¹ Mi ɔn nywɛn lɔ bio osɛn mɔn cɔ-ɔ ɛgbɛ tɔ nɔn wɛ-ɛ? ² Ɖo nyonusi ke ɖe osu ɔ le osuɖiɖe wɛ ɛcɛ gɔ, vɔ na osu ɔ ku ɔ, e tɔn le ɔlɔwiwle we ɛcɛ gɔ. ³ Vɔ ɔ na osu ɔ le ɛgbɛ gbo xwe na e tɔn kpo mɛnbu nɔn, e lɔ ogã. Vɔ na osu ɔ kun keŋu gbɔxwe etɔn kpo mɛnbu nɔn-ɔ e ɔn mɔn lɛ oga. ⁴ Na miye can ɔ, dogbɔn okuku kpo Yesu kpo ɔ, mi lɛ le osɛn gɔ bo na do sɛn oku na Mawu. ⁵ Ɖo kangemɛ mɛ mi onnyi seɔ, o nunyinnyla ogu onu le mian wu nɔn, onu e mɔn ha tɔn ye bo na hɛn oku va na mi. ⁶ Ke e zu bio mitɔn le osɛn gɔ ɔ, mi-ɔ fɔn na do sɛn gbigbɔ nyonyo bu ɖo mi ci-i osɛn gɔ saan. ⁷ Ɖe mi na lɔ bio, osɛn mɔn nyi nuvwɛn wɛ-ɛ? Oo. Vɔ osɛn wɛ dɔn na mi do nyon nuvwɛn. Ɖo ko nyɔn ŋbia sa-an osen gbɛ bio « O ɖo nan ŋiaŋ » wɛ na godo nywɛn. ⁸ Vɔ ke nuvwɛn kpɔn mɔn le osɛn mɛn wɛ dɔn na ŋbia do nyi tɛxo le mɛn ye ɖo osɛn mɛvoɔ, nuvwɛn ku. ⁹ Ko nɔn za-an ɛgbɛ nywɛn sa-an ɖo ko nyon osɛn, vo gankeme koʋa nyɔn osɛn ɔ, nuvwɛn cite le mɛn ye ko bo ku le ote. ¹⁰ Osɛn ke hɛn ɛgbɛ va na-an sa-an ɔ hɛn oku va na-a. ¹¹ Ɖo nuvwɛn gbɔn osɛn mɛn bo do nu ɖote. ¹² Yiwɛ dɔn, osɛn le kinkwɛn bo nyɔhui. ¹³ Siɛ o, ŋke nyɔnhui wɛ-ɛ va hɛn oku ʋa nan? Vɔ keŋgbɔxwe nuvwɛn na do xlɛn onu wu kplɔ do yi-i oku. ¹⁴ Mi-i nywɛn lɔ bio osɛn mɔn nyi gbigbɔ we onu, vɔ blɔ ko le gbaza mɛn ko bo nyi kanu myɔn na nuvwɛn. ¹⁵ Ɖo kɔn nyɔn onu ke kowa nɔn. Ɖo onu ke ko jlo ɔ, kɔn nɔn wasi vɔ nuke ko gbɛwan nan ko nɔn wasi, ¹⁶ vɔ nɛn nuke ko gbɛ wan nan xojɔxo ko bo zɛ ni-i ɔ, ke le blɛ ɔ ko zɔn do osɛn ɔn ji yiwɛ osɛn ɔn nyɔnhui-i. ¹⁷ Vɔ bohwɛn o wasi onu e mɔn hatɔn nye nɔn vo nuvwɛn ke nyi kpo le mɛnye. ¹⁸ Ɖo ko nywɛn lɔ bio le gbaza tɛye mɛn ɔ, onunywen ti-i ɔnɔn nyi wiwa ɖo ojlo a do wa onu nywen le mɛnye vɔ koŋu kpo nɔn wasi. ¹⁹ Ɖo ko kpewu nɔn wasi onu nywen, nyinyla jan ko nɔn wa. ²⁰ Nan ko wasi ŋke nan kɔn jlo nɔn bo tete hwen wesi nɔn vɔ nuʋwen ke le mɛnye. ²¹ Ko nɔn kpoɛn bio osen wɛ e nyi le gankemɛ ko ʋa wa onywɛn, nyinnyla can bo nɔn le mɛye. ²² Ɖo ko nɔn kpɔn jijwɛ do osɛn Mawu tɔn wu le ɖi-i gbɛtɔ le gbigbomɛn ha-a. ²³ Vɔ-ɔ osɛn bu kpɛ ɛcɛ le bowe gbaza mɛn ke na na-a fu ahwan kpaŋta Mawu we osɛn e bo nɔn sɔ-ɔ so wasi kanu myɔn na. ²⁴ Ko le doŋɖunu mɛ ke, ɖo mɛn na-a ɖyo tɛ le gbaza oku tɔn si-i? ²⁵ Vɔ, kafu-kafu ni-i nyi Mawu tɔn do gbɔɔn oviɔ-ɔ Yesu ji-i. Gankemen ke zɔn da Mawu we osɛn ji nɔ, ko nyi kanumyɔn nan we osɛn.