru akara bara bobaso. ¹⁴ Mpe ya bilimi bi bawi nde nzi ebu nde asa, ya biao nzi anfuru mpia a la bara bake mu mukiri. Nde ya linzi asa ilo ifani anka likunu le niama we duia mubie muli we bu nde ta furu. ¹⁵ Angiako nde ya ba muwi nzi awa mawama a la tio kini luobu etio iba obi mpe ebo nzi yi owa linfu a la nde ndeso me wu tuono niama eso. ¹⁶ Ndo ya batuimi mu nfu yeso a la bara bobaso, a la bara bake ko bimu mpe ya babu nfu yo we, a la bara bake ya li bôo tse mpe mpe ya ba lawene ya libo, bangamu mpe ya bara ba yana, babo bilimi mukuo lebo li luimi tâ mumbu ebôo. ¹⁷ Nde mubo eke ka yana we yebu muru a la biao nzi yi otio to yi osumu kiri bu nde ilimi e niama kiowe, kifani mu muta enkuma ende. ¹⁸ Mando masomo ma suisue eka ya makani kuobu munu eke funu, nde atino mota eniama eso. Kuobu muta eso ake muru muta ende ake kamu-samu ya makuma asamu (666).