¹ Muli me ya liyubu ula biene bandu ba boo, nsia yi lilie me yini, yi le wele biene mpe yi yini biene liko wara. ² Mundo nsia esa yini biene liviu, yobu biene like ikuri mando elilie me, ku uke, biene leka yande. ³ Kuobu me liyio nte ndo ye tara tere yi luri ye bio me: mundo mambi (masumu) klisto amfi anka bakome. ⁴ Nde anke nfi, muma tsa maturu eki wiu mu bara baba nfi mubo mutini bakome. ⁵ Ya buani ya Céphas, furu ya nkuini ya bue. ⁶ Nde ya buani furu ya bara uluru nka matana yi ba boo muntoo. babake mukara banke mubu mue (bataa), babake pe balee (bamfi). ⁷ Furu nde ya buani ya Jacque, pe ya banga bobaso. ⁸ Furu, nde ya yimono, nti muana mumo babuni muntoo ye mbi. ⁹ Nka ebu menke we esamu batsu menke wu unku munu biu tsu, me alu luo manzo manziami. ¹⁰ Ndu mu mawama manziami, me ya nke mutini nke me mpe mawama mande mundo me mandua we. Mubo, me esisa ngoo (nsee) uluru bandu tsini. ka me we, mu mawama mande nziami ma nke ya me. ¹¹ Ya kia, enka me to bo, lita mutini lie sisa biu mabi mpe male sale. ¹² Muli yobu klisto balie ewiu ma linfu munka mumo, nki mutini mumo nkara biene ali ibu mawuu we mulinfu? ¹³ Ndu yobu nde awiu we mu linfu, mubo, nsa klisto awiu we mulinfu. ¹⁴ Mpe yobu yesu awiu we, ma liluluo biu manke mpe ukiu ebiene anke. ¹⁵ Mpe biu balisi mundo umono, ti bara bababi mundo nziami, mundobu bali lilie ma ibini ma nziami, mulie nde ewiu yesu, furu nde ansi we. ¹⁶ Ndobu yobu baba mfa bawo we, nsa yesu awo we mu linfu. ¹⁷ Yobu klisto awo we, ukio ebiene kie bumu mpe biene lenke furu mukara mabi (masumu) ma biene. ¹⁸ Ndu baba nfi mukara klisto. ¹⁹ Yobu ndu eke munu mubo mu bumue bosobu biu linke ya likunu lie klisto, muba boo bobaso, bio lika ya mando mamabi. ²⁰ Ndu muli klisto eki wiu mu linfu, we etere mu bara babanfi. ²¹ Muba, kuobu linfu leyi mundo muru, furu mundo muru liyia ya uwu mu linfu. ²² Kuobu, ti Adam bobaso eki bankiu, mu klisto, biu baso lika nfa we. ²³ Ndu muru ndeso munze ende: klisto, we tere, mpe ya babanke mukara klisto baka mubumue muntoo aya nde. ²⁴ Muli, eka kunto? ²⁵ Ndobu, nde akaya bu mfumu tii ina ki asa nde baba munu kukunu nde utsi mii me nde. ²⁶ We munu kunu we tere anka wu ndu mu linfu. ²⁷ Kuobu « nde abasi bobaso unsi mii me nde.» ndu mi alie nde bibaso bawi nde, nde ayi wa ula ye muwi bilo biebeso banke ande. ²⁸ Mpe bu ebu bilo bibeso bawi nde, mubo muna muru nde ngako aka iwa mubaba wi nde bilo bi beso. mama mayiya unto bu nziame anka mu momaso. ²⁹ Ki ina eya baba buero mundo banfa? yobu bara banfa ba wiu we, mundoki ebu baka musa muburo mundo bo? ³⁰ Mpe mundoki, like biu baso nto yeso mukaru? ³¹ Bandu baboo, bien balike ya ikumba eme muakara