¹ Ko lɔ oxo jɔ oxo nɔ le kliso mɛ. Kɔn kan ojo nɔ , yiwɛ bowe ayi ɖe kunu na-a gbɔn gbigbɔ kinkwɛn ji bio oxoxo mɛ ko mɔ lɔ nɔ. ² Ko le vivɛsise ɖaxo ɖe mɛ kpodo dɔnuɖunu ɖaxo ɖe mɛ le ayixamɛ. ³ Koo jlo nɔ bio; Mawu ni do onu botete ɔ , a mɔ klantɛ le Klisu wu , na nɔviye we onywɛ , ye wɛ ɛmɛke ye nyi ɔkɔta tɛye. ⁴ Ye wɛ nyi Islayɛli vikpɛye, ye wɛ Mawu trɔ sɔ do ɖo vikpɛ ye , bo do gigo naye dogbɔn okancica ke ewasi kpo ye mɛ , bo mɔ na ye osɛn ɔ , Mawu wesinsɛn , boxo ogbe naye. ⁵ Mia dogbo-dagbo ye mɛ wɛ ejɔ sɔn ɖi ɛgbɛtɔ ha le agbaza lanmɛ, e nyi Mawu kɔta hu ɛmɛ yexeɖeɖe, miɖona kafu-i sɔ yi mavɔ mavɔ. Ami! ⁶ Vɔ , ɔn nyi bio Mawu ɔ we ogbe ke exoye flɛjɛ onyihwɛn. Le oxo jɔ oxo mɛ, ɔn nyi ɛmɛkeye ye jisɔn mia dagbo Yakɔbu ke Mawu lɛ nyikɔ nabio Izlayɛli mɛ , wɛ nyi Izlayɛli. ⁷ ɛmɛke ye ye ji sɔn Ablahamu mɛ yexeɖeɖe hɛn nyi vikpɛ itɔn ye. ɖo Mawu lɔ na Ablahamu bio: Izaki we okunkan wɛ ye na yiɔ bio yi we okunkan. ⁸ Mi ɖo na se emɛ bio : ovikeye Ablahamu jile agbazamɛ yexeɖeɖe hwɛn nyi Mawu we ovi. Ovi ke ye Mawu xo ogbe na ye do jiye we ye nɔ yɔ bio Ablahamu we okunkan. ⁹ ɖo Mawu , xo ogbe bo bio: gbɔɔn ajɛ ogan leleha mɛ ko na va , Sala na ji ovi ŋusuglo. ¹⁰ ɔn vɔ do blɛ: Rebeka ji ovi sɔn otɔ ɖokpo ke nyi mia dagbo dagbo Izaki we okunkan mɛ. ¹¹ ɖo , ye ɔn ka ji ovikpɛye , ye ko wa onu nywɛ alo onu gugu ɖe can gbɔxwe na ena nyi nɔ bio , onuke Mawu do ɖo ɛgbɛ yetɔn ji a do jɔ. ¹² Mawu ɔ lɔ na Rebeka bio , ɛmɛ hwɔn na sumɔvi na ovife ɔ. ¹³ Esɔgbe pɛpɛpɛ ɖike ye wlin ɖoha bio:«Ko yi owan na Jakɔbu , bo gbɛ owan na Eso» ¹⁴ Naɖe mi na lɔɖo? Mawu ɔ na nyi ɛmɛ majɔ majɔ wɛ ? Oo , ɔn kpewu na nyi emɔ ! ¹⁵ ɖo , e lɔ na Moyizi bio:« Ko na kpɔ dɔnuɖunu na ɛmɛ kekojro , a mɔ se vivɛ kpo do ɛmɛ kekojro. ¹⁶ ɔn nyi ɛmɛke jro , e ko nyi ɛmɛ ke le we dun nun , vɔ , Mawu ke nɔ kpɔn dɔnuɖunu na ɛmɛ wu wɛ e na sɔn. ¹⁷ ɖo , winwlan kinkwɛn lɔ na Falaɔn:« onu ke dɔn vivɛ-vivɛ na ko bo kɔwe dojihwe do xɔlu we zinkpo ji amɔ ɖe hɔnhlɔn tɛye sɔxlɛ gbɔnjiwe , ehin ɔ , bo we nyikɔ mɔ nyi