¹ Ɖe, mi na lɔ bio Ablaxamu kpɔn onu do gbɔn gbaza mɛn xwɛ-ɛ? ² Ɖo na Ablaxamu do wa onunywɛn wɛ ɔ, e na ko yiɖe nyi jihwe. ³ Ɖo wiwlan lɔ bio: « Ablaxamu kan ɖo Mawu ji, ye bo xle do ɛmɛn jijɔ ye mɛn. » ⁴ Na mɛnke wa dan nɔn, xotu ɔn nyi ɛfɛnu vɔ e jɛ ni wɛ. ⁵ Vɔ, na ɛmɛ ɖe ɔnmɔ nɔn ma odan vɔ bo nɔn kando Mawu ke nɔn tro ɛmɛ majɔ majɔ a do wasi ɛmɛnjijɔ, dogbɔn xɔse yitɔn mɛ ɔ, Mawu na sɔɛ sɔ wasi ɛmɛ jijɔ. ⁶ Davidi yla ɛmɛ ke Mawu so kpɔn ɛmɛ jijɔ lɔ bio ⁷ « Nyɔnanɔye wɛ nyi ɛmɛ ke na Mawu sɔ onu nyinnylan yetɔn sɔ kɛ, ɛmɛ ke cɔn onu do onunyinyla yetɔn ji. ⁸ Nyɔnnanɔ wɛ nyi ɛmɛ ke Mawu ɔn xlɛ onuvwɛn ti-i do okɔ na. » ⁹ Nyɔna xi yi ɛmɛ ko gbo ada ye kɛɖɛ ye tɔn wɛ? Ɖo mi nɔn lɔ bio « Xɔse nyi xixlɛ le ɖi jijwɛ nyinyi na na Ablaxamu. » ¹⁰ Na ɖe ye xlɛ xɔse xi-i do? Gankemɛ Ablaxamu gbo ada alo ɔn gbo wɛ? ɔn gbo ada. ¹¹ Ablaxamu nyi adagbigbo xwe jwesido e xi-i nyi jijwɛ nyinyi kpo xɔse kpo. Yiwe ɖiɖo e wu wɛn nyi bio e nyi otɔ na tɔtɔ nɔn ke kando Mawuji ye. ¹² E xi-i we gɔnmɛ wɛ nyi bio Ablaxamu ɔn nyi otɔ na mɛke trɔ jimɛ ye ɖodyo vɔ na mɛnke ɔntrɔ jimɛ ye can. Mɛnke na nɔn zɔn le ɔfɔ ɖiɖe xɔse tɔn ke Ablaxamu zɔn va yi ha. ¹³ Ɖo ɔn nyi kpo osɛn wɛ akpagbe ji nwɛn Ablaxamu kpodo jijimɛn vi yitɔn ye nan ɖu cinɔn do. Vɔ do gbɔn jijwɛ nyinyi we xose. ¹⁴ Ɖo na mɛnke o ɖo xɔse nɔn ye na ɖu cinɔn wɛ ɔ, xɔse yi nyi vovo yiwɛ akpagbe xi-i ɔ ɔn kpewu mɔn na mɔn va emɛn. ¹⁵ Ɖo osɛn ɔ adi-i wɛ enɔn ji, vɔ fike osɛn ɔn le ɔ ɛhwɛnhuhu ɔn mɔn nɔn le blɛ. ¹⁶ Ɛfɛ nu ɔn nyi xɔse oku sinsɛn na jijimɛ vi ye bi-i. Ganximɛ ɔn na jijmɛ xi-i ye na zan osɛn eko na nyi iɖoɖio-o ɖo nye na zan xɔse Ablaxamu tɔn can. Ɖo yiwɛ nyin otɔ nan mi-i, ¹⁷ ɖo e nyi wiwlan lɔ bio: « Ko sɔwe do wasi otɔ na-a otogun susu. » Ɖo Ablaxamu le ŋmɛn na mɛn ke ji e ɖo kando eji ɖo, Mawu ke nɔn na ɛgbɛ wu onu kuku a bɔ sɔ-ɔ onu majɔ kpɔn asɔ-ɔ wasi onu jijɔ. ¹⁸ Ɔn ka ninɔnmɛn ke Ablaxamu o gbɔ nɔn le ogan xi mɛn vɔ esɔ kando eji sɔ do Mawu ji. Ɖi-i ke oxo-ɔ lɔɛ do ha-ɔ « E mɔn ha wɛ jijimɛ tɔ we na nɔn » e nyi otɔ na otogun susu. ¹⁹ Ablaxamu ɔn gbɔjɔ le xɔse mɛn. Ɖo ɔn mɔn kpewu na ji ovi. Osiɔ ko kpewu mɔn na nyi gomin. ²⁰ Vɔ sɔ gbɔn akpagbe Mawu tɔn mɛnɔ, ɔn xo onu kpɔn ɔn. Vɔ e ɖo xɔse bo nɔn kpa gigo na Mawu nɔ. ²¹ Ɖo e ɖo kando eji lɔ bio ŋke nan Mawu do ŋgbe na e mɔn nɔn wesi jan wɛ. ²² E mɔn ha ɔ, ye xlɛ e xi-i can do jijwɛ nyinnyi mɛ ni-i. ²³ E xi-i ɔn nyi ale ɖoɖyo ni-i, na Mawu sɔɛ sɔ-ɔ wasi jijwɛ nyinnyi. ²⁴ E nyi ale na mi ye can do ye xlɛ mi-i do jijwɛ nyinnyi nɔn nye mɛ ɖo mi ɖo xɔse lɔɔ bio Yesu fɔn sɔn-ɔn ɛmɛn kuku nye mɛn. ²⁵ Me ke ku do mian we onunyinnyla ta, bo-o mɔn fɔn-ɔn.