yesu mfumu ebiu, me efufu mama: me sama ntsio mamaso. ³² Ki mufuru eme munuru, yobu babanfa bawu we? « lidia, mpe linia, kuuobu musuu biu lenfufa.» ³³ Lika imfuru biu ibiu: « muba buni bababi bo baki kio mando mamabue.» ³⁴ Lika biene pi! lika munze bu imbini we lika busa mabi. Kuobu babake mukara biene bamu yiabi we kula nziami. Me olie kuli yu bunfuru. ³⁵ Ndu wumu ke alie: « ki mutini baba nfi bo bowo? muki muru bo baya furu?» ³⁶ Bienelenke mukara udimu! bie kukunzi benfufa yango le ibi buri. ³⁷ Bi nke nzi mukumu, ike ka mu muru we etuu ndu enka libie limo lie ble to furu libie limo li mutini mukimi. ³⁸ Ya kia nziame kimuwi muru mo olande mutini akuni nde, mpe ya mutini kilo kieso nde awi muru mo bike mbini we. ³⁹ Musumu ndeso anke mutini ka mumo we, ndu wumuke musuni muru mpe wu muke wuba niama, wumuke wu banini, mpe wu muke mundo ba mbili. ⁴⁰ Enke furu ani muru yie yuu mpe ani muru ye mana ndu yiyike enki muru ye yie yuu mpe yi inke ba muru ye mana. ⁴¹ Ani linga likimi munde bampari muili, mpe sa ba mpari muli banke linga mutini ba mumo we wunu ya wu muke. ⁴² Ya kia, eka mutini mumo uwu mu linfu biba kuini benfufa (udimu), mpe yi wu binfa we. ⁴³ Baku kuru muru yi wiene abu mfumu mpe nde awu wuu mu utuono, nde akukunu mukara uleme mpe nde eki wiu mubiya (ngoo) biende. ⁴⁴ Nde akuni muru yibini, nde awu mu muru yiyana (yibini). ⁴⁵ Mundoki nde akome: « muru we tere, Adam, ya wu muru yi bumu.» muru we nto Adam nde enki yu muru yi mawama. ⁴⁶ Kuobu ki nke nke impene eyi etere-tere we, ki nke kuama, eya ngo lefuru. ⁴⁷ Muru we tere ba munko mumana, anke mana, muru ngole anke ungie. ⁴⁸ Ti wu baslai mumana, kuobu bo basali ku ngie (Uyu), anke babafi uyu (ngie). ⁴⁹ Mpe utini mumo ebu biu lebiri ufu ki mana, biu libiri pe efu ki mungie. ⁵⁰ Ma didie me, ba mbuni, ma musumu mpe ya manki awuwe bumfumubo nziame, mpe we wuwu bilo bi mampia abo we bilo bibibue. ⁵¹ Limata, me lili ula bien isali ino: biu baso lenfa we, ndu biu baso lebubamu. ⁵² Mu ina imo, oka ina diu, mu ina ba beri mupara. Mupara abebe, mpe ba banfi awu wu impene mpe biu, biu lebu bana (libubamu). ⁵³ Kuobu muru eso basali mumambi ebura muru yie yana, mpe muru eso ye nfa ebura yi mumu mfa. ⁵⁴ Ndu kina bibe munu bobo besio uboo, mpe muru yi: « muru mfa yo emfu mfa, furu maka ikuu mando ma ba kome.» ⁵⁵ « Limfu, ayo ngo enze? Limfu, ikumba enzi kuni?» ⁵⁶ Ikumba ki limfu enke masumu (mambi), mpe ngo masumu, enke mikii. ⁵⁷ Kuobu matuono manziame maka ya liwi ubii mukari mfumu yesu-klisto. ⁵⁸ Ya kia, babuni bame balikunu, lika bakara, ba bamunu bu boo, lisa yana-yana mu isali bie mfumu, liyiaba ebu bisali be biene bieka ka bunu we mu mfumu.