¹ We esuo, ya yu mu olie ela bangama ba ba iki yana mpe wumubie biene mpe liyiabi mpe biene kundie mukumi kuyo. ² Lika ya ngu mu-usa ma lisuo ya taa yana mubisama mpe ya mu-owa makabu a la nziame. ³ Liya sama iviu ndo biu mpe, ndoki nziamz efulu ifiu ndo mando manziame, ndo olie mando ma-madiami ma yesu-klisto, ndo nsia esoyini, me bankuru misi mibene. ⁴ Sama ebu meka eli kiri metsa lisumu. ⁵ Lisuru mu makani mubara baki ya biene ya bo muluo ka mono we, mpe liaui nto. ⁶ Mpe obi obuene oka too yoso eka yi mbue. Enka buba esa mungua ndoki bilo bika yana, biene mpe lika mubo mumo ya mumo. ⁷ Ndo mando momaso ma matii me, Tychique nde eli lie a la biene, nde eke muana muame wu boo ekunu me see, mutsa mumo we yana, mpe mangana enka me mutsali enfumu. ⁸ Me kii fumi a la nze ndenki biene lewu nsia yi nza ndo mpe ndobu emuwa mfu. ⁹ Me muyuo ya Onésime, we yana mpe ye ekonu me wu boo, wu kii mumo ebiu, nde eli lie momaso mamaluri akia. ¹⁰ Me eki me nde kunzo bakuari biu ku Aristarque, bali yuo mbuere, mpe anka malako, eburi Barnabas (ela nde biu liwe ba likue mpe ya yi nto liki buene ko ewumo); ¹¹ Mpe yesu we biu Justus, baki ni mumo wu ba yibi buboo bunde we isia ya me ndo bunfumu bonziame. Ba ike mburu engo mundo me. ¹² Mpe Epaphras, eli yuo mbure, nde mpe eki we biu, mpe mungana e yesu-klisto, nde esa nfu see mubisama ndonki lika ya nfu ya okuru muko ya oluu ke yana mu okunu linziame. ¹³ Ndonki me aka lie mando mayana ndo nde, nde etsa tse ndo biu, ndo ba ba kii ku Laodicée, ya baki ku Hiérapolis. ¹⁴ Luka, we ekuini me munganga insamu-manuu, mpe Démas mpe ya yuo mbure. ¹⁵ Liba wa mbure a la bandu baba boo baba kii o Laodicée, mpe Nymphas, mpe wu kii munzo nziame yika munzo nde. ¹⁶ Wa bu mukana eso batio anka biene, nze sa mpe batio munzo nziame ye Laodicée, mpe sa batio mukana eso anku ye Laodicée. ¹⁷ Mulie a la Archippe: ewu yana bisia bi we nde bie mfumu ndoki nze yia yana kumaku. ¹⁸ Mbure eso yini me ngako nkueme mu mio me me ngako, me Polo, lifunu misi mubibene. Mubo ngebe eka ya bien.