¹ Mundo eto, bana banguame ba boo, biu lili wibi nfu mpe ya maluo mukara Mfumu ebuie yesu, mutini leyiu biene ku bula bo biu, ki motini biene leka muwa mamabue ma ekunu Nziami, akiana okeme yana biene leka lisa ina kieso ma mabue oluru. ² Kuobu biene liyabi ki maluo biu liliwi ala biene mundo Mfumu ebiu Yesu. ³ Kuobu mamana make mutini ewia Nziami okunu obiene, kuobu okunu biene lama ota bibuli. ⁴ Mumo mukara biene ayiaba ki motini oya kee nduru nde ngako mu ibiu mpe mu musibu. ⁵ Nsa biene lika miwa mumpiao onvu nduru ( mutini esisa ba ba meki kiu Nziami). ⁶ Mpe muru mo we asa nsa ndomo yembi ala muana nguande we boo mukara isia esokini, kuobu Mfumu ba Mfumu afiri mambi mu bilo biebeso, mundobu biu eke lili nsui ala biene mpe eke lime. ⁷ Kuobu Nziami a libiu we ala biu mu mando mamabi, muli ku leka bara yana. ⁸ Muyi yini, muru wu nsi nsiala mando masomana to wu meme mando masomani amema ka bara, muli Nziami wu liliwi ensui ende ki wiene ya mambi. ⁹ Mamati likunu li impini, biene like ya mpiao we ebu biu ba likomo, kuobu Nziami nde ngako, ike lilue, kuobu biene ya ikunu ibiene ibiene. ¹⁰ Mundo mubo, ike yiana mutini liki kiri mundo bana ba ngua biene ba boo bobaso bake ku bula bo Macédoine. me muli biu lilisuisue ala biene, bana banguame ba boo, likiri furu ma uluru. ¹¹ Biu lili lie ala biene lisiu yiane, lita mamati bisio be biene ba ngako, lisa mu miao me biene bangako mu mutini elisue biu. ¹² Lisa boko, ndoki biene lika bayana mu liziri ala ba bu kiu we Nziami, mpe kuobu biene like ya mpiao ilo emo. ¹³ Biu likuini we, badu ba mo ba boo, kuobu biene likaka mu mutini mumo aka bara ba lilili, kuobu biene likaka mu mutini mume ya ba basusomo mu mati mama yia. ¹⁴ Muli kiri biu le kiu ebu Yesu enfi mpe nde ewiu, mutini nde mumo, Nziami aya nsua ya Yesu bobaso ba bobaso baba nfi ya nde Yesu. ¹⁵ Muli lita, biu lililie mu mando ma Mfumu, kuobbu biu babu leta, biu babu lidi aya furu Mfumu Yesu, biu le luru nsa ansi anku eba banfi. ¹⁶ Kuobu Mfumu nde ngako afa oyu, nde ayia ya muluo wu okongie, oyia ya libi lilibue le ntumu e Nziami, mpe ya mipara me Nziami (trompête), mpe banfi mukiu Yesu bo bawu bara batere. ¹⁷ Mpe biu babu leta, ¹⁸ Mubo liya iwini maluo ibiene ibiene.