¹ Kiri muli biene li wiu ya yesu-klisto liso bilo buku ngie, mpe yesu-klisto essue ku kuo kimulumi e nziame. ² Muli biene liya funu mando ma ungie lika fufunu mando mamu nsi. ³ Ndobu biene kei lifi, mpe mawama ma biene ekei babiu a la yesu-klisto ya nziame. ⁴ Tsulemono yesu, mawama ma biene, bama momono, biene mpe balimo mono mubu mfumu bo nde. ⁵ Muli lidiu ba mpio ba biene mamabi mamakii munsi, ifibi, mampia mampio mamabi, mpio enziame tsée, mpe lika sama bi tuo. ⁶ Mamana momaso ikii mando mamawu wa nziame mpuru mubara ba bamei yi yu maluo ma nde. ⁷ Biene mpe itere ekei lisa mando masomana ina lekii biene ya bo. ⁸ Mulibu limaru mu mando masomana liyo mpuru, lika kubu, lika tshubu, likatu manguo mo, lika bii mando mabu nfuru mpe maka yatu muminua me biene. ⁹ Lika nfuru mampia ibiu-ibiu, limaru mumando mantama ya bisia bi ntama. ¹⁰ Mpe biene lika ya mando mamayanu mabali sue ma ibini mu indii ende, mu indii kii bakiri mburu muyanu. ¹¹ Muli biu baso liyu mutini mumo, wukii grec we, wukii Juda we nsa ba muyebi, nsa webu ba muyibi we, nsa munzio, nsa mungama, nsa mburu iwu, muli biu baso yesu-klisto akii ya biu mpe ya bioeso. ¹² Muli nde tara nziame ya lipueni bara baba bue mpe ba kuini nde, liya kuru mikoo, lika ya ngebe, lika iviu ya mikoo me yana, mpe ya ukuru mikoo. ¹³ Liya kuru mikoo ibiene, lika ya ngebe ibiene ibiene. yabu wu muke ani mufuru ya ndu ende, a muyu ngebe mutini mumo ebu yesu eliyu ngebe. ¹⁴ Angia mando momaso, lika ya likunu,; likii iviu mumo maso mana likunu liluiri momaso. ¹⁵ Mpe mumomaso malekiri biene mando mpe mu bisia ba biene, lisa momaso mu nkumu emfumu yesu-klisto mpe lituono nziame tara. ¹⁶ Muli mando ma mfumu yesu-klisto ya libo bande ma ka ya biene, mpe ya bo muru bonde, liya iwa luo mpe liya nfu ibiene ibiene, mpe liya ta busiama, liya yimi, bisiama mpe bisiama bie tsée, mpe liya yimi tara mu mokoo wu yimi nde. ¹⁷ Muli mawama ma yesu-klisto maka mu mikoo me bie, mpe liwa matuono a la tara nziame. ¹⁸ Biene bakara liya ziri ba lume ba biene, mama kuiu anku tara nziame. ¹⁹ Biene ba boo liba kunu, a la bakiaba biene likaka ya mpuru a la bo. ²⁰ Bana, liwa liziri a la ba tara biene, ndoki yiyini yi buani a miu me tara nziame. ²¹ Biene ba tara lika basa a la bana mando mamabi mabu bana bakayiu ngebe mumikoo me boo. ²² Bangama (babla), liwa liziri a la ba mfumu ba biene mutini munduru mu mando momaso, ekaka ebu bo miu me bo a la biene anka bu basisa bara ba bu ba ba tuono, muli lika ya mikoo mi ibini me bara ba nziame. ²³ Momaso lekiri biene lisama mu mokoo yana ika ebu biene likiri a la mfumu nziame mpe ka a la bara we. ²⁴ Biene liyabu ebu ba firu a la mfumu nziame bilo bi elue tara nziame bana ba nde. biene lisa bisia anka ba bala mfumu yesu-klisto. ²⁵ Muli muru ndeso wesa mando ma mabi tara nziame amuwa etumbue, mulibu nziame apono we muru.