gbigbakpe gbɔn nyixo ɔ ji seŋu.» ¹⁸ E mɔ wɛ Mawu nɔkpɔn dɔnuɖunu na ɛmɛ ke ejlo , a mɔ hɛn oji syɛnxu na ɛmɛ ke ejlo na hɛn oji syɛnxu na. ¹⁹ Ona lɔ na bɔɖewu bio:« ŋunilɛ dɔn na ɛgbɛ kpɔn ɛfɛnnɛ ɛmɛ nɔ? Mɛlɛ na kpewu syɛnta a mɔ gbɛ yiwe ojlo?» ²⁰ Vɔ , mɛlɛ lɔ onyi , ɛgbɛtɔ a mɔ kpekpo Mawu? Onu keye wasi na kpewu lɔ na ɛmɛke wasi bio:«ŋunijɔ , obowasi blɔ do emɔ?» ²¹ Ozɛnmɛtɔ ɔn ɖo ɛhwɛ jijɔ do osunji , a mɔ swɛ sɔ wasi ozɛn ke le vivɛ ɖe ni , kpodo ozɛn bu ke ye na zannagbe ɖokpo wɛɛ? ²² ŋuni mi na kpewu lɔ na Mawu ke jlo a mɔ sɔ aɖi dido itɔn sɔ xlɛ , kpodo hɔnhlɔn itɔn kpo ganke , e do oji , kpodo ohun kuku ɖaxoɖe le aɖi dido yetɔn we ŋukɔn , na ozɛnke ye wasi jijlado na cincrɔn. ²³ ŋuni mi na lɔ na enyi bio ewasi e mɔ , amɔsɔ iwe dɔkunye ke le gigo itɔn mɛ do ozɛnke ye e kpɔn dɔnuɖunu na keye ewasi jijlado na na itete ɔ we gigo?» ²⁴ ŋuni mi na lɔ e mɔ wasi eke can na mi , na e mɔ yɔ jwifuye ɖoɖyo hwɛn , vɔ kosiye can. ²⁵ ɖi ke e nɔ lɔle oze we wema mɛ :« ko bo na ylɔ ɛmɛ keye ɔn nyi otogun tɛye otogunvitɛye; kpodo ɛmɛ ke ɔn nyi ɛmɛ yi owan na tɛye. ²⁶ E mɔ ke e na nyi na tɛnxo kewu ye lɔ ɖobio: "Mi ɔn nyi otogun tɛye", Blɛ ɔ we , ye na na yɔ ye bio ovi Mawu ɛgbyɔ ɛgbyɔ tɔn.» ²⁷ Ezaya viavinɔ do Izlayɛli tanɔ:« Na enyi bio , ɛmɛnɛmu nɛmuke nyi Izlayɛli viye , bo le ɖi ɛxukɔ ha , e na nyi ɛmɛ kpotwiɖe wɛ ye na hlɛngan. ²⁸ ɖo ɔ , xwetɔ na sɔ oxo itɔn sɔ va cicɛmɛ bi sese zanɖesyɛ. ²⁹ ɖike Ezaya lɔ do sa wɛ:"Na ɔn nyi bio , ahwankpaye we xwetɔ , ɔnɖɔ okunkan do ɛtɛ na mi , mi mɔ le ɖi sodɔmu ha , mimɔ ɖi Gomɔru ha."» ³⁰ ŋuni mina lɔ hin ? kosiye , ke ɔn kan jɔjwɛ nyinyi nɔ ye ɔ , ye kpɔn jɔjwɛ nyinyi , jɔjwɛ nyinyi do gbɔn xɔse mɛ. ³¹ Vɔ , Izlayɛli ke kan osɛn we jɔjwɛ nyi nyi tɔn nɔ , ɔn mɔ va kpewu tɔ jɛblɛ ɔ. ^{32 33} ŋunilɛ jɔ ɔn na nyi emɔ? ɖo , ɔn kan nɔ do gbɔn xɔse mɛ , vɔ dogbɔn odan wiwa ye mɛ. Ye gba ɔfɔ ɖo ɛkpɛn ke nɔ gba ɔfɔ na ɛmɛ wu. ɖike ye wlin ɖo:« Mikpɔn ko sɔ ɔfɔ gbanu we ɛkpɛn sɔ ɖo Ziyɔni , kpodo ɛkpɛn gbaja hwɛwo tɔn. ɛmɛ ke ɖi onu ni , ɔnɖu ŋunya nɔ.»