¹ Oxo ni mi na lɔ ? mi mɔn nɔ ɛgbɛ le onuvyɛn mɛ nɔ, na Mawu we ɛfɛnu a su do e ji na na mi nɔ wɛ ? ² O-o! Mi ye ke ku na onuvyɛn , na ɖe mi mɔ na ɛgbɛ le nuvyɛn mɛ ɖo? ³ Mi ɔn nyɔ-ɛ bio ɛmɛ ɖekpokpo-e ke ye yrɔn le Yesu Klisu mɛ, ye yrɔn ye le oku itɔn mɛ wɛ? ⁴ Ye ɖi miye ca gbɔn oku itɔn we nyinyrɔn mɛ. Eke jɔ, na ɖi ke na Yesu fɔn sɔn ɛmɛ kuku ye mɛ ɖo gbɔn otɔ we gigo mɛ ɖo ha, miye ca, na kpewu a zɔn le ɛgbɛ yoyo mɛ. ⁵ Do na ye ca mi kpo ikpo gbɔn oku itɔn ha mɛ, mi mɔ na ca kpo-e le fɔn sɔn oku itɔn mɛ. ⁶ Mi nyɛn bio ɛmɛ xixó miatɔn, ye kin do atisoga ji kpo-e, na onuvwɛn we agbaza a do crɔn. Eke-o e jɔ na mi ɔ mɔn na nyi kanu myɔn na onuvyɛn. ⁷ ɛmɛ ke ku-ɔ ye yɔ-ɛ bio ɛmɛ jijɔ le onuvyɛn de. ⁸ Na mi ku kpo Kliso, mi ka do eji bio mi mɔ na nɔ ɛgbɛ kpo-e. ⁹ Mi nywɛn bio Kliso fɔn sɔn ɛmɛ kuku e ɔn mɔ ku nɔ ke. ¹⁰ ɖo e ku, e ku na onuvwɛn na ɛmɛ bi zɔnɖo kpo ge ; e le ɛgbɛ , vɔ Mawu wɛ ele ɛgbɛ na. ¹¹ E mɔ ha , mi ɖo na nyɔɛ ɖo e mɔ bio heye mɔ ku na onuvwɛn , vɔ bo le ɛgbɛ na Mawu le Kliso Yesu. ¹² ɖo e wu-ɔ , Mi ka mɔ ɖe omɔ na onuvwɛn na ɖo ɛcɛ do mia we agbaza kuku ɔ ji na mia a mɔn va wasi do iwe onujijro ji. ¹³ Mi ko mɔ s̵ɔ miawe goto we onu ye a sɔ na onuvwɛn leɖi odanwanu ma jɔ majɔ ha. Vɔ mi sɔ mianɖe sɔ na Mawu ɖi ɛmɛ kuku ke le ɛgbɛ siɛ ha. Mis ɔ miawe goto we onu yee sɔ na leɖi onu zizan jijɔ na Mawu. ¹⁴ Mi ko mɔ na omɔ nuvwɛn a ɖo ɛcɛ do mia ji , ɖo miɔ mɔ le osɛn we ɔgɔ , vɔ mi le ɛfɛ nu we ɔgɔ. ¹⁵ ŋni lɛ ? Mi ɖo na wa onuvwɛn ɖo mi ɔn mɔ le osɛn we ɔgɔ wutu, bi mi mɔ le ɛfɛnu gɔ ? o, o . ¹⁶ Mi ɔn nyɛn bio ɛmɛ ke mi sɔ mia ɖe sɔ na leɖi odansɔvi ha, wɛ nyi ɛmɛ ke mi na bu. ɛmɛ ke mi ɖo na bu . Wɛ? oxo jɔ xo wɛ e nyi , Na , mi nɔ sɔ odan na onuvwɛn ke nɔ kplɔ ɛmɛ doyi oku , a lo mi nɔ sɔ odan na otonusise ke nɔ kplɔ ɛmɛ do yi jijɔ nyinyi mɛ. ¹⁷ Vɔ ɛkpɛ wɛ mi na do na Mawu! ɖo kanumyɔn wɛ mi nyi na onuvwɛ san, vɔ mi bo ɖo oto onukpinkplan ke ye kplan mi bo wasi do e ji sɔn oji miatɔn mɛ. ¹⁸ Ye tun okan na mi le onuvwɛn si mi bo sɔ mian ɖe sɔ wasi kanumyɔn na jijɔ nyinyi. ¹⁹ Ko lɔ oxo nɔ ɖi ɛgbɛtɔ ha ɖo mia we gbɔjɔ-gbɔjɔ wu. E mɔ ke , le ɖi ke na mi sɔ miawe goto nu yee sɔ na makɔmakɔn kpo onuvwɛn , iwɛdɔn siɛ-ɔ, mi sɔ mia we goto nuye-ɔ a sɔ na jijɔ nyinyi kpo kinkwɛn nyinyi leɖi kanumyɔn ha. ²⁰ ɖo na mi nyi kanumyɔn na onuvwɛn, mi na vo na jijɔ nyinyi. ²¹ Le gan xlɔn mɛ-ɔ okun sinsɛn ni lɛ mi sɛn sɔn onu xin ye wu ke na nyi ŋukpɛn na mi siɛ? ɖo onu xin yee we ɖiɖɔ-e wu , oku wɛ e nɔn nyi. ²² Vɔ siɛ ke na ye ɖe mi tɔn le onuvwɛn mɛ bo sɔ mi sɔ wasi kanumyɔn na Mawu, oku sinsɛn mia tɔn nyi kinkɔnyi-nyi. Nu ke e nɔn na, wɛ nyi ɛgbɛ mavɔ-mavɔ. ²³ ɖo onuvwɛn we ɔxɔtu wɛ nyi oku, vɔ onu nina vovo Mawu tɔn, bo nyi ɛgbɛ mavɔ-mavɔ le Yesu klisi mia we xwetɔ mɛ.