¹ Angia ngoe ya bangui mutu mumo mukeke wu mule anka wu ba wiwanu biko, ya bandie kolo : "Tsubu nze, yü nzo Nziame enene mpe yü mesa ba wuwa ma bonza a la Nziame mpe ya ba bu bueno nde. ² Kuobu yeo lipôo le nzo Nziame ene kaliyu kuobu lo bawi a la ba Yuda, bara babu boyiabi (Ba santu) nvu turu abniari bu la bu bara ba babue (ba santu) nvu turu ya ndama. ³ Me ewa bu nfumu a la bara bue ba bake ambu ba balilie ma ibini bo ba buari ba ngou, a kiana bo ba nsama nsia oluru manfunu makumue a masamu." ⁴ Ba balilie ma ibini bake miti mie mi olue mpe oke ba munda bue ba bake anka Mfumu Nziame enga mukiri. ⁵ Kirebu muru mumo mponi osa ye mbi, mba etulu wu ku munua nde mpe baba wü nde badiu mba. Ndeso we ekunu osa nde yembi nde ba mudu kobunu. ⁶ Ba balilie ma ibini baka eni bo nfumu bu kuru yu, mundobu nvu akano mu ina ba nsiamu bôo nsia. Bo bake eni bo nfumu bu o bamu madio mpe mayu makü mpe ba biri mu mana mpe ba yuo mabie ma motini ya motini mukara mokiri me ntoo yeso ba kuini bo. ⁷ Mu ina ba mani bo olie ma ba muene bo, niama we tuiu mukara dunu ba kuiri binsui bi bibi be yiya be ya tiu mamuana. bo babo isa mpe ba ba dudu. ⁸ Nduru bôo bo yi bi biene esia onzi, (mpe isue mutini wu ba biu Sodom ya Egypte, oko kudiu Mfumu Yesu-Christu mu ekulusu. ⁹ Bo luiri mansu maturu ya ndama, bara bakimi mpe mu bara bo baso ba mukiri nsini, minua nsini, mpe mukiri ndeso ba yato nduru bo bibiene ba buari. Mpe bôo ba ku we odui bôo. ¹⁰ Bara bo baso ba mukiri baka ya tse mundo oso mpe ba tuono tse mpe ba bakabi bilo bi motini motini a la bôo ya bara ba bake, kuobu ba nsamu nsia baso bue ba yinsamu nsia yembi a la bake mu mukiri. ¹¹ Kuobu angoe mansu maturu ya nsama, muwumu we mue ya fi a la Nziame ya some mukara bo mpe ya some mukara mü mebo. Buomo bonfu na mfuna ya bu biao bobaso ba ba muene. ¹² Mu libôo ya yu ndo enfuna amfunu yayi tuiu kuyu yayi balie kobo : "Liyanana akia." Mpe bôo ya banemi uyu mukara bifui baba wii bôo bamono mpe bata. ¹³ Mu ntoo eso eke mana ya maninu tse mpe binsui kumi be ndama yi mokiri ya bidini. Ina eso eninu mukiri manfunu nsiamu ba bara eke banfii, ba basia ba mue ya bamuene ya bayu mutuono Nziame oyu. ¹⁴ Angia ngoe mpari ye wie ya luiri. ta, mpari ye turu eyia mpe ya fiere buke buke. ¹⁵ Muli, ntmu e Nziame we nsiama ya biri mupara mpe ndo enene ye nfuna nfuna ya tuiu kuyu mpe ya elie : "Bonfumu bu mukiri ya buyu bonfumu bo Nziame ebui mpe buo Kristo. nde a abo lama ntoo yeoso." ¹⁶ Muli bakuru ba nunu makumu a bana babu bake basiwu kiri ki bo nfumu anku e Nziame bo ya loe bosu ya basi munsi mpe bo ya bayu mu otuono Nziame. ¹⁷ Bôo ya bayu mu olie : "Biu ya li otueni, Mfumu Nziame wu oluru, nde wu ke mpe we kee kuobu bo kuru bo boso buke ya nze, mpe nze ya we bo nfumu bonze nze yasi ma makuiu mu bo Mfumu bonze boboso. ¹⁸ Bara ba mukiri ndeso eke bayi nkeni, muli nze ya basue nkene nze. Ina ya yitoe kie mana bo baso ba nsiamu mukiri, mpe ku bawa isa a bara ba banfi. Mpe ba furu a la bara banze ba bue, mpe ya bansu bo baso ba sisia isia nze, mpe ya bara bo baso ba basi makuini nze, nsa bara banene to bara mpama." ¹⁹ Mu ina eso nzo e Nziame eke ongie ya ba fü mpe ikene nge (Sanduku) ki ka bomo ya ba imuno mu nzo eso. Bipara, ya misene mi libâa nse, mpe mando ya matuiu, mpe mokiri ya ninu mpe nvu enga makuano ya nuiu.