¹ Biu eki liyu usia ebu munkara biene leyu mu ota bibuuli, biene a biene, bibuili bie ebu sa bekawe nsa munkara bara ba ebu basisama we mpe bayiabi we nziame biu le yiu nsia yebu mumo munkara biene eta bi biuli ya mukala tara nde. ² Mpe biene liki bara ba nga nkini! sa liyu ngebe munkara biene nde we su mubo wa li mukio we munkara biene. ³ Kuobu, nsa me nki ya biene we nduru, muli mu itsui enziame liki esi mando ma mutini eso wunu anka yebu meki akiana. ⁴ Kiri biene livinu ibiene-biene mukumu enfumu ebiu yesu, mpe itsui eme eki ya biene munkara ngu ye nfumu ebiu yesu me esuma nsiri mufunu e muru eso wunu. ⁵ Me esi mubo ku ekabe muru eso umio mi mufu kuobu adu nduru ndo ebu muwumu ende abo mawama muntsu le fifumu nziame. ⁶ Li luini lebiene liki kayana we, bieneliyiabi we ndama emiene ba sisa munkara mampa (bitiri) kuobu bibimi nze yiabi wa luili die limu nsui wi? ⁷ Biene, li tibi miene eso we ntama we basisa munkara mampa (bitiri), kuobu biene lika mampa (bitiri) mamayanu mu bawi mutini ebu biene liki limpa (bitiri) li liwiene mieme. Kuobu klisto, aki muana imimi ebiu e pasika munsa wu luiri, nde wu ba wi mafuru. ⁸ Tsue lisibu ebiu munsa eso, kaya mieme entama wu basisa mu mampa we, biene basisa mampa iki bisi bibi bi mpe kini, muli limpa liwuene amieme iki olie mayana mpe ibini. ⁹ Me eki likome mu mikana me me yebu lika wunu ya bara babu bakuini ota bibuili tsée. ¹⁰ Kuobu me elisuiri we oka bumo ya owunu ya bara babi suii bibibi bibiki mukiri eso wu, bara bansua, banga mpia, basisama ba nziame babitio kiri mubo biene limaru mu mukirimu. ¹¹ Muli bu, me ya likome ebu lika awunu yabo baso baba biu bandu baba boo, babu bokuini ota bibuili tsée, too banga mampia, nsa basisame ba bitio, wetutu bara manguomo, we ngu ngua maa tsée, too ya mibi muru mubo likadia a nde nsa ilo imo mbumo. ¹² Akiana, kimutini me esa mubo mu ofiri mando mabara babu baki kamunzo enziame? we mu mubo biene liki kaba tsu ba bara babaki munkara nzo enziami we? ¹³ Muli nziame atsi tsui mando ma bara babaki onzii. « mukio nde we nga makani mamabi munkara biene.»