¹ Muli, mu mamate bilo bi odia bawi mu baba sisama bitio, biu liyiabi ni « biu like biu baso ani makani.» makani maki ani lilini, muli likunu eki liberi. ² Kiri mumo etunu nde yiabi ilo imo, muru wunu ayiabi we turu mutini aki nde ya makani ma oyiaba. ³ Muli kiri muru mumo ekumu nziami, muru esowunu nziami mu yiabi. ⁴ Muli, mu mamate odia bilo be makaba ma mpibi ma baba ndimu nziami, biu liyiabi ni« mu mukili, wudimu nziami aki mpama» mpe« lika ya nziami mumo». ⁵ Kuobu nsa kunu mutini balilie bitio eki bika, ika ku yiu mpe mu nsi, baki mpe bantunu« bitio» mpe« nziami». ⁶ Muli ndo biu,«likei ya nziami mumo, tara; we eyiya bilo bio beso, mpe munde biu liki mumukili, mpe mtumu mumo, yesu-klisto, munde bilo biobeso biki, mpe munzii ende biu liki bu leeki bu». ⁷ Kuobu, makani mawiene a la biu. Yana mu obamu, babake bakiri ku osama bitio, mpe badia bilo bini mpe ebu bo ekibaki ilo elika bale bitio. Makani mabe makima babatiri kuobu maleme. ⁸ Muli bilo bi odia basusuo we a la nziami, biu liki ka bababue we kiri lili we, mpe yana kiri lili. ⁹ Muli likebe ni liberté likayu li lika oloo ndo ba baleme mu okiu. ¹⁰ Muli limata webu ani makani elimono odia bilo munkara nzo e nziami ebitio. Oleme emakani mabo makaka owiene biya mu odia bi bawa bitio? ¹¹ Muli, mundo oyiaba ebiene mu ota mambue ma bitio, bana baba boo baleme, ndonki klisto ba mu diu mpe entii. ¹² Ndo ebu, kiri nze ani masumu ya ndu eboo mpe odualu ba baleme mayi, nze esa masumu mu nziami. ¹³ Mu malimono, kiri bilo bisinu ndo eboo mu oberi kia, me edia we misunu ndo ebu lika so oloo e ndo eme eboo.