¹ ɛhwɛ ɖiɖɔ ti ɔn mɔn le na ɛmɛ ke le Yesu mɛ. ² Do tito gbigbɔ kinkwɛ tɔn le Yesu Kliso mɛ ɖu jina le ɔgɔ jijɛ we tito ye mɛ kpo oku mɛ. ³ E mɔn , onu ke osɛn ɔn kpe wu wasi le i we masɔ gbe le agbaza mɛ, Mawu na evame. Mawu sɔ ovi-ɔ tete do dan le agbaza ke ɖi ɔgɔ jijɔ we agbaza, ha na do va san vɔ na ɔgɔ jijɛ, e bo va hu ɔgɔ jijɛ do gbaza mɛ. ⁴ E wasi e mɔn na onu ke na osɛ-ɔ bi-ɔ nɔ a do nyi cicɛ le mian mɛ , miye ke ɔn mɔn zɔn ni nɔ le agbaza mɛ vɔ le gbigbɔ mɛ , ⁵ ɛmɛ ke le ɛgbɛ le agbaza mɛ, ɛgbɛ mɛ we onu ye wɛ e nɔ sɔ iɖe sɔ na, vɔ ɛmɛ ke le ɛgbɛ le gbigbɔ mɛ, gbigbɔ mɛ we onu ye wɛ e nɔ kan. ⁶ Do a sɔ ɛmɛ ɖe sɔ agbaza ji, oku wɛ e nɔ hɛn do va, vɔ na ye sɔ ɛɛ ɖe sɔ ɖo gbigbɔ kinkwɛn ji-ɔ, ɛgbɛ kpo fifawɛ ye nɔ kpɔn. ⁷ Vɔ ɛmɛ ke nɔ sɔ yiɖe sɔ ɖo agbaza ji-ɔ, ɔn jɛŋ na Mawu, ɖo ɔn nɔ sɔ iɖe sɔ xwe na Mawu we osɛn ye , ye ko kpewu can. ⁸ ɛmɛ ke le ɛgbɛ le agbaza mɛ ye ɔn nɔ jɛŋ na Mawu. ⁹ E le e mɔn , mi ye ɔn mɔn le ɛgbɛ le agbaza mɛ, vɔ le gbigbɔ mɛ, na xojɔ xo Mawu we gbigbɔ le mian mɛ. Vɔ na ɛmɛ ɖe ɔn ɖo Yesu Kliso we gbigbɔ, ɔn nyi Yesu tɔn. ¹⁰ Na Kliso le mian mɛ , agbaza nɔ ku na nunvwɛn , vɔ gbigbɔ le ɛgbɛ na jijɔ nyi-nyi. ¹¹ Na ɛmɛ ke fɔn Yesu Kliso sɔn oku we gbigbɔ le mian mɛ, ɛmɛ ke fɔn Kliso sɔn ɛmɛ kuku ye mɛ na na ɛgbɛ we agbaza kuku ye sɔ gbɔn gbigbɔ itɔn ke le mian mɛ. ¹² E le emɔn nɔnviye , miɖu ɔxɔ, vɔ ɔnyi a do nɔ ɛgbe le agbaza mɛ. ¹³ Do na mi le ɛgbɛ le agbaza mɛ, mi na ku, vɔ na mi le ɛgbɛ le gbigbɔ mɛ, mi hu agbaza mɛ we onu wiwa ye , mi bo na nɔ ɛgbɛ. ¹⁴ Do leɖi ke ɛmɛ susu nɔ zɔn le Mawu we gbigbɔ nu ɖo, ɛmɛ xin ye wɛ nyi Mawu we ovi. ¹⁵ Na miye-ɔ, mi ɔn mɔn yi kannumɔn nyi-nyi we gbigbɔ kpo vivo we gbigbɔ. Vɔ gbigbɔ ke yi mi ɖi otɔ ha wɛ mi yi, ke ji mi kan do bo nɔ do axwa:“Aba” otɔ!” ¹⁶ Gbigbɔ kinkwɛn tete nɔ ɖe kunu na mian we gbigbɔ bio mi mɔn nyi Mawu we ovi, ¹⁷ Na mi nyi Mawu we ovi, mi ye can nyi ogu ɖutɔ, oguɖutɔ Mawu tɔn, ogu ɖutɔ kpo,Yesu, na mi ɖu aya kpoe ɔxɔ jɔ ɔxɔ, a mɔ do va yi gigo kpoe. ¹⁸ Do ko lɔ bio aya ɖuɖu siɛ tɔn ɔn kpewu na sɔgbe kpo gigo ke ye na va sɔ xlɛ mi. ¹⁹ Do gbetɔye tre kpɔn Mawu we ovi-ɔ nɔ kpo ojidido kpo nɔ taŋ. ²⁰ Gbetɔ ye sɔ ye ɖe sɔ na onu vovo, ke ɔn sɔn ye tete we jlóme, vɔ ke sɔn mɛke sɔ onu-ɔ sɔ na ye nɔ we gomɛ. Kandeji taŋ ke sɔgbe wɛ. ²¹ Do gbɛtɔye tete na kpɔn kan tun-tun le onugugu wiwa we kannu mɔngbeji, e bo na tun kan na Mawu we oviye le