¹ Muli ma mati bilo bi oka bie bara bakiu, lisa, biene mpe lisa bu esuomo a bara nzo nziami ba Galatia. ² Muli mobo ebiene munsu letere le mansu manziami, sa ilo mo mu libeo muru ya mutini ndo mpe wunu elue. Lesa mubo mu ina eya me ekaka fufu muwa bilo. ³ Mpe yabu meyi me liwo nku mikana, ndo ku li biri mbueno ku bilo ku Jérusalem, bara ba basue biene. ⁴ Mpe nde eso mubo mpe limuno mpe bawe ya me. ⁵ Muli, me we a la biene muina ensiwi me Macédoine. ⁶ Ndobu mensiri Macédoine, nsa me esui nsu lumunsini a la biene, nsa me iluiri esu a la biene, ndebu biene liwe ya me nzi mo ku ewe me. ⁷ Me kuini we kuobu liwu ndo etoo nsi; mekuini osu ndama matsu a la biene kiri mfumu kuini. ⁸ Me sia meka ku Ephèse ti ye ya mbo Pentecôte; ⁹ Muli ifiu kinene ba fii mpe babu bali kuini we bakii see. ¹⁰ Kiri Timothée yito, li mulie eka aka ya bomo muki abiene, ndoba nde esisa anka me wu bitsa bi mfumu. ¹¹ Muli muru eka musa ma yanu. Liwe yande mu viu; ndanke nde eya a la me, ndobu me mudie ya ba boo. ¹² Mamatii ndu ebu we boo Apollos, me ki lue see nde eya utaa ya biburi bi ba boo, muli ikii ka mulukunu linde we, ebu nde esa muli nde eya ya kunu nde. ¹³ Likaa ya okuru muku mamatii okiu, likaa baboo, lisamfu biene. ¹⁴ Muli momaso malisi biene lisa muli kunu. ¹⁵ Biene liyiabi wa ki Stephanas, biene liyiabi ebu bo baba kii bara ba tere ku Achaïe mpe bo ki baba mii mubi tsa bi ikiu, meya lilie likaa ya nfu bi buri bi me bi ba boo, ¹⁶ Lika mpe liyaba yu baro ba mutini eso wumu mpe ndeso we sabo mo mubi tsa mpe ya biene. ¹⁷ Muli me ya inzilu koya a la Stephanas we Fortunatus mpe d'Achaïcus. Bo ki babaki ya yuene nze. ¹⁸ Ndonki nde kisuru insui eme mpe kie biene mibo, biene libo mono bara bayana liba tuono bara ba mubo. ¹⁹ Bara ba manzo manziami ma Asie ba l'yuo mbuero, Aquillas mpe ya Pricille, mpe nzo nziami yikiu nzo munza, ya balisi yuo mbume mu mfumu, ba lumbere mu mfumu yesu. ²⁰ Bandu bobaso baba boo bal u wi mbere liya yi wa mbere yi biene - yi biene muyoo mi ntuu. ²¹ Me, Polo, me nkomo mama mumio me me ngako. ²² Kiri muru mumo ekuini we mfumu, nde bamu taa yi pio, ife laa mfumu. ²³ Mawama ma mfuma bio yesu maka ya biene. ²⁴ Likunu teme leka ya biene baso leka yesu-klisto