¹ Me kuini liyiaba mutii nguiane me mundo ebiene, mpe mundo ebara babake ku bula Laodicée, mpe ya babu a la me ba moni we. ² Me esisa mubo ndo bu biene libo biyia lika likunu li mokoo mumo, mpe lika ya makani ma ikuiu ku liyiaba yana ma elue nziame (sekel) : mando masoma elue klisto nde ngako, ³ Mpe a la nde nziame alue liboo lo leso ya makani momaso makuini nde owa a la bara. ⁴ Me likome mokoma eso wunu a la biene kuobu muru mumo aka linfuru biene mu mando mamabue. ⁵ Nsa meke ntama ya biene munduru, muli meke ya biene mbumo mu insui enziame, me eni ese tshee mundo ebiene me emuene obue ebiene mpe biene lileme mu okui yesu. ⁶ Mubo, kuobu biene le kuini yesu-klisto leka ya nde. ⁷ Nde li kuari anka bu eku kuara misimo a la muti, mpe mutini eku kuara fondatun oke nzo, lika ya okui tse mu miki tse mi bawi a biene; mpe ya lituono nziame ina ki eso. ⁸ Lika ya makani ebu muru mo aka linfuru a la biene mu makani mamabi, mabu masuisue make makani muene make mamabi mafi a la bara, mo ma somana mafi mu biyia be bara ba mukiri, mpe ka yesu-klisto. ⁹ Kuobu bo nziame boboso bosiu mukara nduru yesu-klisto. ¹⁰ A la nde biene ya libio biebeso, bo nfumu boboso ya bokuru boboso bosiwu a la nde. ¹¹ Mpe a la nde biene ya bali yibi (kokata nge nga) kaki ba yibi mukuo we, ki bayibi klisto, kuobu biene bali yibi kabu ba yiyibi bara we. ¹² Biene ba ba buero, like anka ba badiu mbumo ya klisto, mpe nziame ya lise kui mbumo ya yesu, mukiu o biene ya biyia be nziame ya lifu wu yesu-klisto mu linfu. ¹³ Biene ba linfi mu mambi mpe bamunu yibi nduru (ngenga), nde ya bawi mawama ma nde, mpeyu liyiu ngebe mu mambi biu momaso; ¹⁴ Biu ike liyiu bara ba bimi, kuobu biu le biene we maluo; kuobu nziame ya kiao mando momaso ma mabi ma le meme biu oluono nde ya masi mu ekulusu. ¹⁵ Nde ngako nziame ya duiu bonfumu bu ba nziame ba munsimu, mpe ya ba mutuo ankara ba mono mpe ba musuiru mukara bonfumu mu mafuru nde baduiu nde isa mukara ekulusu. ¹⁶ Muli muru mo we akalidu isa mundo mamate bilo bi odia to bie ongua asa mpe mansu ma ilama, (fete) to nsui biu, muyano nsa mpe mansu ma owumu. ¹⁷ Mando momaso mana eke mando ma mabiu lisue yesu-klisto. ¹⁸ Muru mo we aka linfuru a la biene, ba bake ba biri ntu mundo ba bakeke ba ntumu ba nziame, mpe bara bake bamo wuwi mu mando ma baluilero bo mu manzuele, mpe ya mabu li lini tse mu bise bimakani ma bo manduru. ¹⁹ Nde makani ma yesu, bara baso bana ba nvinu we yesu-klisto, nde ake munsui ewuwa nduru yesu mambue, mpe nde anvunvu misimo miomeso, kuobu nduru eku mutini kuini nziame. ²⁰ Biene lenfi ya yesu-klisto, biene le maru mu bungama bo bara ba mukiri, (bangima) mundoki biene leki kiu mando ma mukiri kuobu, biene leke kaba bara ba mukiri wu? biene liyiabi mangi maso motini balie biene: ²¹ Ka kuara bilo beso bini! kadia kanua, kuo lenze ika buini bi bini! ²² Bilo bibeso bini bilamu we, bakiri kaka mundo bara ba ya sia-mikii ya maluo mutine eso wunu ma fi a la bara? ²³ Ibini, mando masomana masuisue ma makani; eke mawa nzi ebu ba yasama bu ba kuini bo, ba mono anka bara bangebe, bami wa mpuru munduru, bo ba yiyiu we bise, bo sisa ma makuru bo muru.