gigo itɔn mɛ. ²² Do mi nyɔn-ɛ bio ɛgbɛ bi le vive sise mɛ kpo okoue fifan mɛ gbun do va do siɛ. ²³ Vɔ ɔn nyi e xi ɖo ɖio hwɛn, vɔ miye can ke yi gbigbɔ kinkwɛ we okun sinsɛn tantyɛn ye , mi fan koe nɔ le oji mian tɔn ye mɛ, kpo mɔnu kpin-kpɔn na mian we Mawu , na do tun okan agbaza mian tɔn ye. ²⁴ Do kando eji xin ye wɛ na mi na mi wlingan-vɔ onu ke mi tre kpɔn nɔ, mi ɔn kpɔn-ɛ hɔnɖe, vɔ ɛmɛ ni lɛ mɔn nɔ kpɔn omɔn na onu ke e kpɔn nɔ? ²⁵ Vɔ na mi na kpɔn onu ke mi tre kpɔn-nɔ ; mi na tre kpɔn-ɛ kpo oji dido. ^{26 27} E mɔn ke , gbigbɔ kinkwɛn can nɔ kpe do mian wu le mian we gbɔ jɔ gbɔ jɔ mɛ. Do mi ɔn nyɔn ke ye nɔ xo ɛɖɛ ɖo, vɔ gbigbɔ kinkwɛn tete nɔ lɔ oxo do lian nu le ganke mɛ na oxo ke mi ɖo na lɔ vɔ mi ko kpewu lɔɛ nɔ. ɛmɛ ke nɔ kpɔn oji ye mɛ tete nyɔ onu ke le oji mɛ na mi. Do gbigbɔ kinkwɛn nɔ lɔ do mian nu sɔ gbɔn Mawu we ojlo mɛ. ²⁸ Mi nyɔn-ɛ bio , Mawu nɔ na onu sia nɔ jɔ a do hɛn nyɔna do va na ɛmɛ nyi owan ni ye kpo ke ye yɔ gbɔn Mawu we tito mɛ. ²⁹ Do ɛmɛ ke Mawu nyɔn do ŋukɔn ye ɔ, e sɔ ye sɔ ɖo te na ye a do ɖo lilɔnmɛ ɖi ovi-ɔ Yesu ha, na do nyi ovi tantyɛn le nɔnvinɔ ye mɛ. ³⁰ ɛmɛ ke Mawu sɔ ɖo ote ye-ɔ, ye wɛ nyi ɛmɛ ke e yɔ ye. ɛmɛ ke eyɔ ye-ɔ, e mɔn kɔn yewu, ɛmɛ ke wu ekɔnye-ɔ, e mɔn do gigo ye wu. ³¹ Oxo ni lɛ mi na lɔ do ovi-ɔ wu? na Mawu le kpo mi , ɛmɛ ni lɛ na cite do mian wu? ³² Mawu ke ɔn vɛ onu do ovi-ɔ nu, vɔ bo sɔ-ɛ bo sɔ na do ota na mi, onu ni lɛ na jɔ na ɔn va onu ke mi ɔ kan-ɔ ye wu mi? ³³ ɛmɛ ni lɛ na va a do ɛhwɛ na ɛmɛ cica Mawu tɔn ye? Mawu wɛ nyɔn ɛmɛ jijɔ. ³⁴ ɛmɛ ni lɛ nɔ gbo ɛhwɛ? Kliso w€ nyi ɛmɛ ke ku do ota na mi, ke mɔn le vivɛ ɖe taŋ wɛ nyi bio Kliso ɖo ɖio wɛ fɔn sɔn oku. Kliso oɖu oga kpo otɔ nɔ bo le bubu we tinxo mɛ, Kliso wɛ mɔn nyi ɛmɛ ke lɔ oxo mian nu nɔ. ³⁵ ɛmɛ ni lɛ na va klan mi le Kliso we owan nyi-nyi wu? onulilo wɛ, vivɛsise wɛ, ofunɖiɖe na ɛmɛ wɛ, xovɛ wɛ, onu man le ɛmɛ si wɛ, fɔku wɛ, tintɛnkpɔn wɛ? ³⁶ Leɖi ke ye wlin ɖo:“ ye hu mi nɔ do tawe , le ŋkɔn ie bi mɛ. Mi leɖi kanlin ke ye dɔn sin huhu gbe nɔ ha.” ³⁷ Le onu xin ye bi mɛ, miye mi hu gan wu jiɖutɔ sɔ gbɔn ɛmɛ ke nyi owan na mi ji. ³⁸ Ko bo kando eji bio, onu ti ɔn le , oku o, ɛgbɛ o, dɔlaye o, ɛcɛkpikpa o, onu egbetɔnye o, alo onu ke na va va o; hɔnhlɔn ye o, ³⁹ gagamɛ o, ke onu-ɔ tito ɖo ha o, alo onu wiwasi ɖe kpo-kpoe o, ɔn kpewu na va ɖe mi le Mawu we owan nyi-nyi ke le mian we xwetɔ Yesu Kliso wu.