¹ Ilimi imo kinene ya tuiu oyu : mukara mimo e buari mui onka ikôo mpe eniari nsui onsi mi me nde; mpe mpu bo nfumu epari mü kumi a bue munsui ende. ² Nde akü ya yini mpe nde ebi okarangie mundo ebu nde ake ya misuo mi oburu. ³ Mpe ilimi kikimi ya tuiu oya : ta! eke eni mama munene we bu ota eni buono ake ebü we bu ake ya minsui nsiama mpe ya bibuo luimi, mpe nde ake ya bonfumu nsiama mu nsui ende. ⁴ Muki ende eke ekuomo ndamu yenene ya ba pari mui ba bake mukari yu mpe ya batibi munsi mukari mukiri niama eso wu muneme ebu eta emi buomo ensuibu anku mukara we bu eyu akua ku aburu mundo ku adia mwana mu ina ebu nde buiri mwana. ⁵ Nde aburu muana, mwana eso a ka we bôo, nde anka Mfumu e makana nsini nde a kuara munkôo wu ibene aluru abo mu nfu yeso. Nziame asini mwana eso mu bokuru mpe bo nfumu bonde ya musi akua kire ende ki bonfumu. ⁶ Mpe mukara wunu ya bari kunsio ebu madia mowe mpe bitiri biowe oko kui ayilu Nziame mbu ya muliu nde te munvuturu yandama. ⁷ Mulibu ma nuana ya matuiu ku yu. Micaël ya bantumu Nziame bo ya ba nuani ya niama eso wu muneme ebu ota nde enibuomo, mpe niana eso ya ba ntumu bonziame ya ba nuani manuana ma nfu na nfunu. ⁸ Muli niana eso ebu eta nde buomo ake ngowe. Mulibu, nde abu bowe mbu. ⁹ Niama eso wu munene ebu eta nde eni buomo, ntili ntama ba biu munfu tôo satana, nde we sama mando mabiu mukiri ndeso ya batimbi mu mukiri ya ba ntumu nde boboso. ¹⁰ Me ya ngyiu ndo mo ye nene fi oyu : "Mulibu Nziame ebu ya bio isa yasue nfu ende mpe ya bonfumu bo nde muli bokuru Kristo ya li bu muene. Kuobu we fufunu bandu ba biu ba bôo ya ba bo munsio, ndewe ba fifini pibi ya miu a la Nziame ebui. ¹¹ Ba ba biao isa mu makü ma mwana imene mpe ya mando ma olie ma ibini, kuobu bo ba kuini owa nduru ebo tu linfu ba bariwe buomo. ¹² Akiana, biene baso lika ya ese, biene balike oyu lika ya ise. Muli ngebe nse mu mukiri mpe ya nzia kuobu memfu esuiri ku like biene. Nde ake eni kini nse ndo kuobu nde yiabi ntôo eyu ye nfi. ¹³ Mu ina eso ebu niama eso wu munene ota nde eni buomo nde ya yiaba ya batibi mu mana, nde ya nami a la mukara we buiri muana ebôo. ¹⁴ Muli mukara ya ba biao mayao mue onka ma ngo mbimi, yao leke lenene ndo ku apumu ti onsio, ku bu yi bayilu mundo nde, kuobu nde aka ntama ya ntili oko ku ba mulie nde nvu turu ya ndama. ¹⁵ Muene ntili ya bi olu madia ku munua ende kuobu oyu anka nzia, mundo ku anama mukara mpe amobiri a la nde. ¹⁶ Mulibu mana ya mayi mayi nviu mukara mana ya mayi mayifiu madia ma eluiluie niama eso ebu eta enibuomo ma liutuiu ku munua nde. ¹⁷ Niama eso ya muyi nkeri nde ebuiri bana bande, bo ba baso ba kikiu ma luo ba Nziame, mpe ba ba luono mando ma Yesu. ¹⁸ Mulibu niama eso ya basiu musie like akua akua bu lengia.