¹ Polo, mtumu e yesu mu likunu le nziame, mpe Timothée, mwana nguabiu we boo, biu ya lili yuo mbuero mu mukana eso lilikome biu, ² Bana banguabiu ba ba boo bake kubula bu kolosi, ba bake bara ba nziame mpe ba nvinu bumo ya yesu-klisto mpe bo bake ba mbuimi ba biu ba boo baba kiu yesu - klisto. muli nziame tara biu a ba wa biya ya mambue a la biene ³ Biu ya li tuene nziame, tara mfumu ebiu yesu-klisto, mpe biu eni munfunu mu mabu lesi biene biu lesama nsu loleso mundo biene. ⁴ Muli, biu ya liyu nsia ebiene ya okiu ebiene a la yesu-klisto mpe ya likunu le biene a la muru ndeso wu yiabi nziame. ⁵ Mu okiu obiene ya likunu le biene mu male muene biene ya ma lisue nzii ebu nziame a lisuo mbu oyu. mu mando maso le muene biene, biene le yiabi ya ba luilue nsia eyana, nsia ye mbue enziame. ⁶ Nsia eso yembue ye yi ku kebiene mpe yi ebini ye ensiamu mukiri nsini mpe ya luiri mbi ya nsiamu nsio-nsini mu mukiri ndeso, muli oke mutini mumo ya ma le kiri mbiene, ba nsu leso lekiu biene mpe le yiabi biene mpe ya lekiu biene yana yana mambu ma nziame ma oluru ma ibini. ⁷ Muli Apaphras, mbuini ebiu ekiuni le nvinu nde, we lisue. nde ake muru isia eyana e klisto anku ebiene. ⁸ Nde ike lilie a la biu nsia yi likunu yi lilisuo mando ma insui. ⁹ Muli, ba nsu leso liyiu biu ba ilie mundo biene, biu mpe, leleme we osama nziame mundo ebiene biu mpe lelo a la aliwa mayu maku ma ensui ende, ndo leyiaba mando momaso eku kunu nziame. ¹⁰ Muli biene like ya mutini wu mubue a la nziame ma wiwi nde ise mu mando momaso. kuobu biene leburu mbie mbue mumutini ndeso kuobu biene liyiaba nziame yana. ¹¹ Nziame a liwa ngoo tsée mpe aliluo mu mutini eyana ndobu biene likuru mukoo kuobu biene lito ta tii onto8 mpe lika ya tse. ¹² Biene lilie ma mabue le muene biene a la tara ma lebio biene biloo bi alue kubu bula nde bunga libaa ba bake ba nde. ¹³ Nde ya likio mumbu mbala bibicha be mpibi mpe ya lichi ungu ebu mifunu bo muana nde wu asisa nde mukoo. ¹⁴ A lz mwana nde, biu ya liyu bara baa bue mpe ya baliyu ngebu mu mando mamabi le kikiri biu. ¹⁵ Nde aki ifuanu e nziame le me mumono, mwana etere mu bia yilu nde mu mukili. ¹⁶ Kuobu munde yaba kiri bilo bibeso bibe kika uyu ya bibi kika mu mana, bile mumono ya bile me mumono, kiri ende kibu mfumu, bu muru bonde, bukuru bo nde bilo bakiri mu ado nde mpe bikii bii nde. ¹⁷ Nde akii unkuebebo bibeso, mpe bilo bibeso bikii munkara nde. ¹⁸ Nde akii mutshui we-etere munkara nzo enziame; akii muru we etere, mpe ya yu mfumu etere mubilo bibeso. ¹⁹ Mundobu nziame ngako akuini bu mfumu boboso buka ya nde; ²⁰ Nde akuini munkara nde liwunu lika bamo ya nde ngako, n'sa babakii mumana ya babakii uyu, mu ina awiri nde maku mande mu ikulusu, nde ya liviu ya liyu bamo. ²¹ Mpe biene, bali kii banzio ebu mpe le mukui kuini we nziame mu biyii bu biene mpe ya bisia bibibi, muli nfu le nde ya liviu liyu bamo, ²² Mundo ebu biene bali mono bara baba bue anku-ende, ²³ Biene likuru mukaa mu ukui ebiene, ebu linti we ngole mutshia eso le iyu biene yini, munshia eso etshiamu mu mukili thini untshi yu, mpe me Polo, me yangiu muru ende isali. ²⁴ Mu mampari emuene me mundo biene, muli bu me nkii ya ise; me biri momaso mundo mabuu ma nzo enziame mundobu nzo enziame ikei nduru ende (yesu). ²⁵ Mutini etshiamu me ntshia eso yini nziame ya ntshu me tshia muru ende esali, mubukuruengui nziame anku ebiene, me ndeme we mii nzamu ntshia ende, ²⁶ Tsue kobo, batama mando aluluele, muli biu ya bei usuo mubara ba kuini nde, ²⁷ Muli nziame akuini abalie bunene mpe ama moklisto akii munkara biene; mubo biene lisa mikoo a la nde nziame aliwa likunu. ²⁸ Me etsamu ntshia eklisto; me wa muru ndeso luo mpe emusuo mu makani engui nziame,; me ntshi ntsho muru ndeso oka mukuru amiu me nziame, mu iviu ya klisto. ²⁹ Mu mutini eso wunu me esi sali munfu e yesu klisto mutini angungua nde nfu.