¹ Lemamu mu lukunu mpe liso ma kabu ma itsui tsée kuobu biene lukon olie mando ma itsui. ² Kuobu we bei mu minua abei ka la bara, muli abei ya nziame. Muru mo we muyu mando abei nde mu mutini ebu kiri elie mando ma iluie mu itsui enziame. ³ Muli we bu we ilie mando ma itsui nziame abei a la bara ndo a nemi okeu ebara, ndo ba wa nfu mpe ya emaru mu mambi. ⁴ We bu abei mu minua mimi kimi me aka ya ngua ye samu nde ngako, muli we bu bei mando ma itsui mawi ngoi nzo nziame yoso. ⁵ Muli me inkini ye ebu biene babei biene baso mi minua mu mi yanu. Muli yiana oluru mamana, ndo obu biene lilie mando mu itsui enziame. We bu wi elie mando mu itsui e nziame akei wu munene tsie oluru wu ibei mu minua mini yanu (kiri eni muru we lie mando ma itsui e nziame ma elie we bei ndo mawa ngou mu nzo nziame). ⁶ Muli bandou baba boo mpe bari dou ba bakara, kiri me ngii a la biene obei mu minua muyunu, munki yiyini biene me liwa? me sa isha we, yabu ebu me lilie mando mama ya, mando mama makani, mpe mando ma itsui e nziame, mpe osuo mando manziami. ⁷ Kiri ebu bilo biba isi shaa ampe flûte mpe ya Harpe ya bu bi wi ndo moa mo, nki mitini le yiabu ebu anki ilo ki isha kile yiabu kibei ku buo? ⁸ Muli yabu mupara beri idumu mutini ka mu mowe nki mutini biene ntoo ye we owe ma nua na? ⁹ Ekei mubo mpe ndo ebiene. Kiri ebu biene lilie bara mando ma abu abayiabi we, nki mutiini bara bayiabu ma lifi lifu lie biene? Biene libei muli muru mumo liyu nde we. ¹⁰ Mikemi miowe minua tsui mu mukini tsuni. Muli mio mikei mumo ya mutini pia eni mutini isue. ¹¹ Kiri me inziabi we munua esu wunu, me ya nzu munzio a la wu ebei munua esu wunu, mpe a la wu bei munua eso ya furu munzio me. ¹² Ekei mpe mubo mundo ebiene mundo ebu biene ledei we obu itsui e nziame isa, liso makabu ma itsui ma abu sa masi oku okui ebiene munzo enziame. ¹³ We bu esa mu muminua mi miyanu asamu ku obu nde aku olie mando mabei mu minua mimiyanu. ¹⁴ Muli kiri ebu me samu mu minua mimi yanu, istui enziame eme esamu furu, mpe maye makei kobunu (ma niu we). ¹⁵ Nki mesa muli? me samu ya istui enziame eme mpe ya maye mame furu me eta ishiamu ya istui enziame eme mpe ya mayi mame furu. ¹⁶ Mutini tumi wi mikiri, kiri biene lishami nziame mu tsui, nki mutini ba bau bayiabi we balie «Ekei buru» nsa oyiabu ebu biene, biene liyiabi ma libei biene mana? ¹⁷ Biene eki lewa isinki matuono mamabue, 9muli winu ke nguo we. ¹⁸ Me wa matuono a la nziame kuobu me bei muminua mi miyanu oluru biene baso, ¹⁹ Muli munkara nzo e nziame, me inkuini ndie mando matana ma abu bayiabu ku obu awa nfu ala baba ke, ebu nze lie mando tsée mu minua mimi yianu. ²⁰ Bandou baba boo mpe bandou baba kara, likaka anka bana babu kia mu mando ma liyu biene. Muli biene lika anka bana babakio baba isa mambi. Muli mu mafunu ma biene, lika anka baba kui mu makani. ²¹ Bakome mu mukii:« a la bara ba minua ebu nzio, me bei a la bara; mpe anka muli, nde anyu», elie mfumu. ²² Munkara ko minua mibanzio mikei ilimi ka ndo babei kiu we, muli mundo baba munu okiu, kasi mando ma itsui ekei ilimi, kando muba baba munu okiu we, kasi mu ekei ilimi a la baba kiu. ²³ Kiri ebu nzo e bara bobaso bakei munzo e nziami ya ba eviunu mpe bei ya batsuiri bayu mabei mu minua mi banzio, mpe ya babake ku nzei mpe ya babu ba kei basomo, balie we ebu biene likei ya misu? ²⁴ Muli kiri biene lelie mando ma itsui e nziame biene baso mpe ebu bao mumo we kunzei nsa ba we munu kiu ya su eme, baka ya okiu mu mando mumaso maba iyu bo, nde ba mu musambisa mu mamaso ba sa na lie, ²⁵ Mpe mando ma iluie ma mamu kiri nde ba imono, nde afu kama anku basu bonde mpe ya yu mosa mu nziami mpe alie ebu nziami ekei ibini ki munkara biu. ²⁶ Lesa nki muli, bandou baba boo mpe bandoi baba kara? ya bu biene liviunu, mumo ebiene akei ya zisha ende wu muke eyimi nzimi, esuo mando manziami, elie mando manziame ma iluire ndo awa nfu mu nzo e nziame. ²⁷ Kiri wi muke ebei mu munua ebanzio, yabu eni bara bue, too baturu oluru babei mu minua mi banzio mu ina nde, mpe wu muke elie mununua we yu bara mando maba sima lie. ²⁸ Kiri muru nde we mundo alie mando mamaba bei mu munua eba nzio, akuru munua munzo nziame mpe a ebei a la nde ngako mpe a la nziame. ²⁹ Kiri bue mpe bafuru banga banziame babei mpe kiri baba kimi bayu ya ofunu mu mukoi maba ilie. ³⁰ Kiri ebu mumo munkari aba babasui ni ndo mulie nziame, wu ebei ayoo obei. ³¹ Mumo ebiene sa bei mu itsui enziame mu ntoo onde kuobu mumo eso mubue mpe pia bobaso baka ya ngou. ³² Kuobu itsui e nziame kie banga ba ,ziame ika munzei ye banga ba nziame. ³³ Kuobu nziame akei ka nziame we evu bi nvu a nvia kasi akei nziame vei, anka manza manziame momaso ma bara baba bue. ³⁴ Bakara baseu nie munzo e nziame, kuobu boo baba wi we nzei ye obei, muli boo bakaya ku musharu mutini ilie furu mikii. ³⁵ Kiri ebu boo bakuini oyiabu bindo ndo, mubo boo bala a la baluimi ba boo ku nzo kuobu ekei kayiana we ebu mukara ebei munzo e nziame. ³⁶ Mando ma nziame mafi a la biene? Biene likei biene bamo a la mundo nziami biene liyiabu? ³⁷ Kiri ebu wumuke a misi nga itsui e nziame, ayiabu kobo mqndo ma ekame me makii me mfumu. ³⁸ Mpe kiri ebu mumo ema miku, aka onde mu oma mikii furu. ³⁹ Muli bandou baba boo, likunu koso obei mu itsui enziame, mpe lika ma muru nsamu mo mubei mu minua banzio. ⁴⁰ Muli momaso nka ya obue mpe munzei.