¹ Kuobu biene liyiabi biene bangako, bana bangua biu ba boo, oyia leyi biu ku bula bu biene oke ka oyia akako we. ² Biene leyiabi ebu biu eke limuene mpari tse yi oluru mpe ke ba limuene bara mpama me ya Filpe. Biu leke eni okiu ala Nziami, munsamu biene nsia e Nziami akara bo bo eke bomo we. ³ Kuobu ma le lilie: biu make ka mamabi we, mpe ka mabini we mpe ka ma mampia we. ⁴ Mu mutini mu mukimi, mu mutini eso Nziami, eke likiu ala biu ndo onsamu nsia yimbue, muli biu lililie mubo, biu li bibi ka kuobu ba boo bakaka ya ise, kuobu Nziami we tita mikoo me biu ndo ku lelili biu. ⁵ Kuobu biu like ina imo kitiu mando ma oyia lebe, mutini liyiabi biene, to oyia busu mundo oyia nfuru bara mu bilo bebo, Nziami nga eke emono. ⁶ Nsa osao likunu ala bara, nsa lilefa ala biene nsa ala bara bakimi. Nsa biu lekaka banga musibu tse kuobu ku like bantumu ba Yesu. ⁷ Mutini eso, biu leke limisuiri ankara biene mutini esisiu ngu ya bana nde ngako. ⁸ Muli, biu like eni likuru tse ala biene, biu like emise kimo ya biene ike ka ndo nsia ye mbue ye Nziami we, mando mati osiwu obiu biu bangako kuobu biene leyu bande ba biu ba likunu. ⁹ Kuobu biene eke leyu biene bangako, bana bangako ba boo, isali e biu mpe etumbu e biu lesisia pibi ya muili, mikumba mu me wa ala mumo e biene ba yina eso, biu lilue nsia ebue e Nziami. ¹⁰ Biene eke lemuene biene bangako, mpe Nziami eke muene, mutini lekeke biu bara ba bue, banga mando ma ibini, mpe mu mutini ebu bara ba babi ala bara ba bakiu. ¹¹ Mu mutini eso wunu, biene eke liyii ebu ki mutini mukaba mutini esisiu tara ya bana bande ngako, biu eke lili lue kuobu biene lika lika ya biya. ¹² biene wi liziri kaka ma mafi ku munua muru we mu mutini eso wunu biene eke liyao mutini ba mu muene yana, nsia e Nziami nsia eso yini yike bisali ba bake mukara biene ba lekiu. ¹³ Mundo isa esotini, biu liyi yeo we firi matuomo ala Nziami, mpe mu ina leyao nsia Nziami yi leyiu biene, biene wi liziri kaka ma mafi ku munua muru we mu mutini eso wunu biene eke liyao mutini ba mu muene yana, nsia e Nziami nsia eso yini yike bisali ba bake mukara biene ba lekiu. ¹⁴ Kuobu biene, bana banguame ba boo, biene like ba mamana mutini like biu bule luluo nzimi ala ba bake ku mbula Jidée mukara Yesu-klisto, kuobu biene eke limuene mpari mu mutini mumo mpari eso ya bandu baba Juda. ¹⁵ Eke ba Juda ba ba duiu Mfumu e biu Yesu mpe ya banga ba Nziami mpe ba Juda bali mueno mpari, bawi wi we ise ala Nziami mu mutini eso mando ba kikiri bo make mabi mundo muru ndeso. ¹⁶ Bo balinsu ala biu mu nsamu nsia kuke ba Juda kuobu bo baka yiaba Nziami, muli, bo basisia ina kieso masumu, nkeme e Nziami e badudu ala bango ala bo kuto. ¹⁷ Biu eke liyeno ya biene, bana banguama ba boo mu muana ina insi mu muru to mubusu ka ku miko we. Biu likuini liya 'limono a biene furu. ¹⁸ Kuobu, biu likuini liya ala biene, me Polo, mika tse Satana linsu. ¹⁹ Muli mikoo me biene lilesi kuini ma maka onku, to ise biene, nki inku mba kilika biene akio anku e mtumu Yesu mu ina aya nde? Iki ka biene we, to ba bakimi? ²⁰ Kuobu biene leki bise bi biluru.