¹ Akiana me ya muene ntumu mumo mukimi enga biya yafi oyu ya suru. Ebuari, ko ya yisuru ake eni mukana edi munsui ende, busu bondo bokene anka mui, mpe mü mando anka makuiu mamba. ² Nde e kuari mukana wu badi mpe wu bafi mukuonde mpe nde esi itime ende kie iluimi mukara nzia ye nene mpe itime ku ikia mukara mana. ³ Furu nde ya bü mukara ngie ankankuo we bibi ukarangie mpe ina a ngengeme nde, mu ina amani ongama bipara nsiama ya biu munka nsiama ya ongama nde. ⁴ Mu ina bi bi mpara nsiame ya ongamu onde, me ke ya nza okomo mukara mukana. ndu me ya ngiu ndo mo ofi ongie ayu ya lie : "Lue nda maso eyui ma mbili ba pari nsiamu. Wu ma komo mukara mukana." ⁵ Furu ntumu eso emuene me wunu ensuiri mukara nzia enene mpe mukara mana, ya nsuibu kuo lende li luini oyu. ⁶ Nde ya nsini Nziame mukunu e Nziame wuke impini impini, we kiri yu mpe biobeso bilimo mono, mukara mana, mpe bio beso bile mo mono mpe bibike munzia enene bie beso bi alue nde, mpe ntumu yalie : "Ntoo ebuka we. ⁷ Munsu lie nsiamu ebiri ntumu e Nziame mupara we nde, Nziame amama mando etui mutini alie nde ba nsamu a la basali ba ntumu ba Nziame." ⁸ I bü eyu me efui oyu endie kobo a la me : "Wu wu mukara badi fu wu oke oke okuo le ntumu Nziame wu nsuri mu nzia enene to mikiri." ⁹ Muli, me ya nguini anku e ntumu e Nziame mpe ya muli angua mukana eso wu muke muke badi. Nde ya ndie : "Wu mukana badi mpe dia onze. Mukana wunu aka enikia mudumu lenze muli mu mungua nze, aka ise tse mpe mungua nse anka buiu." ¹⁰ Me ya ngue mukana eso wu muke muke badi mpe ya ndi. Mukana eso ake ise tse mpe mungua aka buiu mu munua eme muli bu mani mbala mo mudia, ndumu ya liyu enikia. ¹¹ Angiako muru mumo andie a la me : "Nze nsamu nsia a l bara nse mukiri nsini, minua mimeso mpe ya ba nfumu ba nene."