¹ Mu mutini eso, mu ina ebu biu le buku okuru muko biu lefini eke yana mu oka boyu ku bula ba kunu Athènes. ² Biu eke lituini Timote, muana ngua biu eboo mpe muru esia e Nziami mu nsia klisto, mundo aliwa nfu mpe biyia ma mati okiu o biene. mikana mi mike me susuo kobo: biu eke lituimi Timoté muana ngua biu eboo mpe muru isali e Nziami. ³ Biu lesi mamana ndobu muru mo we okiu onde okasuru, kuobu biene bangako liyiabi ebu biu like mutini ka mono we ya biene. ⁴ Mutini, mu ina like biu ya biene, biu eke lililie ala biene ya tere mpe biu lewe lefunu mpari mpe eke mubo, mpe ya ya ma yito mutini le yiabi biene. ⁵ Mu isa eso kini, kuobu me bokuwe okuru mokoo mu odi meke tuimi ndo eyiaba mando ma mate okiu o biene, nsa we mu miu bara ke lemiu ala biene mu mutini mukimi, mpe bisali be nfu ya biwini bunu. ⁶ Muli Timoté, bua yito ala biene, aya nsuali nsia ambue ye mu okiu o biene mpe ya likunu le biene, nde eke lilie mi kuobu liya funu ina kieso ma mabue le kiri biu, mpe biene liya funu ayata biu mutini lefu funu biu ata biene. ⁷ Mundo mubo, bana banguama ba boo, mukara mu mali miu ya mampari, biu eke lisama tse ndo e biene mundo okiu ibiene. ⁸ Kuobu muli biu lisisiu, kirebu biene likuiri mukoo mundo funu banfumu. ⁹ Kuobu kimotini biu lituomo Nziami mukiu isue biene anku ndo? ¹⁰ Pibi ya muili, biu lisiame tse kule buana ya biene furu ta ta mpe oyu ma ma wiene mu okiu biene. ¹¹ Kuobu Nziami obiene mpe tara biene ndo ngako mpe Mfumu biene Yesu-klisto, a lisuo nzi ala biene. ¹² Kuobu Mfumu a luilu muli kunu ibiene ibiene mpe ala bara bobaso, bule sisia biu ndo ebiene. ¹³ Nde asa mubo, kuobu awa mikoo me biene mibo nfu ndobu baka ba mono bara babi mu mando ma ibini anku e Nziame e biene mpe tara mu ina eyia furu nfumu e biene Yesu ya bara bobaso ba ba wiene mambi.