¹ Mulibu, akuini osa biu mukou, anka ba ba isha e yesu mpe we iki kei mando ma ibini ma manu omono ma nziami. ² Mundo obu, oka ka bunu mu wu ikei bilo aka muru we ba ise mukou. ³ Muli mundo eme ekei oyo sue we ebu me bansa mbisa a la biene mpe kei ma nzo makimi ma mifunu me bara. Kuobu me misambi we me ngako. ⁴ Me mi yiabu we mufunu bafini mundo eme, muli yiyi isue we ebu me yinzia bi we. Nde nfumu esambisa me. ⁵ Muli, sa letsiri we nsa mufunu mumo anku ntoo, anku oyia funu. Ya wi a la miu bilo bi ilue bei mpi ibi mpe litei mando le luie mu mikou. Mutini ebu, muru ndeso aboo lifuru le nziami. ⁶ Muli, bandou bababoo, me ekei balie mando masuma a la Apollos mpe a la me ngako ndo mabue mabiene, ku obu mu biu biene ya liwi mutini isue ndo esu yini:« ka luru onza mando ba sina kome» kuobu muru we eka ka ya lileme munkara ibiene ibiene. ⁷ Kuobu wu imuene mutini ka mu mowe a la biene mpe a la babake? Biene leyiabi we abu biene le wei ka ofele we ? Kiri ebu biene le wei ofele, buini biene likei ebu biene anka obu biene li iwe ofele. ⁸ Biene lebio bibeso bi le kuini biene! biene lesuna yu ba fei (ba invama)! biene ya libei ofa muu mpe mamana matei ka biu we! mu ibini, me kuini biene lifa muu, mutini ebu biu mpesa lifa muu ya biene. ⁹ Kiri ebu me funu obu nziami biu a lisi banga ba nziami mu osuo anka muluo ento we ba biu mfumu mpe anka baba boo ba asi munzo empi ibi tii lifu. Biu le yu bara ba okamua mu mukiri, a la ba ntumu ba nziami mpe mburu. ¹⁰ Biu le yu biwuu mundo klisto. Muli biene likei bakuru ba makani mu klisto. Biu likei baba leme, muli biene ni nfu (mpini). Biene ba liwe bara ba nga ntini tsée, muli biu ba liwi we ntini tsée. ¹¹ Tii muntoo ye muli, biu likei eni ngaa mpe mpio madia, biu libuari biko mutini eko bunu. Biu ba libei mutini mumo wu mubi, mpe biu likei nsa nzo yo we. ¹² Biu lisha ngou tsée, asa mu mion me biu ba ngako. Mu ina batuu biu ma nguomo, biu yi liba lie mamabue. Mu ina ba isi biu mintsuo, biu ya likuini mukuo. ¹³ Ya balisi mambi biu libei ya ise. Biu ya liyuu mpe biu furu yaba lisi mu mukuo akiana. Baba tei bi mubara bobaso ba mukiri mpe kio we mu bilo bibeso. ¹⁴ Me likome we mamana ndo ebu makali wa bu furu a la biene, mundo ba lisuo anka bana ba kuini nde tsée. ¹⁵ Nsa yebu biene likei ya funu (dix mille) libakuru mu klisto, biene libio we ba tara tsée, kuobu me ya nsiya tara biene mu klisto-yesu mundo nsia ye mbue. ¹⁶ Muli, me ya li ilie liyaka anka me. ¹⁷ Bukobu me ya liyuo Timothée, we ekunu me tsi mpe muane mubue a la infumu. Nde a la biene ali yubu maluo manziami ma me a la klisto anka me mabayi sue nto yesu mpe munkara manzo manziami momaso. ¹⁸ Muli, babake mu munduo biene bayu bara babi, ba isi anka ebu me eya furu a la biene. ¹⁹ Muli me ya a la biene ntamu we, kiri mfumu kuini. Muli me nziami ansa mo mando masoma ibei bara baso baba bi, muli me mono nfu ebo. ²⁰ Kuobu bokuru bo nziami bokei mu obei we kasi mu ngoi. ²¹ Biene likunu nki? Biene likuini me nza ya fimi too ya likunu mpe mu itsui ki musamu?