¹ Leɖi ke ye kɔn mia wu sɔ gbɔn ɔwe ji, mi ɖo fifa kpo Mawu sɔ gbɔn mia Xwetɔ Yesu Kliso ji. ² Sɔ gbɔn Yesu ji-ɔ, mi kpɔn ɔxe we omɔn sɔ gbɔn fɛnu ke mɛ mi le. Mi kpɔn jijɔwe nɔ le kan ɖeji ke Mawu na mi le ŋkɔn mɛ, kanɖe ji ke mi ma kpo ,ɛmɛ ye nɔ le Mawu we gigo mɛ. ³ Do kpe-ɔ, mi mɔ nɔ kpɔn jijowɛ nɔle mia we aya ɖuɖu mɛ. Mi nyɔnbio aya ɖuɖu nɔ na vivɛ do nu. ⁴ Vivɛ do nu nɔ na asikpɛ xixo, asikpɛ xixo nɔ na kanɖe ji na suɛ ke gbɔn nɔ. ⁵ Kanɖe ji xin-ɔn nɔ blɛ ɛmɛ ɖu, ɖo wan nyi nyi Mawu tɔn le oji mia tɔn ye mɛ sɔ gbɔn gbigbɔ kin kwɛn ke ye sɔ na mi-ɔn mɛ. ⁶ Ɖo le gan ke mɛ na mi nyi ke gbɔ jɔ-ɔ, Kliso va ku do ota na nyanylan ye. ⁷ Ɖo e na vɛ na ɛmɛ ɖe a do ku do ota na ɛmɛ jijɔ, alo ɛmɛ ɖe na do yi ogbe a bo ku do ota na ɛmɛ nyɔnɛ ɖe. ⁸ Vɔ Mawu ɖe yi we owan nyinyi sɔ xlɛ mi, ɖe kan ke mɛ na mi na mi nyi ɔgɔ jɛ tyɔ, Yesu bva ku do ota na mi. ⁹ Yi wɛ dɔn ye ke na ye klɔ mia wu kpo Yesu we ɛhun-ɔ, mi na kpɔn wlin gan sɔ gbɔn Yesu ji kpo Mawu we domɛzo mɛ. ¹⁰ Ɖo le gan ke mɛ na, mi nyi kintɔ na Mawu, Yesu va ca mi ye kpo Mawu, mi bo kpɔn wlingan gbɔn ɛgbɛ yi tɔn ji. ¹¹ Ɔn nyi e hin ɖo ɖio xhɛn, vɔ mi mɔ nɔ kpɔn gigo le Mawu mɛ sɔ gbɔn mia we Xwetɔ Yesu Kliso ji, Yesu ke ji mi wasi ɖokpo kpo Mawu le. ¹² Le ɖi ke na ɔgɔ jijɛ ɖiɛ ɛgbɛ-ɔ mɛ gb ɔn ɛmɛ ɖokpo ji-ɔ, e mɔ ke wɛ oku can mɔ ɖiɛ ɛgbɛ-ɔ mɛ gbɔn do ɔgɔ jijɛ mɛ. Oku bo gba kpe gbɔn ɛgbɛ mɛ bi. Ɖo ɛmɛ bi wɛ jɛ ɔgɔ. ¹³ Ɖo gbɔxwe osɛn na va-ɔ, onu nyinylan o le ɛgbɛ mɛ, vɔ ye ɔn nɔ ɖo ɛxwɛ na ɛmɛ ɖe do osɛn ɔn va ¹⁴ E le emɔ gan ke, oku bo le sɔn Ademu we ghan mɛgbun do va Mɔnyizi we gan mɛ, ɛmɛ ke ɔn jɛ ɔgɔ ɖi oto ma ɖo Adamu tɔn ha, ădamu ke nyi ninɔ mɛ leɖi ɛmɛ ke ɖo na va. ¹⁵ Kaka jɛ blɛ-ɔ, onu ti ɔn ka nyi ɔgɔ jijɛ ɔn ɖe. Ɖo sɔ gbɔnn ɛmɛ ɖokpo ji wɛ ɔgɔ jijɛ-ɔ, ɛmɛ susu ku, mi kpɔn zɔn nɛmu ke na ɛfɛ nu Mawu tɔnn glo ɖo kpo ɛfɛnu ke Mawu wasi bo do sɔ ovi-ɔ ɖokpo sɔ naz,,Yesu Kliso e su na mɛ bi. ¹⁶ Ɖo ɛmɛ ke Mawu sɔ na ɔn nyi ɖe wu na onu o vun-ɛ. Ɖo le a kpa bu ji, vɔ le ɔlɔ bu mɛ, onu nina vovo ke nyi jijɔ nyi nyi na ɔgɔ jijɔ ɛmɛ susu tɔn. ¹⁷ Ɖo sɔ gbɔn ɛmɛ ɖokpo we, ɔgɔ jijɛ ji oku oga do yi ɖo ɖio ji, mi kpɔn ɛmɛ nɛmu ke yi fɛnu susu kpo onu nina jijɔ nyinyi tɔke na nɔ ɛmɛ ɖokpo we ɛgbɛ mɛ Yesu Kliso. ¹⁸ Ke e le e mɔ, leɖi ke na ɛmɛ ɖokpo jɛ ɔgɔ, ye do ɛxwɛ na ɛmɛ susu, e mɔ ke do gbɔn ɛmɛ ɖokpo ji wɛ jijɔ nyinyi we dan ji, wɛ ɛme susu kpɔn kinkɔn nyinyi le. ¹⁹ Ɖo sɔ gbɔn oto ma ɖo ɛmɛ ɖokpo tɔn mɛ, wɛ ɛmɛ bi nyi ɔgɔ jɛ tɔ, e mɔ ke sɔ gbɔn oto ɖiɖo ɛmɛ ɖokpo tɔn ji, ɛmɛ susu na nyi ɛmɛ jijɔ. ²⁰ Vɔ, osɛn va na ɔgɔ jijɛ a dosu. Vɔ ofi ke ɔgɔ jijɛ su le-ɔ, fɛnu can nɔ su do e ji. ²¹ Onu ke ye jɔ na ɔgɔ jijɛ a do ɖu oga do okun ji na ɛfɛnu a do ɖu oga do jijɔ nyinyi ji na ɛgbɛ mavɔ sɔ gbɔn yesu Kliso Xwetɔ mia tɔn.