¹ Mulibu, mu mamate bilo bibite ebi kome, « eke yana ye bu boo aka kuara mukara.» ² Muli mu obara omiu mu osa mando momaso mabi buli, boo nde eso aka ya mukala nde, mpe mukara nde eso aka ya muluma nde. ³ Boo nde so amuwa a la mukala nde bie bite mabali, ko bunu mukara a la mulu munde. ⁴ Ekeka mukara we ku ke ya bunfumu mu nduu ende ngako, eke muluma nde. Mpe mutini mumo, boo ake we yabu mfumu mundiuru ende, eke mukara. ⁵ Lika maa mumo ya wumuke, lika muko mumu mpe muntoo e yana. Lisa mubo ya nguele ya liluiri mu bisama, angiako, biene ya lifiru bamo, mundo bu mungu aka lifuru mundo bu munkara biene lika pii ibiene-ibiene. ⁶ Me lie a la biene mando masoma kuobu me liwi wui luo, ka mukii we liwui wui. ⁷ Me nkuini biene bobaso lika anka me muli muru ndeso ebio like bu lilifi a la nziami, muru ndeso alibu lende, mpe wuke ake ya lika bu limutini ende. ⁸ Bo babu babeli we mpe yaba nfii baluini, me ndie eke yana bobaka nfibi enka me. Ebiu epasika, nde wuba diu. ⁹ Muli liyilu ilamu, leka we ya miene ntama, miene mubi bisese mpe nkeni, muli bitiro be wiene amiene eke olie ma ibini mpe oka yana. ¹⁰ Kuobu me ya lisuiri lika vunu ya bara ba bisali beso bine batita bibuli mu mukiri, to bara banga nsua, mpe bibi, too babasi sama banziami ba bitio, kiri ka mubowwe limaru mu mando ma mukiri. ¹¹ Mulibu, me ya liku kome likaka ya ovunu nde eso wu ba bibeu ndu eboo, muli babu batita bibuli tsée, to bibi to ba basisama banziami baba tio, to baba kui kuiri bafifiri bara mpia ka dia yabo bara ba mutini so wunu. ¹² Ankiako, ki mutini me eyasa mamubo muya osama mu mifunu bake ka kamu nzo enziami we? Mu mubo, biene leke kaba leya nsiri mifunu mabo babake munzo enziami? ¹³ Muli, nziami ansiri mando babuba ke biluiu, likio mamabi anku ebiene. ¹⁴ Kuobu boo e munu sisama abuani mundo mubala nde, mpe mukara emunu sisama abuani mundo muluimi ande. Kiri ka mubo we bana ba biene baka ani mbini, muli, boba basa muli libeuu. ¹⁵ Muli kiri wee akuini nde wini, muyiaba wie. Mu mubo boo eso to mukare eso, nde awunu we ya mabili nde-nziami ali biu kuobu biu lika vii mu mawama. ¹⁶ Kuobu mutini yiabi nze, mukara, kiri ebu nze wa mawama a la mulu manze? To nki mutini, boo, emuwa mawama a la mukala nze? ¹⁷ Muli, nde eso aka ya mawama mamu wi nziami bu akuini nde, mpe ndeso aka mutini mu biu nziami mamana nkuini me ndie mu ma nzo manziami momaso. ¹⁸ Ndeso ake wuba yibi mu ina ba beu nde akiu? nd aka kunu ayiu anka wuba munu yibi. Ndeso ake we ba munu yibi muna ba beu mu okiu? nde baka fumu yibi. ¹⁹ Kuobu ka oyibi we, nsa ka omunu yibi we kiki yana, kie yana oka yaliziri mu muki me nziama. ²⁰ Ndeso aka buba mubeu bu ake mu ina ebeu nziami akiuu. ²¹ Biene leke bangama mu ina obeu nzi ami? Nze kafunu we mu mati mamana, muli kiri nzeka we yana, sa ye kuyana. ²² Kuobu webu nziami amu beu anka mungama mundo mfumu nde asama ikiu mundo nziami mutini mumo, nde we esa ma ikiu mu ina ba beu nde, nde akiu ake mungama mundo enziami. ²³ Biene ba lisuimi mu muta tsée, lika ka we mingama mundo baro. ²⁴ Ndu eme eboo, nsa bu lekike biu atere ya mawama masomana mu ina ali beu nde likiu, kako bunu. ²⁵ Taa, mpe ma matee babu ba beli we, me mukiri enziami nde we, muli me ya lilie yi nke ayome anka webu, mungebe enziami, nde ake yana ya lisi muko. ²⁶ Angiako, me nfini lika suomo mamabi mu ibiene-ibiene, eke yana lika bule suma kika. ²⁷ Kiri ebu ekuini eka ya mukara mumo? Kaso nze oka ya wumukimu. kiri bu nze bali we kaso mukara obaa. ²⁸ Muli kiri ebu nze, ebu baa, si kalisu mu we mpe kiri mukara webu abeli we abu baa, nde asika lisumu we. Kuobu boba bakuini obaa ba misi mu ma ndo tsée ina ebu bobataa, mpe me likio mumando masoma. ²⁹ Muli me lilie kubi, bandu bame baba boo ntoo eke ye nfi , oba muli, webu ani mukara osa anka webu mukara nde we. ³⁰ Bobabu balee asa ebu boba lilee we ba babu bake mu isee bobara yebu bake ka muse we, mpe bobabu ba sumu ilo imo bobaso ebu kiba ke akio we. ³¹ Mpe bobabu basa lisali bi mukiri baka mono we yebu boba luiri we yayaa yana; kuobu mutini osali mukiri kie bo we. ³² Me nkuini ebu bien lika funu funu boo we bufa beli we nde amiwa mu isali enziami, mpe kimutini nde akunu. ³³ Muli boo we ebu ebeli ami wa mubilo be mukiri, mutini ebu mukala nde aka mu isee. ³⁴ (Mikabu) mukara webu abeli we too, nde webu ayiabi we boo aso momu isali enziami, mpe ki mutini nde asa mulibeu munduru mpe mu itsu, muli mukara akunu muluma nde. ³⁵ Me elilie kobo mundo ma mate biene bangako, mpe kuobu lika sama mutini mukimi mu biene, me lie mama mundo ba bake yana, kuobu biene libo bilo mu nziami likaka ya odimu muma nze makimi. ³⁶ Ya bu mwana boo muene mukara ebu nde akuini mu baba ebu mwana boo eni liziri ala makoo luiri nta yi maabele yiyini eka kobo, nde asa makuiri nde, nde asi ka yembi nde awe afubaa. ³⁷ Kirebu nde kuiri mukoo, ya u muru mumo we mutu tuimi mungu nde ngako fini mukoo nde ebu abaa we asika mbi we aa baa. ³⁸ Wu kuini obaa mukara eso akuini nde asi yana wu eme obaa mukara eso wunu akuini nde ase yana oluru. ³⁹ Kiri mukara ake ku mabe mama mikii mi mabee kiri iu mande eta ebu anfi we, kiri muluina nde nfi, nde ake ndo we sa wini fubaa mului ande wu mukimi mukuini mukonde, nde aka mu bu nziami. ⁴⁰ Muli mutini nfini ne mukara eso wunu aka ya ise tsée kiri siu nde nfibi miu mpe nfini meke mu insui e niami.